ബാ​റ്റി​ൽ റീ​സ്റ്റാ​ർ​ട്ട്; ഐ.​പി.​എ​ൽ മ​ത്സ​ര​ങ്ങ​ൾ ഇ​ന്ന് ബം​ഗ​ളൂ​രുവിൽ പു​ന​രാ​രം​ഭി​ക്കും

ബം​ഗ​ളൂ​രു: ഇ​ന്ത്യ - പാ​കി​സ്താ​ൻ യു​ദ്ധ​ത്തി​ന്റെ ഇ​ട​വേ​ള ക​ഴി​ഞ്ഞ് ഐ.​പി.​എ​ല്ലി​ന് പു​ന​രാ​രം​ഭം. ശ​നി​യാ​ഴ്ച ബം​ഗ​ളൂ​രു ചി​ന്ന​സ്വാ​മി സ്റ്റേ​ഡി​യ​ത്തി​ൽ ന​ട​ക്കു​ന്ന പോ​രാ​ട്ട​ത്തി​ൽ റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വും കൊ​ൽ​ക്ക​ത്ത നൈ​റ്റ് റൈ​ഡേ​ഴ്സും ഏ​റ്റു​മു​ട്ടും. ഇ​നി​യു​ള്ള മ​ത്സ​ര​ങ്ങ​ൾ പ്ലേ ​ഓ​ഫ് നി​ർ​ണ​യി​ക്കു​മെ​ന്ന​തി​നാ​ൽ ഇ​ട​വേ​ള​ക്കു​ശേ​ഷ​മു​ള്ള പോ​രി​ന് ചൂ​ടേ​റും. 11 മ​ത്സ​ര​ങ്ങ​ളി​ൽ​നി​ന്ന് എ​ട്ടു ജ​യ​വും മൂ​ന്നു തോ​ൽ​വി​യു​മ​ട​ക്കം 16 പോ​യ​ന്റു​ള്ള ബം​ഗ​ളൂ​രു​വി​ന് സ്വ​ന്തം മൈ​താ​ന​ത്ത് ഒ​രു ജ​യം കൂ​ടി കു​റി​ച്ചാ​ൽ പ്ലേ ​ഓ​ഫ് ഉ​റ​പ്പി​ക്കാ​നാ​വും. അ​തേ​സ​മ​യം, 12 മ​ത്സ​ര​ങ്ങ​ളി​ൽ​നി​ന്ന് അ​ഞ്ചു ജ​യ​മ​ട​ക്കം 11 പോ​യ​ന്റു​ള്ള കൊ​ൽ​ക്ക​ത്ത​ക്ക് ഇ​ന്ന് ജ​യി​ച്ചാ​ലും മ​റ്റു ടീ​മു​ക​ളു​ടെ മ​ത്സ​ര ഫ​ല​ത്തെ​ക്കൂ​ടി ആ​ശ്ര​യി​ക്കേ​ണ്ടി​വ​രും.

അ​തി​ർ​ത്തി ക​ട​ക്കാ​ൻ

പു​തു​ക്കി​യ ഷെ​ഡ്യൂ​ളി​ൽ ബം​ഗ​ളൂ​രു, ജ​യ്പൂ​ർ, ഡ​ൽ​ഹി, ല​ഖ്നോ, മും​ബൈ, അ​ഹ്മ​ദാ​ബാ​ദ് എ​ന്നീ വേ​ദി​ക​ളി​ൽ മാ​ത്ര​മാ​ണ് മ​ത്സ​ര​ങ്ങ​ൾ അ​ര​ങ്ങേ​റു​ക. ഗു​ജ​റാ​ത്ത് ടൈ​റ്റ​ൻ​സ് (16 പോ​യ​ന്റ്), റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു (16 ), പ​ഞ്ചാ​ബ് കി​ങ്സ് (15), മും​ബൈ ഇ​ന്ത്യ​ൻ​സ് (14), ഡ​ൽ​ഹി കാ​പി​റ്റ​ൽ​സ് (13), കൊ​ൽ​ക്ക​ത്ത നൈ​റ്റ് റൈ​ഡേ​ഴ്സ് (11), ല​ഖ്നോ സൂ​പ്പ​ർ ജ​യ​ന്റ്സ് (10) എ​ന്നീ ടീ​മു​ക​ൾ​ക്കാ​ണ് പ്ലേ​ഓ​ഫ് സാ​ധ്യ​ത അ​വ​ശേ​ഷി​ക്കു​ന്ന​ത്. ഇ​തി​ൽ കൊ​ൽ​ക്ക​ത്ത​ക്കും ല​ഖ്നോ​വി​നും വി​ദൂ​ര സാ​ധ്യ​ത​യാ​ണു​ള്ള​ത്. ശേ​ഷി​ക്കു​ന്ന അ​ഞ്ചു ടീ​മു​ക​ളി​ൽ മും​ബൈ ഒ​ഴി​കെ​യു​ള്ള​വ​ക്ക് മൂ​ന്നു മ​ത്സ​രം വീ​തം ശേ​ഷി​ക്കു​ന്നു​ണ്ട്.

