ജില്ല ഫുട്ബോൾ ലീഗ്; ഗോൾ ചാകരക്കൊരുങ്ങി കോവളം എഫ്.സി

ജി​ല്ല​യു​ടെ ഫു​ട്ബാ​ൾ കി​രീ​ട​ത്തി​നാ​യു​ള്ള എ​ലൈ​റ്റ് ഡി​വി​ഷ​ൻ പോ​രാ​ട്ട​ത്തി​ന് ജൂ​ൺ ഒ​മ്പ​തി​ന് ജി.​വി രാ​ജ​യു​ടെ മ​ണ്ണി​ൽ വി​സി​ലു​യ​രു​ക​യാ​ണ്. കെ.​എ​സ്.​ഇ.​ബി, കേ​ര​ള പൊ​ലീ​സ്, കോ​വ​ളം എ​ഫ്.​സി, ഏ​ജീ​സ് ഓ​ഫി​സ്, എ​സ്.​ബി.​ഐ, കേ​ര​ള ടൈ​ഗേ​ഴ്സ് എ​ന്നി​ങ്ങ​നെ കേ​ര​ള ഫു​ട്ബാ​ളി​ന്‍റെ നെ​റ്റി​പ്പ​ട്ട​മാ​യ ആ​റ് ടീ​മു​ക​ളാ​ണ് ക​ലാ​ശ​പ്പോ​രി​ന് ഇ​റ​ങ്ങു​ന്ന​ത്. അ​തു​കൊ​ണ്ടു​ത​ന്നെ ഇ​ത്ത​വ​ണ ക​ളി പൊ​ടി​പാ​റും. സൂ​പ്പ​ർ ഫൈ​റ്റി​നി​റ​ങ്ങു​ന്ന ടീ​മു​ക​ളെ പ​രി​ച​യ​പ്പെ​ടു​ത്തു​ക​യാ​ണ് 'എ​ലൈ​റ്റ് ക്ലാ​സി​ക്കോ' പ​ര​മ്പ​ര

തി​രു​വ​ന​ന്ത​പു​രം: തു​ക​ൽ​പ​ന്തി​ൽ ഊ​തി​നി​റ​ച്ച കാ​റ്റി​നെ തീ​ര​ജ​ന​ത​യു​ടെ ശ്വാ​സ​മാ​ക്കി മാ​റ്റി​യ ക്ല​ബി​ന്‍റെ പേ​രാ​ണ് കോ​വ​ളം എ​ഫ്.​സി. ഇ​വ​രു​ടെ ര​ക്ത​ത്തി​ന് കാ​ൽ​പ​ന്താ​ണ് ല​ഹ​രി. ജി​ല്ല ഫു​ട്ബാ​ൾ ലീ​ഗി​ലെ എ​ലൈ​റ്റ് ഡി​വി​ഷ​നി​ൽ പ​ന്തു​ത​ട്ടാ​നി​റ​ങ്ങു​മ്പോ​ൾ മു​ൻ സ​ന്തോ​ഷ് ട്രോ​ഫി താ​രം എ​ബി​ൻ റോ​സി​നും അ​ദ്ദേ​ഹ​ത്തി​ന്‍റെ ആ​ല​യി​ൽ ചു​ട്ടു​പ​ഴു​ത്ത കു​ട്ടി​ക​ൾ​ക്കും തെ​ളി​യി​ക്കാ​ൻ ഏ​റെ​യു​ണ്ട്.

