മുംബൈക്ക് രണ്ടാം തോൽവി; ഗുജറാത്ത് ടൈറ്റൻസിന് 36 റൺസ് ജയം

അ​ഹ്മ​ദാ​ബാ​ദ്: ഇ​ന്ത്യ​ൻ പ്രീ​മി​യ​ർ ലീ​ഗി​ൽ മും​ബൈ ഇ​ന്ത്യ​ൻ​സി​നെ​തി​രായ മത്സരത്തിൽ ഗു​ജ​റാ​ത്ത് ടൈ​റ്റ​ൻ​സി​ന് 36 റൺസ് ജയം. ആദ്യം ബാറ്റ് ചെയ്ത ഗുജറാത്ത് നി​ശ്ചി​ത 20 ഓ​വ​റി​ൽ എട്ട് വി​ക്ക​റ്റി​ന് 196 റ​ൺ​സെ​ടു​ത്തു. മറുപടി ബാറ്റിങ്ങിൽ 20 ഓവറിൽ ആറ് വിക്കറ്റ് നഷ്ടത്തിൽ 160 റൺസെടുക്കാനേ മുംബൈക്കായുള്ളൂ.

വി​ല​ക്കി​നു ശേ​ഷം മുംബൈ ക്യാ​പ്റ്റ​ൻ ഹാ​ർ​ദി​ക് പാ​ണ്ഡ്യ തി​രി​ച്ചെ​ത്തി​യ മ​ത്സ​രമായിരുന്നു ഇന്നത്തേത്. 197 എന്ന ലക്ഷ്യത്തിലേക്കിറങ്ങിയ മുംബൈക്ക് തുടക്കത്തിലേ രോഹിത് ശർമയെ നഷ്ടപ്പെട്ടു. എട്ട് റൺസെടുത്തായിരുന്നു മുൻ ക്യാപ്റ്റന്‍റെ മടക്കം. സ്കോർ 35ൽ നിൽക്കെ റയാൻ റിക്കിൾടൺ ആറ് റൺസെടുത്ത് പുറത്തായി. പിന്നീട് തിലക് വർമയും (39), സൂര്യകുമാർ യാദവും (48) ചേർന്നാണ് ഇന്നിങ്സ് മുന്നോട്ടുകൊണ്ടുപോയത്. എന്നാൽ, സ്കോറിങ്ങിന് വേഗം കുറഞ്ഞത് മുംബൈക്ക് തിരിച്ചടിയായി. ഇംപാക്ട് പ്ലെയറായി ഇറങ്ങിയ റോബിൻ മിൻസ് മൂന്ന് റൺസിന് പുറത്തായി. ക്യാപ്റ്റൻ ഹാർദിക് പാണ്ഡ്യയാകട്ടെ 17 പന്തിൽ നേടിയത് വെറും 11 റൺസ്. നമൻ ധീറും മിച്ചൽ സാന്‍റ്നറും ചേർന്ന് അവസാനം അടിച്ചെങ്കിലും വിജയത്തിലേക്കെത്തിക്കാനായില്ല.

