ശു​ഭാ​ൻ​ഷു ശു​ക്ലയുടെ ബഹിരാകാശ യാത്ര ജൂൺ 19ന്; റോക്കറ്റിന്‍റെ തകരാർ പരിഹരിച്ചു

ന്യൂ​ഡ​ൽ​ഹി: മാറ്റിവെച്ച ഇ​ന്ത്യ​ൻ ബ​ഹി​രാ​കാ​ശ​ യാ​ത്രി​ക​ൻ ശു​ഭാ​ൻ​ഷു ശു​ക്ല ഉ​ൾ​പ്പെ​ടെ നാ​ലു​ പേ​രുടെ അ​ന്താ​രാ​ഷ്ട്ര ബ​ഹി​രാ​കാ​ശ നി​ല​യ​ത്തി​ലേ​ക്കുള്ള യാത്ര ജൂൺ 19ന്. ഐ.എസ്.ആർ.ഒയാണ് പുതുക്കിയ തീയതി മാധ്യമങ്ങളെ അറിയിച്ചത്.

മേയ് 29, ജൂൺ 9, 10, 11 എന്നിങ്ങനെ പല കാരണങ്ങൾ കൊണ്ട് നാലു തവണ ബഹിരാകാശ യാത്ര മാറ്റിവെച്ചിരുന്നു. ആദ്യം പ്രതികൂല കാലാവസ്ഥയും പിന്നീട് ഫാൽക്കൺ 9 റോക്കറ്റിലെ ചോർച്ചയും യാത്രക്ക് പ്രതിസന്ധി തീർത്തു. അവസാനം അന്താരാഷ്ട്ര നിലയത്തിലെ പ്രശ്നം യാത്ര അനിശ്ചിതമായി നീക്കിവെക്കാൻ ഇടയാക്കി. ഫാൽക്കൺ 9 റോക്കറ്റിലെ ചോർച്ചയും പരിഹരിച്ചിട്ടുണ്ട്.

അതേസമയം, ശു​ഭാ​ൻ​ഷു ശു​ക്ല അടക്കം നാലു പേരുടെ കൊറന്‍റൈൻ ഇപ്പോഴും തുടരുകയാണ്. ​ശുഭാ​ൻ​ഷു ശു​ക്ല അ​ന്താ​രാ​ഷ്ട്ര ബ​ഹി​രാ​കാ​ശ നി​ല​യ​ത്തി​ലേ​ക്കു​ള്ള ത​ന്റെ ക​ന്നി​യാ​ത്ര​ക്കു​ള്ള ത​യാ​റെ​ടു​പ്പു​ക​ളെ​ല്ലാം പൂ​ർ​ത്തി​യാ​ക്കിയിട്ടുണ്ട്. വി​ക്ഷേ​പ​ണ ദി​വ​സ​ത്തെ പ്ര​വ​ര്‍ത്ത​ന​ങ്ങ​ളു​ടെ ‘ഫു​ള്‍ ഡ്ര​സ് റി​ഹേ​ഴ്‌​സ​ല്‍’ ക​ഴി​ഞ്ഞു. ഇ​വ​ര്‍ സ​ഞ്ച​രി​ക്കു​ന്ന ഡ്രാ​ഗ​ണ്‍ പേ​ട​കം വ​ഹി​ക്കു​ന്ന ഫാ​ല്‍ക്ക​ണ്‍ 9 റോ​ക്ക​റ്റി​ന്റെ നി​ര്‍ണാ​യ​ക​മാ​യ സ്റ്റാ​റ്റി​ക് ഫ​യ​ര്‍ ടെ​സ്റ്റ് ഉ​ള്‍പ്പെ​ടെ പൂ​ര്‍ത്തി​യാ​ക്കിയിരുന്നു.

