വനിത ലോകകപ്പ് മത്സരങ്ങൾക്ക് കാര്യവട്ടവും വേദിയാകും; ബംഗളൂരുവിലെ മത്സരങ്ങൾ തിരുവനന്തപുരത്തേക്ക്

തി​രു​വ​ന​ന്ത​പു​രം: ഇ​ന്ത്യ​യും ശ്രീ​ല​ങ്ക​യും സം​യു​ക്ത​മാ​യി ആ​തി​ഥ്യം വ​ഹി​ക്കു​ന്ന വ​നി​ത ഏ​ക​ദി​ന ക്രി​ക്ക​റ്റ് ലോ​ക​ക​പ്പി​ന് തി​രു​വ​ന​ന്ത​പു​ര​വും വേ​ദി​യാ​കും. ബം​ഗ​ളൂ​രു ചി​ന്ന​സ്വാ​മി സ്റ്റേ​ഡി​യ​ത്തി​ല്‍ നി​ശ്ച​യി​ച്ചി​രു​ന്ന മ​ത്സ​ര​ങ്ങ​ള്‍ തി​രു​വ​ന​ന്ത​പു​രം കാ​ര്യ​വ​ട്ടം സ്റ്റേ​ഡി​യ​ത്തി​ലേ​ക്ക് മാ​റ്റാ​നാ​ണ് തീ​രു​മാ​നം. ഐ.​പി.​എ​ല്‍ കി​രീ​ടം നേ​ടി​യ ബം​ഗ​ളൂ​രു റോ​യ​ല്‍ ചാ​ല​ഞ്ചേ​ഴ്‌​സി​ന്‍റെ ആ​ഘോ​ഷ പ​രി​പാ​ടി​ക്കി​ടെ​യു​ണ്ടാ​യ ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് മാ​റ്റം. എ​ന്നാ​ല്‍, ഇ​തു​സം​ബ​ന്ധി​ച്ച് ഔ​ദ്യോ​ഗി​ക അ​റി​യി​പ്പ് ല​ഭി​ച്ചി​ട്ടി​ല്ലെ​ന്ന് കേ​ര​ള ക്രി​ക്ക​റ്റ് അ​സോ​സി​യേ​ഷ​ൻ അ​റി​യി​ച്ചു.

ചി​ന്ന​സ്വാ​മി സ്റ്റേ​ഡി​യ​ത്തി​ലെ മ​ത്സ​ര​ങ്ങ​ള്‍ പൂ​ര്‍ണ​മാ​യി തി​രു​വ​ന​ന്ത​പു​ര​ത്തേ​ക്ക് മാ​റ്റു​ക​യാ​ണെ​ങ്കി​ല്‍ വ​നി​ത ക്രി​ക്ക​റ്റ് ലോ​ക​ക​പ്പി​ന്‍റെ ഉ​ദ്ഘാ​ട​ന​ത്തി​നും ഗ്രീ​ൻ​ഫീ​ൽ​ഡ് സ്റ്റേ​ഡി​യം വേ​ദി​യാ​കും. സെ​പ്റ്റം​ബ​ര്‍ 30ന് ​ആ​രം​ഭി​ക്കു​ന്ന ലോ​ക​ക​പ്പി​ലെ ആ​ദ്യ​മ​ത്സ​രം ഇ​ന്ത്യ​യും ശ്രീ​ല​ങ്ക​യും ത​മ്മി​ലാ​ണ്. ഒ​ക്ടോ​ബ​ര്‍ മൂ​ന്നി​നു​ള്ള ഇം​ഗ്ല​ണ്ട്-​ദ​ക്ഷി​ണാ​ഫ്രി​ക്ക പോ​രാ​ട്ട​ത്തി​നും ഒ​ക്ടോ​ബ​ര്‍ 26ന് ​ന​ട​ക്കു​ന്ന ഇ​ന്ത്യ-​ബം​ഗ്ലാ​ദേ​ശ് പോ​രാ​ട്ട​ത്തി​നും തി​രു​വ​ന​ന്ത​പു​രം വേ​ദി​യാ​കും. ഒ​ക്ടോ​ബ​ര്‍ 30ന് ​ന​ട​ക്കു​ന്ന ര​ണ്ടാം സെ​മി​ഫൈ​ന​ലി​നും ര​ണ്ട് സ​ന്നാ​ഹ മ​ത്സ​ര​ങ്ങ​ൾ​ക്കും ത​ല​സ്ഥാ​നം വേ​ദി​യാ​കു​മെ​ന്നാ​ണ് വി​വ​രം. ഇ​ന്ത്യ, ഇം​ഗ്ല​ണ്ട്, ന്യൂ​സി​ല​ന്‍ഡ്, ദ​ക്ഷി​ണാ​ഫ്രി​ക്ക, ശ്രീ​ല​ങ്ക, പാ​ക്കി​സ്താ​ന്‍, ബം​ഗ്ലാ​ദേ​ശ്, ആ​സ്‌​ട്രേ​ലി​യ ടീ​മു​ക​ളാ​ണ് വ​നി​ത ലോ​ക​ക​പ്പി​ല്‍ മ​ത്സ​രി​ക്കു​ന്ന​ത്. പാ​ക്കി​സ്താ​ന്‍റെ മ​ത്സ​ര​ങ്ങ​ള്‍ ശ്രീ​ല​ങ്ക​യി​ലാ​ണ് ന​ട​ക്കു​ക.

