കേരള ക്രിക്കറ്റ് ലീഗിൽ കളിക്കാൻ സഞ്ജുവും; ലേ​ല​ത്തി​ൽ ഉ​ൾ​പ്പെ​ടു​ത്തും

തി​രു​വ​ന​ന്ത​പു​രം: ആ​ഗ​സ്റ്റി​ൽ ആ​രം​ഭി​ക്കു​ന്ന കേ​ര​ള ക്രി​ക്ക​റ്റ് ലീ​ഗ് ര​ണ്ടാം സീ​സ​ണി​ൽ ഇ​ന്ത്യ​ൻ താ​രം സ​ഞ്ജു സാം​സ​ണ്‍ ക​ളി​ക്കും. ലീ​ഗ് ക​ളി​ക്കാ​ൻ താ​ൽ​പ​ര്യ​മു​ണ്ടെ​ന്ന് കേ​ര​ള ക്രി​ക്ക​റ്റ് അ​സോ​സി​യേ​ഷ​നെ സ​ഞ്ജു അ​റി​യി​ച്ചു. ഇ​തോ​ടെ, ടൂ​ർ​ണ​മെ​ന്‍റി​ന് മു​ന്നോ​ടി​യാ​യു​ള്ള ലേ​ല​ത്തി​ൽ വ​രു​ന്ന താ​ര​ങ്ങ​ളു​ടെ പ​ട്ടി​ക​യി​ൽ സ​ഞ്ജു​വി​നെ കൂ​ടി കെ.​സി.​എ ഉ​ൾ​പ്പെ​ടു​ത്തും.

ഇ​ന്ത്യ​ൻ ടീ​മി​ൽ ഇ​ടം​പി​ടി​ച്ച താ​ര​മാ​യ​തി​നാ​ൽ ക​ഴി​ഞ്ഞ വ​ർ​ഷം ന​ട​ന്ന പ്ര​ഥ​മ സീ​സ​ണി​ൽ ടൂ​ർ​ണ​മെ​ന്‍റി​ന്‍റെ ഐ​ക്ക​ൺ താ​ര​മാ​യാ​ണ്​ സ​ഞ്ജു​വി​നെ കെ.​സി.​എ നി​ല​നി​ർ​ത്തി​യി​രു​ന്ന​ത്. എ​ന്നാ​ൽ, ട്വ​ന്‍റി-20 മോ​ഡ​ൽ ടൂ​ർ​ണ​മെ​ന്‍റി​ൽ ക​ളി​ക്കാ​ൻ സ​ഞ്ജു ആ​ഗ്ര​ഹം പ്ര​ക​ടി​പ്പി​ച്ച​തോ​ടെ​യാ​ണ് ഇ​ത്ത​വ​ണ സ​ഞ്ജു​വി​നെ കൂ​ടി ഉ​ൾ​പ്പെ​ടു​ത്താ​ൻ കെ.​സി.​എ തീ​രു​മാ​നി​ച്ച​ത്.

ലേ​ല​ത്തി​ൽ സൂ​പ്പ​ർ താ​ര​ത്തെ സ്വ​ന്ത​മാ​ക്കാ​നാ​യി ടീ​മു​ക​ൾ ത​മ്മി​ൽ ശ​ക്ത​മാ​യ പോ​രാ​ട്ടം ന​ട​ത്തേ​ണ്ടി​വ​രും. എം.​എ​സ്. അ​ഖി​ലാ​യി​രു​ന്നു ക​ഴി​ഞ്ഞ സീ​സ​ണി​ലെ വി​ല​യേ​റി​യ താ​രം. 7.4 ല​ക്ഷം രൂ​പ​ക്ക്​ ട്രി​വാ​ൻ​ഡ്രം റോ​യ​ൽ​സാ​ണ് അ​ഖി​ലി​നെ സ്വ​ന്ത​മാ​ക്കി​യ​ത്. സ​ച്ചി​ൻ ബേ​ബി ന​യി​ക്കു​ന്ന ഏ​രീ​സ് കൊ​ല്ലം സെ​യ്‍ലേ​ഴ്സാ​ണ് കേ​ര​ള ക്രി​ക്ക​റ്റ് ലീ​ഗി​ലെ നി​ല​വി​ലെ ചാ​മ്പ്യ​ൻ​മാ​ർ.