ഇ​ന്ത്യ​ക്ക് പു​റ​​മെ, പോ​ള​ണ്ട്, ഹം​ഗ​റി, യു.​എ​സ് എ​ന്നി​വി​ട​ങ്ങ​ളി​ൽ നി​ന്നു​ള്ള ബ​ഹി​രാ​കാ​ശ​യാ​ത്രി​ക​രാ​ണ് ഒപ്പം ദൗ​ത്യ​ത്തി​ന്റെ പൈ​ല​റ്റാ​ണ് ശു​ക്ല. അ​മേ​രി​ക്ക​യു​ടെ മി​ഷ​ന്‍ ക​മാ​ന്‍ഡ​ര്‍ പെ​ഗ്ഗി വി​റ്റ്‌​സ​ണ്‍, ഹം​ഗ​റി​യി​ലെ ടി​ബോ​ര്‍ കാ​പു, പോ​ള​ണ്ടി​ലെ സ്​​ലോ​ഷ് ഉ​സ്‌​നാ​ന്‍സ്‌​കി-​വി​സ്‌​നി​യേ​വ്‌​സ്‌​കി എ​ന്നി​വ​രാ​ണ് സ​ഹ​യാ​ത്രി​ക​ര്‍. 1984ല്‍ ​റ​ഷ്യ​ന്‍ സോ​യൂ​സ് ടി-11​ല്‍ ബ​ഹി​രാ​കാ​ശ​ത്തേ​ക്ക് യാ​ത്ര ചെ​യ്ത ആ​ദ്യ ഇ​ന്ത്യ​ക്കാ​ര​നാ​യ വി​ങ് ക​മാ​ന്‍ഡ​ര്‍ രാ​കേ​ഷ് ശ​ർ​മ​ക്കു​ ശേ​ഷം 41 വ​ര്‍ഷം ക​ഴി​ഞ്ഞാ​ണ് ഇ​ന്ന​ത്തെ ദൗ​ത്യം.

ഇ​ലോ​ൺ മ​സ്കി​ന്റെ ഉ​ട​മ​സ്ഥ​ത​യി​ലു​ള്ള സ്‌​പേ​സ് എ​ക്‌​സ് പു​തു​താ​യി വി​ക​സി​പ്പി​ച്ചെ​ടു​ത്ത ഡ്രാ​ഗ​ണ്‍ ബ​ഹി​രാ​കാ​ശ പേ​ട​കം ഫാ​ൽ​ക്ക​ൺ-9 റോ​ക്ക​റ്റി​ലാ​ണ് ഘ​ടി​പ്പി​ച്ചി​രി​ക്കു​ന്ന​ത്. അ​ന്താ​രാ​ഷ്ട്ര ബ​ഹി​രാ​കാ​ശ നി​ല​യ​ത്തി​ല്‍ മ​നു​ഷ്യ​ന്റെ ആ​രോ​ഗ്യം, ഭൗ​മ​നി​രീ​ക്ഷ​ണം, ഭൗ​തി​ക​ശാ​സ്ത്രം തു​ട​ങ്ങി​യ മേ​ഖ​ല​ക​ളി​ലാ​യി ഏ​ക​ദേ​ശം 60 ശാ​സ്ത്രീ​യ ഗ​വേ​ഷ​ണ​ങ്ങ​ള്‍ ന​ട​ത്തും. ഈ ​ഗ​വേ​ഷ​ണ​ങ്ങ​ളി​ല്‍ 31 രാ​ജ്യ​ങ്ങ​ള്‍ സ​ഹ​ക​രി​ക്കും.

ന​ട​ന്ന​തി​ല്‍ ഏ​റ്റ​വും പ്രാ​ധാ​ന്യ​മു​ള്ള വാ​ണി​ജ്യ ബ​ഹി​രാ​കാ​ശ ദൗ​ത്യ​ങ്ങ​ളി​ലൊ​ന്നാ​ണ് ഇ​ത്. അതു​കൊ​ണ്ടു​ത​ന്നെ ലോ​ക​രാ​ജ്യ​ങ്ങ​ളെ​ല്ലാം ഈ ​ദൗ​ത്യം സൂ​ക്ഷ്മ​മാ​യി നി​രീ​ക്ഷി​ക്കു​ന്നു​ണ്ട്. മ​നു​ഷ്യ​രെ വ​ഹി​ച്ചു ​കൊ​ണ്ടു​ള്ള ആ​ക്‌​സി​യോ​മി​ന്റെ നാ​ലാ​മ​ത്തെ ബ​ഹി​രാ​കാ​ശ യാ​ത്രാ ദൗ​ത്യ​മാ​ണി​ത്.