കി​ഡം​ബി ശ്രീ​കാ​ന്ത് മ​ലേ​ഷ്യ​ൻ ഓ​പ​ൺ ഫൈ​ന​ലി​ൽ; 2021നു ശേഷമുള്ള ആദ്യ ഫൈനൽ

ക്വ​ലാ​ലം​പൂ​ർ: ക​ലാ​ശ​പ്പോ​ര് ക​ളി​ച്ച​ത് മ​റ​ന്ന നീ​ണ്ട ഇ​ട​വേ​ള​ക്കൊ​ടു​വി​ൽ മു​ൻ​ലോ​ക ഒ​ന്നാം ന​മ്പ​ർ താ​രം കി​ഡം​ബി ശ്രീ​കാ​ന്ത് മ​ലേ​ഷ്യ​ൻ മാ​സ്റ്റേ​ഴ്സ് ​ഫൈ​ന​ലി​ൽ. പ്രാ​യം 32ലെ​ത്തു​ക​യും റാ​ങ്കി​ങ് 65ലേ​ക്ക് വീ​ഴു​ക​യും ചെ​യ്ത പോ​യ നാ​ളു​ക​ൾ ഇ​നി മ​റ​ക്കാ​മെ​ന്ന് ഓ​ർ​മ​പ്പെ​ടു​ത്തി​യാ​ണ് സൂ​പ്പ​ർ 500 ടൂ​ർ​ണ​മെ​ന്റി​ൽ കി​രീ​ട​ത്തി​ലേ​ക്ക് താ​രം ഒ​രു ചു​വ​ട് അ​രി​കെ​യെ​ത്തി​യ​ത്.

വാ​ശി​യേ​റി​യ പോ​രാ​ട്ട​ത്തി​ൽ ജ​പ്പാ​ൻ താ​രം യു​ഷി ത​നാ​ക​​ക്കെ​തി​രെ നേ​രി​ട്ടു​ള്ള സെ​റ്റു​ക​ൾ​ക്കാ​യി​രു​ന്നു ജ​യം. സ്കോ​ർ 21-18, 24-22. കോ​വി​ഡ് കാ​യി​ക ലോ​ക​ത്തെ മു​ന​യി​ൽ​നി​ർ​ത്തി​യ 2021ലാ​ണ് ശ്രീ​കാ​ന്ത് ഇ​തി​നു​മു​മ്പ് ഫൈ​ന​ൽ ക​ളി​ച്ച​ത്. ലോ​ക ചാ​മ്പ്യ​ൻ​ഷി​പ്പി​ലാ​യി​രു​ന്നു അ​ത്. മു​ൻ​നി​ര​ക്കാ​ർ പി​ൻ​വാ​ങ്ങു​ക​യോ നേ​ര​ത്തെ മ​ട​ങ്ങു​ക​യോ ചെ​യ്ത ടൂ​ർ​ണ​മെ​ന്റി​ൽ പ​ക്ഷേ, ലോ​ഹ് കീ​ൻ യൂ​വി​നോ​ട് ശ്രീ​കാ​ന്ത് ഫൈ​ന​ലി​ൽ തോ​ൽ​വി സ​മ്മ​തി​ച്ചു. അ​തി​നു​മു​മ്പ് 2019ൽ ​വി​ക്ട​ർ അ​ക്സ​ൽ​സ​ണി​നെ​തി​രെ ഇ​ന്ത്യ ഓ​പ​ൺ ഫൈ​ന​ൽ ക​ളി​ച്ച​താ​യി​രു​ന്നു മി​ക​ച്ച നേ​ട്ടം.

ശ്രീ​കാ​ന്ത് ത​​ന്റെ സു​വ​ർ​ണ കാ​ല​ഘ​ട്ട​ത്തി​ൽ ഇ​തി​ഹാ​സ താ​ര​ങ്ങ​ളാ​യ ലി​ൻ ഡാ​ൻ, അ​ക്സ​ൽ​സെ​ൻ തു​ട​ങ്ങി​യ​വ​രെ​യെ​ല്ലാം വീ​ഴ്ത്തി​യി​ട്ടു​ണ്ട്. അ​തേ ഊ​ർ​ജ​വും ആ​വേ​ശ​വും റാ​ക്ക​റ്റി​ലേ​ന്തി​യാ​ണ് ക്വ​ലാ​ലം​പൂ​രി​ൽ ത​നാ​ക​ക്കെ​തി​രെ ശ​നി​യാ​ഴ്ച സെ​മി ക​ളി​ച്ച​ത്. എ​തി​രാ​ളി​യെ ക​ണ്ട​റി​ഞ്ഞ് ക​ളി​ച്ച ഇ​ന്ത്യ​ൻ താ​ര​ത്തെ പ​ല​വ​ട്ടം പ്ര​തി​സ​ന്ധി​യി​ലാ​ക്കാ​ൻ ത​നാ​ക​ക്കാ​യെ​ങ്കി​ലും ഒ​ടു​വി​ൽ ഒ​രു സെ​റ്റ് പോ​ലും കൈ​വി​ടാ​തെ താ​രം ക​ളി പി​ടി​ക്കു​ക​യാ​യി​രു​ന്നു.

ക്വാ​ർ​ട്ട​റി​ൽ ടോ​മ പൊ​പ്പോ​വി​നെ​തി​രെ 74 മി​നി​റ്റെ​ടു​ത്താ​ണ് ജ​യി​ച്ചി​രു​ന്ന​​ത്. ഫൈ​ന​ലി​ൽ ചൈ​ന​യു​ടെ ലി ​ഷി ഫെ​ങ് ആ​ണ് എ​തി​രാ​ളി. ക​ഴി​ഞ്ഞ നാ​ലു ക​ളി​ക​ളി​ൽ ഒ​രു ത​വ​ണ മാ​ത്ര​മാ​ണ് ശ്രീ​കാ​ന്ത് ലി ​ഷി ഫെ​ങ്ങി​നെ​തി​രെ ജ​യം ക​ണ്ട​ത്.