ഡൽഹിക്കെതിരായ മത്സരം ഉപേക്ഷിച്ചു; ഹൈദരാബാദ് പുറത്ത്

ഹൈ​ദ​രാ​ബാ​ദ്: ഡൽഹി കാ​പി​റ്റ​ൽ​സി​നെതിരെ വിജയിച്ച് ഐ.പി.എൽ പടിയിറങ്ങാമെന്ന സ​ൺ​റൈ​സേ​ഴ്സ് ഹൈ​ദ​രാ​ബാ​ദി​ന്റെ മോഹം മഴയിൽ ​െപാലിഞ്ഞു. പോയന്റ് പട്ടികയിൽ എട്ടാം സ്ഥാനത്തുള്ള ഹൈദരാബാദ് അതോടെ പുറത്തായി. ഇതോടെ പ്ലേ ഓഫ് കാണാതെ മടങ്ങുന്ന മൂന്നാമത്തെ ടീമായി സൺ റൈസേഴ്സ്. ഐ.​പി.​എ​ൽ പ്ലേ ​ഓ​ഫി​ലി​ടം തേ​ടി​യി​റ​ങ്ങി​യ ഡ​ൽ​ഹിയും ഹൈദരാബാദും ഓരോ പോയന്റ് പങ്കിട്ടു.

ആ​ദ്യം ബാ​റ്റ് ചെ​യ്ത ഡ​ൽ​ഹി​ക്ക് 20 ഓ​വ​റി​ൽ ഏ​ഴ് വി​ക്ക​റ്റി​ന് 133 റ​ൺ​സെ​ടു​ക്കാ​നേ ക​ഴി​ഞ്ഞു​ള്ളൂ. നാ​ല് ഓ​വ​റി​ൽ 19 റ​ൺ​സ് മാ​ത്രം വ​ഴ​ങ്ങി മൂ​ന്ന് മു​ൻ​നി​ര വി​ക്ക​റ്റെ​ടു​ത്ത ഹൈ​ദ​രാ​ബാ​ദ് നാ​യ​ക​ൻ പാ​റ്റ് ക​മ്മി​ൻ​സാ​ണ് കാ​പി​റ്റ​ൽ​സി​ന് ക​ന​ത്ത പ്ര​ഹ​ര​മേ​ൽ​പി​ച്ച​ത്. 41 വീ​തം റ​ൺ​സ് നേ​ടി ട്രി​സ്റ്റ​ൻ സ്റ്റ​ബ്സും അ​ശു​തോ​ഷ് ശ​ർ​മ​യും ഡ​ൽ​ഹി​യു​ടെ ടോ​പ് സ്കോ​റ​ർ​മാ​രാ​യി. കേ​ര​ള ക്യാ​പ്റ്റ​ൻ സ​ചി​ൻ ബേ​ബി ഹൈ​ദ​രാ​ബാ​ദ് ജ​ഴ്സി​യി​ൽ അ​ര​ങ്ങേ​റ്റം കു​റി​ച്ചു.

സ്റ്റാ​ർ​ക്ക് എ​റി​ഞ്ഞ ആ​ദ്യ പ​ന്തി​ൽ​ത​ന്നെ ക​രു​ൺ നാ​യ​രെ വി​ക്ക​റ്റ് കീ​പ്പ​ർ ഇ​ഷാ​ൻ കി​ഷ​ൻ ക്യാ​ച്ചെ​ടു​ത്ത് പു​റ​ത്താ​ക്കി. സ്റ്റാ​ർ​ക്കി​ന്റെ മൂ​ന്നാം ഓ​വ​റി​ലെ ആ​ദ്യ പ​ന്തി​ൽ ഫാ​ഫ് ഡു​പ്ലെ​സി​സും മ​ട​ങ്ങി. എ​ട്ടു പ​ന്തി​ൽ മൂ​ന്നു റ​ൺ​സെ​ടു​ത്ത താ​ര​ത്തെ ഇ​ഷാ​ൻ കൈ​യി​ലൊ​തു​ക്കി. സ​മാ​ന​രീ​തി​യി​ൽ സ്റ്റാ​ർ​ക്കി​ന്‍റെ അ​ഞ്ചാ​മ​ത്തെ ഓ​വ​റി​ലെ ആ​ദ്യ പ​ന്തി​ൽ അ​ഭി​ഷേ​ക് പോ​റേ​ലും (10 പ​ന്തി​ൽ എ​ട്ട്) പു​റ​ത്ത്. ഇ​ത്ത​വ​ണ​യും ക്യാ​ച്ചെ​ടു​ത്ത​ത് ഇ​ഷാ​ൻ​ത​ന്നെ. ഡ​ൽ​ഹി 4.1 ഓ​വ​റി​ൽ മൂ​ന്നു വി​ക്ക​റ്റി​ന് 15.