ഒ​​ന്ന​​ര പ​​തി​​റ്റാ​​ണ്ടി​​ന് മു​​മ്പ് ത​ല​സ്ഥാ​ന​ത്തി​ന്‍റെ തീ​​ര​​ദേ​​ശ​​ത്തി​​രു​​ന്ന് എ​​ബി​​ൻ റോ​​സ് ക​ണ്ട സ്വ​​പ്ന​​മാ​​യി​​രു​​ന്നു കോ​​വ​​ളം എ​​ഫ്.​​സി. ഫു​ട്ബാ​ളി​നെ സ്നേ​​ഹി​​ക്കു​​ന്ന തീ​​ര​​പ്ര​​ദേ​​ശ​​ത്തെ പാ​വ​പ്പെ​ട്ട കു​​ട്ടി​​ക​​ൾ​​ക്കാ​​യി ഒ​​രു ഫു​​ട്ബാ​​ൾ ക്ല​​ബ്. പ​​ക്ഷേ, എ​​ബി​​നെ​​യും കു​ട്ടി​ക​ളെ​യും ആ​​ദ്യ​​ഘ​​ട്ട​​ത്തി​​ൽ കാ​​ത്തി​​രു​​ന്ന​​ത് കു​​തി​​കാ​​ൽ​വെ​​ട്ടി​​ന്‍റെ​​യും അ​​വ​​ഗ​​ണ​​ന​​യു​​ടെ​​യും മാ​​റ്റി​​നി​​ർ​​ത്ത​​ലി​​ന്‍റെ​​യും പ​​രി​​ഹാ​​സ​​ത്തി​​ന്‍റെ​​യും വി​​സി​​ൽ മു​​ഴ​​ക്ക​മാ​യി​രു​ന്നു. പ​​ക്ഷേ, ത​​ള​രാ​തെ വീ​ണി​​ട​​ത്തു​നി​​ന്ന്​ ഓ​​രോ ഘ​​ട്ട​​ത്തി​​ലും എ​​ബി​​നും കു​​ട്ടി​​ക​​ളും ആ​​ർ​​ജ​​വ​​ത്തോ​​ടെ എ​​ഴു​​ന്നേ​​റ്റു​​നി​​ന്നു പൊ​​രു​​തി. അ​സൗ​ക​ര്യ​ങ്ങ​ൾ സ​മ്മാ​നി​ച്ച തോ​ൽ​വി​ക​ളി​ലും അ​വ​ർ നെ​ഞ്ചു​വി​രി​ച്ചു നി​ന്നു.

2007ൽ ​​​​കോ​​​​വ​​​​ള​​​​ത്തി​​​​ന്‍റെ കു​​​​ട്ടി​​​​ക​​​​ൾ ഡി ​​​​ഡി​​​​വി​​​​ഷ​​​​ൻ ലീ​​​​ഗി​​​​ൽ വെ​​​​ന്നി​​​​ക്കൊ​​​​ടി പാ​​​​റി​​​​ച്ചാ​​​​ണ്​ മി​​​​ന്നും​​​​നേ​​​​ട്ട​​​​ത്തി​​​​ന്​ തു​​​​ട​​​​ക്ക​​​​മി​​​​ട്ട​​​​ത്. ​​​പോ​​​​രാ​​​​ട്ട​​​​വീ​​​​ര്യം കൈ​​​​മു​​​​ത​​​​ലാ​​​​ക്കി ഘ​​​​ട്ടം​ഘ​​​​ട്ട​​​​മാ​യി എ ​​​​ഡി​​​​വി​​​​ഷ​​​​ൻ ചാ​​​​മ്പ്യ​​​​ൻ​പ​​​​ട്ടം വ​​​​രെ സ്വ​​​​ന്ത​​​​മാ​​​​ക്കി. തു​​​​ട​​​​ർ​​​​ന്ന് അ​​​​ണ്ട​​​​ർ 15 ഐ ​​​​ലീ​​​​ഗി​ലും പ​​​​ന്തു​ത​​​​ട്ടി. 2019-20 കാ​ല​ഘ​ട്ട​ത്തി​ൽ ഫെ​ഡ​റ​ൽ ബാ​ങ്കി​ന്‍റെ സ​ഹാ​യ​ത്തോ​ടെ സീ​നി​യ​ർ ടീ​മി​നെ ശ​ക്തി​പ്പെ​ടു​ത്തി​യ​തോ​ടെ ക്ല​ബി​ന്‍റെ രൂ​പ​വും ഭാ​വ​വും മാ​റി. പി​ന്നീ​ട് കെ.​എ​സ്.​ഇ.​ബി, കേ​ര​ള പൊ​ലീ​സ്, കേ​ര​ള ബ്ലാ​സ്റ്റേ​ഴ്സ്, കേ​ര​ള എ​ഫ്.​സി അ​ട​ക്ക​മു​ള്ള വ​മ്പ​ന്മാ​രെ വ​രെ ​ വി​റ​പ്പി​ക്കാ​നാ​യി.

കോ​വ​ളം എ​ഫ്.​സി​യു​ടെ ക​ള​രി​യി​ൽ പ​ന്തു​ത​ട്ടി വ​ള​ർ​ന്ന 23 വ​യ​സ്സി​ന് താ​ഴെ​യു​ള്ള​വ​രു​ടെ നി​ര​യു​മാ​യി കേ​ര​ള പ്രീ​മി​യ​ർ ലീ​ഗി​ൽ​പോ​ലും കോ​വ​ളം ച​രി​ത്ര​മെ​ഴു​തി. ഇ​ത്ത​വ​ണ കേ​ര​ള ബ്ലാ​സ്റ്റേ​ഴ്സി​നെ​പ്പോ​ലും പോ​യ​ന്‍റ് പ​ട്ടി​ക​യി​ൽ പി​ന്ത​ള്ളി​യാ​യി​രു​ന്നു കു​തി​പ്പ്. ക​ഴി​ഞ്ഞ​വ​ർ​ഷം ജി​ല്ല എ​ലൈ​റ്റ് ഡി​വി​ഷ​നി​ൽ മൂ​ന്നാം​സ്ഥാ​ന​ത്താ​യി​രു​ന്ന കോ​വ​ളം ഇ​ത്ത​വ​ണ ക​പ്പ​ടി​ക്ക​ണ​മെ​ന്ന വാ​ശി​യി​ൽ ത​ന്നെ​യാ​ണ്.