ഐ.​പി.​എ​ൽ അ​വ​സാ​ന ലാ​പ്പി​ലെ​ത്തു​മ്പോ​ൾ എ​ന്തും സം​ഭ​വി​ക്കാ​മെ​ന്ന​താ​ണ് സ്ഥി​തി. ഒ​റ്റ ജ​യം കു​റി​ച്ചാ​ൽ ഗു​ജ​റാ​ത്തും ബം​ഗ​ളൂ​രു​വും പ്ലേ ​ഓ​ഫ് ഉ​റ​പ്പി​ക്കും. പി​ന്നീ​ടു​ള്ള ര​ണ്ടു സ്ഥാ​ന​ങ്ങ​ൾ​ക്കാ​യി പ​ഞ്ചാ​ബും മും​ബൈ​യും ഡ​ൽ​ഹി​യും ത​മ്മി​ലാ​കും പോ​രാ​ട്ടം. പോ​യ​ന്റ് നി​ല തു​ല്യ​മാ​യാ​ൽ നെ​റ്റ് റ​ൺ​റേ​റ്റി​ന്റെ അ​ടി​സ്ഥാ​ന​ത്തി​ലാ​കും പ്ലേ ​ഓ​ഫ് പ്ര​വേ​ശ​നം.

അ​റ്റാ​ക്ക് മൂ​ഡ്

ടോ​പ് ഓ​ർ​ഡ​റി​ൽ സ്ഥി​ര​ത​യാ​ർ​ന്ന പ്ര​ക​ട​നം കാ​ഴ്ച​വെ​ക്കു​ന്ന ക്യാ​പ്റ്റ​ൻ ര​ജ​ത് പാ​ട്ടി​ദാ​ർ പ​രി​ക്കു​മാ​റി തി​രി​ച്ചെ​ത്തു​ന്നു​വെ​ന്ന​താ​ണ് ആ​ർ.​സി.​ബി ക്യാ​മ്പി​ലെ പു​തി​യ വി​ശേ​ഷം. മേ​യ് മൂ​ന്നി​ന് ചെ​ന്നൈ​ക്കെ​തി​രാ​യ ഹോം ​മാ​ച്ചി​ലാ​ണ് പാ​ട്ടി​ദാ​റി​ന്റെ വി​ര​ലി​ന് പ​രി​ക്കേ​റ്റ​ത്. പ​രി​ക്കു​മൂ​ലം ര​ണ്ടു മ​ത്സ​ര​ങ്ങ​ളെ​ങ്കി​ലും ന​ഷ്ട​പ്പെ​ടു​മെ​ന്നി​രി​ക്കെ​യാ​ണ് ഐ.​പി.​എ​ൽ മ​ത്സ​ര​ങ്ങ​ൾ നീ​ട്ടി​യ​ത്. ടെ​സ്റ്റി​ലെ വി​ര​മി​ക്ക​ൽ പ്ര​ഖ്യാ​പ​ന​ത്തി​നു​ശേ​ഷം സ്റ്റാ​ർ ബാ​റ്റ്സ്മാ​ൻ വി​രാ​ട് കോ​ഹ്‍ലി ആ​രാ​ധ​ക​ർ​ക്കു മു​ന്നി​ലെ​ത്തു​ന്ന ആ​ദ്യ​മ​ത്സ​രം കൂ​ടി​യാ​ണി​ത്. പ​ക്ഷേ, വ​ൺ ഡൗ​ൺ ബാ​റ്റ്സ്മാ​നാ​യ മ​ല​യാ​ളി താ​രം ദേ​വ​ദ​ത്ത് പ​ടി​ക്ക​ൽ വ​ല​തു​കാ​ലി​ലെ പേ​ശി​ക്ക് പ​രി​ക്കേ​റ്റ് സീ​സ​ണി​ൽ​നി​ന്ന് ഔ​ട്ടാ​യ​ത് ടീ​മി​ന് തി​രി​ച്ച​ടി​യാ​ണ്. മാ​യ​ങ്ക് അ​ഗ​ർ​വാ​ളാ​ണ് പ​ക​രം സൈ​ൻ ചെ​യ്ത താ​രം.