അ​ധി​കം വൈ​കാ​തെ നാ​യ​ക​ൻ അ​ക്ഷ​ർ പ​ട്ടേ​ലും (ഏ​ഴു പ​ന്തി​ൽ ആ​റ്) കെ.​എ​ൽ. രാ​ഹു​ലും (14 പ​ന്തി​ൽ 10) മ​ട​ങ്ങി. 29 റ​ൺ​സി​നി​ടെ അ​ഞ്ചു വി​ക്ക​റ്റു​ക​ൾ ന​ഷ്ടം. ആ​റാം വി​ക്ക​റ്റി​ൽ സ്റ്റ​ബ്സും വി​പ്ര​ജ് നി​ഗ​മും ന​ട​ത്തി​യ ചെ​റു​ത്തു​നി​ൽ​പാ​ണ് ടീം ​സ്കോ​ർ 50 ക​ട​ത്തി​യ​ത്. പി​ന്നാ​ലെ 17 പ​ന്തി​ൽ 18 റ​ൺ​സെ​ടു​ത്ത വി​പ്ര​ജ് റ​ണ്ണൗ​ട്ടാ​യി. ഇം​പാ​ക്ട് പ്ലെ​യ​റാ​യി അ​ശു​തോ​ഷ് ക​ള​ത്തി​ലെ​ത്തി​യ​തോ​ടെ ടീം ​സ്കോ​റി​ന് വേ​ഗം വ​ന്നു.

ഏ​ഴാം വി​ക്ക​റ്റി​ൽ ഇ​രു​വ​രും 66 റ​ൺ​സാ​ണ് അ​ടി​ച്ചെ​ടു​ത്ത​ത്. സ്റ്റ​ബ്സ് 36 പ​ന്തി​ൽ 41 റ​ൺ​സു​മാ​യി പു​റ​ത്താ​കാ​തെ​നി​ന്നു. അ​ശു​തോ​ഷ് 26 പ​ന്തി​ൽ മൂ​ന്നു സി​ക്സും ര​ണ്ടു ഫോ​റു​മ​ട​ക്കം 41 റ​ൺ​സെ​ടു​ത്തു. മോ​ശം ഫോ​മി​ലു​ള്ള നി​തീ​ഷ് കു​മാ​ർ റെ​ഡ്ഡി​യു​ടെ പ​ക​ര​ക്കാ​ര​നാ​യാ​ണ് സ​ചി​ൻ ടീ​മി​ലെ​ത്തി​യ​ത്. നാ​ല് വ​ർ​ഷ​ത്തെ ഇ​ട​വേ​ള​ക്കു​ശേ​ഷ​മാ​ണ് 36കാ​ര​നാ​യ സ​ചി​ന് ഐ.​പി.​എ​ല്ലി​ൽ ക​ളി​ക്കാ​ൻ അ​വ​സ​രം ല​ഭി​ക്കു​ന്ന​ത്. 2021ൽ ​റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു താ​ര​മാ​യി ഇ​റ​ങ്ങി​യി​രു​ന്നു.