ക​ഴി​ഞ്ഞ ദേ​ശീ​യ ഗെ​യിം​സി​ൽ കേ​ര​ള​ത്തി​നാ​യി സ്വ​ർ​ണ​മെ​ഡ​ൽ നേ​ടി​യ ടീ​മി​ൽ അം​ഗ​മാ​യി​രു​ന്ന ജി​ത്തു റോ​ബി​യു​ടെ നേ​തൃ​ത്വ​ത്തി​ലാ​ണ് പ്ര​തി​രോ​ധ​നി​ര. ജി​ല്ല ഫു​ട്ബാ​ൾ ടീം ​അം​ഗം ജോ​യി, ഖോ​ലോ ഇ​ന്ത്യ ജൂ​നി​യ​ർ ടീം ​അം​ഗ​മാ​യി​രു​ന്ന ഷാ​രോ​ൺ, അ​തു​ൽ എ​ന്നി​വ​രും കൂ​ടി ചേ​രു​മ്പോ​ൾ പ്ര​തി​രോ​ധ​നി​ര ശ​ക്തം. തി​രു​വ​ന​ന്ത​പു​രം കൊ​മ്പ​ൻ​സി​ൽ ക​ളി​ച്ച അ​ജ​യ്, മ​നോ​ജ്, ഷി​ഖി​ൽ, ഷ​ഫീ​ഖ് എ​ന്നി​വ​രാ​ണ് മ​ധ്യ​നി​ര നി​യ​ന്ത്രി​ക്കു​ക. കൊ​മ്പ​ന്മാ​രു​ടെ മു​ന്നേ​റ്റ​നി​ര​യി​ൽ ഉ​ണ്ടാ​യി​രു​ന്ന വൈ​ഷ്​​ണ​വാ​ണ് എ​ബി​ൻ റോ​സ് ക​രു​തി​വെ​ച്ചി​രി​ക്കു​ന്ന തീ​യു​ണ്ട. പ​രി​ക്ക്​ വെ​ല്ലു​വി​ളി​യാ​ണെ​ങ്കി​ലും ക​ട​ലി​ന്‍റെ ഓ​രം ചേ​ർ​ന്ന് പ​ന്തു​ത​ട്ടി പ​ഠി​ച്ച​വ​ർ​ക്ക് അ​ത്​ മ​റി​ക​ട​ക്കാ​മെ​ന്ന ആ​ത്മ​വി​ശ്വാ​സ​മു​ണ്ട്. കാ​ര​ണം പ​രാ​ജ​യ​ത്തി​ന്‍റെ ഓ​രോ താ​ഴ്ച​യി​ൽ​നി​ന്നും ഉ​യ​ർ​ന്നു​വ​രാ​ൻ ഇ​വ​രെ പ​ഠി​പ്പി​ച്ച​ത് തി​ര​മാ​ല​ക​ളാ​ണ്.

‘ക​ളി​ക്കാ​രു​ടെ പ​രി​ക്ക് ത​ല​വേ​ദ​ന​യാ​ണെ​ങ്കി​ലും ഇ​ത്ത​വ​ണ ക​പ്പ​ടി​ക്കു​ക​യാ​ണ്​ ല​ക്ഷ്യം. മി​ക​ച്ച ഫോ​മി​ലു​ള്ള കേ​ര​ള പൊ​ലീ​സു​മാ​യു​ള്ള ആ​ദ്യ മ​ത്സ​രം ക​ടു​പ്പം ത​ന്നെ​യാ​ണ്. പ​ക്ഷേ ഏ​ത് വ​മ്പ​നെ​യും വീ​ഴ്ത്താ​നു​ള്ള പോ​രാ​ളി​ക​ൾ ഇ​ന്ന് കോ​വ​ളം എ​ഫ്.​സി​യി​ലു​ണ്ട്. ഞ​ങ്ങ​ൾ ശു​ഭ​പ്ര​തീ​ക്ഷ​യി​ലാ​ണ്. ഇ​നി ക​ള​ത്തി​ൽ കാ​ണാം’
- എ​ബി​ൻ റോ​സ് (പ​രി​ശീ​ല​ക​ൻ, കോ​വ​ളം എ​ഫ്.​സി)