ലോ​ക ടെ​സ്റ്റ് ചാ​മ്പ്യ​ൻ​ഷി​പ്പി​നാ​യി ദ​ക്ഷി​ണാ​ഫ്രി​ക്ക​ൻ താ​രം ലു​ൻ​ഗി എ​ൻ​ഗി​ഡി​യെ വി​ട്ടു​ന​ൽ​കേ​ണ്ടി​വ​രു​മെ​ങ്കി​ലും കൊ​ൽ​ക്ക​ത്ത​ക്കെ​തി​രെ താ​രം ടീ​മി​ലു​ണ്ടാ​കും. എ​ൻ​ഗി​ഡി​ക്കു​പു​റ​മെ, ടിം ​ഡേ​വി​ഡ്, റൊ​മാ​രി​യോ ഷെ​ഫേ​ഡ്, ജേ​ക്ക​ബ് ബെ​ത​ൽ, ലി​യാം ലി​വി​ങ്സ്റ്റ​ൺ, ഫി​ൽ സാ​ൾ​ട്ട് എ​ന്നീ വി​ദേ​ശ താ​ര​ങ്ങ​ൾ ടീ​മി​നൊ​പ്പം ചേ​ർ​ന്നി​ട്ടു​ണ്ട്. 18 വി​ക്ക​റ്റു​മാ​യി സീ​സ​ണി​ൽ വി​ക്ക​റ്റ് വേ​ട്ട​യി​ൽ മൂ​ന്നാം സ്ഥാ​ന​ത്തു​ള്ള ആ​സ്ട്രേ​ലി​യ​ൻ പേ​സ​ർ ജോ​ഷ് ഹാ​സ​ൽ​വു​ഡി​ന്റെ സേ​വ​നം ഈ ​മ​ത്സ​ര​ത്തി​ലു​ണ്ടാ​വി​ല്ല. പ​രി​ക്കേ​റ്റ താ​രം നാ​ട്ടി​ൽ ചി​കി​ത്സ​യി​ലാ​ണ്. കൊ​ൽ​ക്ക​ത്ത നി​ര​യി​ൽ നി​ന്ന് നാ​ട്ടി​ലേ​ക്ക് മ​ട​ങ്ങി​യ ഇം​ഗ്ലീ​ഷ് ഓ​ൾ റൗ​ണ്ട​ർ മു​ഈ​ൻ അ​ലി തി​രി​ച്ചെ​ത്തി​ല്ല. വെ​സ്റ്റി​ൻ​ഡീ​സ് താ​ര​ങ്ങ​ളാ​യ ആ​ന്ദ്രെ റ​സ്സ​ലും സു​നി​ൽ ന​രെ​യ്നും ടീ​മി​നൊ​പ്പം ചേ​ർ​ന്നു.

വെ​ടി​നി​ർ​ത്ത​ലി​ല്ലാ​തെ മ​ഴ

ബം​ഗ​ളൂ​രു​വി​ൽ ക​ഴി​ഞ്ഞ​ദി​വ​സ​ങ്ങ​ളി​ൽ വൈ​കു​ന്നേ​ര​ങ്ങ​ളി​ൽ പെ​യ്യു​ന്ന മ​ഴ വി​ല്ല​നാ​യേ​ക്കും. വ്യാ​ഴാ​ഴ്ച ആ​ർ.​സി.​ബി​യു​ടെ നെ​റ്റ് പ്രാ​ക്ടീ​സി​നി​ടെ കോ​രി​ച്ചൊ​രി​ഞ്ഞ മ​ഴ​യി​ൽ ടിം ​ഡേ​വി​ഡ് സ്റ്റേ​ഡി​യ​ത്തി​ൽ കു​ട്ടി​ക​ളെ പോ​ലെ മ​ഴ ആ​സ്വ​ദി​ച്ചു ക​ളി​ച്ചു​ന​ട​ന്ന​തി​ന്റെ വി​ഡി​യോ ദൃ​ശ്യ​ങ്ങ​ൾ വൈ​റ​ലാ​യി​രു​ന്നു. വെ​ള്ളി​യാ​ഴ്ച വൈ​കീ​ട്ടും മ​ഴ തു​ട​ർ​ന്ന​തി​നാ​ൽ ഇ​ട​വേ​ള​ക്കു​ശേ​ഷ​മു​ള്ള ആ​ദ്യ മ​ത്സ​ര​ത്തി​ന്റെ ടോ​സി​നു​മു​മ്പു​ത​ന്നെ വെ​ടി​നി​ർ​ത്ത​ലി​ന് മ​ഴ ത​യാ​റാ​യേ​ക്കു​മെ​ന്നാ​ണ് ആ​രാ​ധ​ക​രു​ടെ പ്ര​തീ​ക്ഷ.