നേ​ര​ത്തെ ലോ​ക​ക​പ്പ് പ്രാ​ഥ​മി​ക പ​ട്ടി​ക​യി​ൽ ഗ്രീ​ൻ​ഫീ​ൽ​ഡ് സ്റ്റേ​ഡി​യം ഇ​ടം​പി​ടി​ച്ചി​രു​ന്നെ​ങ്കി​ലും സ്റ്റേ​ഡി​യം പ​രി​പാ​ല​ന​ത്തി​ലെ വീ​ഴ്ച​യെ തു​ട​ർ​ന്ന് വേ​ദി ന​ഷ്ട​മാ​വു​ക​യാ​യി​രു​ന്നു. പ​രി​പാ​ല​ന​ത്തി​ല്‍ കാ​ര്യ​വ​ട്ടം സ്പോ​ര്‍ട്സ് ഫെ​സി​ലി​റ്റി ലി​മി​റ്റ​ഡ് (കെ.​എ​സ്.​എ​ഫ്.​എ​ല്‍) വ​രു​ത്തി​യ വീ​ഴ്ച​യാ​യി​രു​ന്നു കാ​ര​ണം. ഈ ​മാ​സം 21ന് ​ആ​രം​ഭി​ക്കു​ന്ന കേ​ര​ള ക്രി​ക്ക​റ്റ് ലീ​ഗി​നോ​ട് അ​നു​ബ​ന്ധി​ച്ച് സ്റ്റേ​ഡി​യ​വും പി​ച്ചും ഫ്ല​ഡ് ലൈ​റ്റ് സം​വി​ധാ​ന​ങ്ങ​ളും അ​സോ​സി​യേ​ഷ​ൻ മു​ൻ​കൈ​യെ​ടു​ത്ത് ന​വീ​ക​രി​ച്ചു. തു​ട​ർ​ന്ന് ലോ​ക​ക​പ്പ് ന​ട​ത്താ​ൻ താ​ൽ​പ​ര്യം അ​റി​യി​ച്ച് കെ.​സി.​എ വീ​ണ്ടും ബി.​സി.​സി.​ഐ​യെ​യും ഐ.​സി.​സി​യെ​യും സ​മീ​പി​ച്ച​തോ​ടെ​യാ​ണ് അ​വ​സ​രം ല​ഭി​ച്ച​ത്.

മെ​സ്സി എ​വി​ടെ ക​ളി​ക്കും?!

ഒ​ക്ടോ​ബ​ർ 30 വ​രെ​യാ​ണ് ഗ്രീ​ൻ​ഫീ​ൽ​ഡ് സ്റ്റേ​ഡി​യം ക്രി​ക്ക​റ്റ് മ​ത്സ​ര​ങ്ങ​ൾ​ക്ക് തു​റ​ന്നു​കൊ​ടു​ക്കു​ന്ന​ത്. ല​യ​ണ​ൽ മെ​സ്സി​യും അ​ർ​ജ​ന്റീ​ന ഫു​ട്ബാ​ൾ ടീ​മും ഒ​ക്ടോ​ബ​റി​ൽ കേ​ര​ള​ത്തി​ലെ​ത്തു​മെ​ന്ന പ്ര​തീ​ക്ഷ കാ​യി​ക​മ​ന്ത്രി വി. ​അ​ബ്ദു​റ​ഹി​മാ​നും സ്പോ​ൺ​സ​റാ​യ റി​പ്പോ​ർ​ട്ട​ർ ബ്രോ​ഡ്കാ​സ്റ്റ് ലി​മി​റ്റി​ഡും ഇ​പ്പോ​ഴും കൈ​വി​ട്ടി​ട്ടി​ല്ല. അ​പ്പോ​ൾ​പ്പി​ന്നെ മെ​സ്സി എ​വി​ടെ ക​ളി​ക്കു​മെ​ന്ന ചോ​ദ്യം പ്ര​സ​ക്ത​മാ​വു​ക​യാ​ണ്.