ചെന്നൈ തുഴഞ്ഞെടുത്തത്​ അനായാസം അടിച്ചെടുത്ത്​ രാജസ്ഥാൻ; ധോണിപ്പട പുറത്തേക്ക്​

അബൂദബി: വൻസ്​കോറുകളും ഉശിരൻ പോരാട്ടങ്ങളും സൂപ്പർ ഓവറുകളുമെല്ലാം കണ്ട മത്സരങ്ങൾക്ക്​ ശേഷം ഐ.പി.എല്ലിൽ നനഞ്ഞ ഒരു മത്സരം. ആദ്യം ബാറ്റ്​​ ചെയ്​ത ചെന്നെ സൂപ്പർ കിങ്​സ്​ ഉയർത്തിയ 126 റൺസി​െൻറ വിജയലക്ഷ്യം രാജസ്ഥാൻ മൂന്നുവിക്കറ്റ്​ നഷ്​ടത്തിൽ മറികടന്നു. 10 മത്സരങ്ങളിൽ ഏഴുമത്സരങ്ങളും​ തോറ്റ ചെ​െന്നെക്ക്​ ശേഷിക്കുന്ന മത്സരങ്ങൾ മുഴുവൻ വിജയിച്ചാലും സെമി സാധ്യത വിരളമാണ്​. 10​ മത്സരങ്ങളിൽ എട്ടു പോയൻറുമായി രാജസ്ഥാൻ അഞ്ചാം സ്ഥാനത്തേക്ക്​ കയറി.

ചെറിയ സ്​കോർ അമിത ആത്മവിശ്വാസത്തിൽ പിന്തുടരാനെത്തിയ രാജസ്ഥാ​െൻറ തുടക്കം ആശാവഹമായിരുന്നില്ല. 28 റൺസിന്​ മൂന്നുവിക്കറ്റ്​ നഷ്​ടമായ രാജസ്ഥാനെ 48 പന്തുകളിൽ നിന്നും 70 റൺസെടുത്ത ജോസ്​ ബട്​ലർ രക്ഷിച്ചെടുക്കുകയായിരുന്നു. 34 പന്തിൽ നിന്നും 26 റൺസെടുത്ത സ്​റ്റീവൻ സ്​മിത്ത്​ ഒരറ്റത്ത്​ വിക്കറ്റ്​ നഷ്​ടമാകാതെ കാത്തു. മലയാളി താരം സഞ്​ജു സാംസൺ റൺസൊന്നുമെടുക്കാതെ ഒരിക്കൽ കൂടി നിരാശപ്പെടുത്തി.

15 ഓവറിനുശേഷം ആറുവിക്കറ്റുകൾ കയ്യിലുണ്ടായിട്ടും റൺ നിരക്കുയർത്താനാകാതെ ചെ​െന്നെ ബാറ്റ്​മാൻമാർ പതറി. 30 പന്തുകളിൽ 35 റൺസെടുത്ത രവീന്ദ്ര ജദേജ മാത്രമാണ്​ ദേദപ്പെട്ട നിലയിൽ ബാറ്റ്​​ചെയ്​തത്​. ​എം.എസ്​ ധോണി 28 പന്തിൽ നിന്നും 28 റൺസും സാം കറൻ 25 പന്തിൽ നിന്നും 22 റൺസുമെടുത്തു. ഏഴുപന്തിൽ നിന്നും മൂന്നു റൺസെടുത്ത കേദാർ ജാദവ്​, 19 പന്തുകളിൽ നിന്നും 13 റൺസെടുത്ത അമ്പാട്ടി റായുഡു തുടങ്ങിയവർ അ​േമ്പ പരാജയ​മായി. ഡു​െപ്ലസിസ്​ (10), ഷെയ്​ൻ വാട്​സൺ (10) എന്നിങ്ങനെയാണ്​ മറ്റുള്ളവരുടെ സ്​കോറുകൾ.

രാജസ്ഥാനായി പന്തെടുത്തവരിൽ ​ശ്രേയസ്​ ഗോപാൽ, രാഹുൽ തേവാത്തിയ, ജോഫ്ര ആർച്ചർ എന്നിവരെല്ലാം റൺസ്​ വഴങ്ങുന്നതിൽ പിശുക്കുകാട്ടി.