ആദ്യം ബാറ്റ് ചെയ്ത ഗുജറാത്ത് ഓ​പ​ണ​ർ സാ​യി സു​ദ​ർ​ശ​ന്‍റെ (41 പ​ന്തി​ൽ 63 റ​ൺ​സ്) മികവിലാണ് 196 റൺസ് അടിച്ചത്. ക്യാ​പ്റ്റ​ൻ ശു​ഭ്മ​ൻ ഗി​ല്ലും സാ​യ് സു​ദ​ർ​ശ​നും ചേർന്ന് മി​ക​ച്ച തു​ട​ക്കമാണ് ന​ൽ​കി​യ​ത്. 27 പ​ന്തി​ൽ 38 റ​ൺ​സെ​ടു​ത്ത ഗി​ൽ ഒ​മ്പ​താം ഓ​വ​റി​ൽ വീ​ണു. ഹാ​ർ​ദി​ക്കി​ന് സീ​സ​ണി​ലെ ആ​ദ്യ വി​ക്ക​റ്റ് ന​ൽ​കി ന​മ​ൻ ധി​റി​ന്റെ കൈ​ക​ളി​ലൊ​തു​ങ്ങി ഗി​ൽ. സ്കോ​ർ ബോ​ർ​ഡി​ൽ അ​പ്പോ​ൾ 78. പി​ന്നെ ജോ​സ് ബ​ട്ട്ല​റും സാ​യി​യും ചേ​ർ​ന്ന് സ്കോ​ർ മു​ന്നോ​ട്ടു​നീ​ക്കി. 24 പ​ന്തി​ൽ 39 റ​ൺ​സ് നേ​ടി ബ​ട്ട്ല​റെ 14ാം ഓ​വ​റി​ൽ മു​ജീ​ബു​റ​ഹ്മാ​ൻ മ​ട​ക്കി. വി​ക്ക​റ്റി​ന് പി​ന്നി​ൽ റ​യാ​ൻ റി​ക്കി​ൾ​ട​ണി​ന് ക്യാ​ച്ച്. സ്കോ​ർ ര​ണ്ടി​ന് 129.

ഏ​ഴ് പ​ന്തി​ൽ ഒ​മ്പ​ത് റ​ൺ​സാ​യി​രു​ന്നു ഷാ​രൂ​ഖ് ഖാ​ന്റെ സം​ഭാ​വ​ന. 16ാം ഓ​വ​റി​ൽ ഹാ​ർ​ദി​ക്കി​ന് ര​ണ്ടാം വി​ക്ക​റ്റും തി​ല​ക് വ​ർ​മ​ക്ക് ക്യാ​ച്ചും സ​മ്മാ​നി​ച്ചു. ഒ​ര​റ്റ​ത്ത് നി​ല​യു​റ​പ്പി​ച്ച സാ​യി​യെ ട്രെ​ന്റ് ബോ​ൾ​ട്ട് വി​ക്ക​റ്റി​ന് മു​ന്നി​ൽ കു​രു​ക്കി. നാ​ല് ഫോ​റും ര​ണ്ട് സി​ക്സു​മ​ട​ങ്ങു​ന്ന​താ​യി​രു​ന്നു ഇ​ന്നി​ങ്സ്. 18 ഓ​വ​ർ പൂ​ർ​ത്തി​യാ​വു​മ്പോ​ൾ സ്കോ​ർ നാ​ലി​ന് 179. രാ​ഹു​ൽ തേ​വാ​ട്യ (0) വ​ന്ന​പാ​ട് ഹാ​ർ​ദി​ക്കി​ന്റെ കൈ​ക​ളാ​ൽ റ​ണ്ണൗ​ട്ടാ​യി. 11 പ​ന്തി​ൽ 18 റ​ൺ​സു​മാ​യി ദീ​പ​ക് ചാ​ഹ​റി​ന് വി​ക്ക​റ്റേ​കി ഷെ​ർ​ഫാ​ൻ റ​ത​ർ​ഫോ​ർ​ഡ് പു​റ​ത്ത്. റാ​ഷി​ദ് ഖാ​നെ (6) അ​വ​സാ​ന ഓ​വ​റി​ൽ സ​ത്യ​നാ​രാ​യ​ണ രാ​ജു ക്യാ​പ്റ്റ​ൻ ഹാ​ർ​ദി​ക്കി​നെ ഏ​ൽ​പി​ച്ചു. അ​വ​സാ​ന പ​ന്തി​ൽ സാ​യി കി​ഷോ​ർ (1) റ​ണ്ണൗ​ട്ട്. കാ​ഗി​സോ റ​ബാ​ദ അ​ഞ്ച് പ​ന്തി​ൽ ഏ​ഴ് റ​ൺ​സു​മാ​യി പു​റ​ത്താ​വാ​തെ നി​ന്നു.