‘ഫലസ്തീന്റെ പെലെ’യെയും ഇസ്രായേൽ കൊന്നു

ഗ​സ്സ: ‘ഫ​ല​സ്തീ​ൻ ഫു​ട്ബാ​ളി​ന്റെ പെ​ലെ’ എ​ന്ന​റി​യ​പ്പെ​ട്ട സു​ലൈ​മാ​ൻ അ​ൽ ഉ​ബൈ​ദ് ഇ​സ്രാ​യേ​ൽ ആ​​ക്ര​മ​ണ​ത്തി​ൽ കൊ​ല്ല​പ്പെ​ട്ടു. ഫ​ല​സ്തീ​ൻ ദേ​ശീ​യ ടീ​മി​നു​വേ​ണ്ടി​യും ഗ​സ്സ, വെ​സ്റ്റ് ബാ​ങ്ക് ടീ​മു​ക​ൾ​ക്കും ക​ളി​ച്ച് മൈ​താ​ന​ത്ത് ഫ​ല​സ്തീ​ൻ പോ​രാ​ട്ട​വീ​ര്യ​ങ്ങ​ളു​ടെ പ്ര​തീ​ക​മാ​യ 41കാ​ര​ൻ ഗ​സ്സ​യി​ലെ സ​ഹാ​യ വി​ത​ര​ണ കേ​ന്ദ്ര​ത്തി​ൽ ഭ​ക്ഷ​ണ​ത്തി​നാ​യി മ​ക്ക​ൾ​ക്കൊ​പ്പം വ​രി നി​ൽ​ക്കു​മ്പോ​ഴാ​ണ് ഇ​സ്രാ​​യേ​ൽ സൈ​ന്യം ആ​​ക്ര​മി​ച്ച് ​കൊ​ല​പ്പെ​ടു​ത്തി​യ​ത്. ആ​ഗ​സ്റ്റ് ആ​റി​ന് ​ഗ​സ്സ​യി​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ലാ​യി​രു​ന്നു ഈ ​മു​ൻ ഫു​ട്ബാ​ള​ർ​ക്കും ജീ​വ​ഹാ​നി സം​ഭ​വി​ച്ച​ത്.

1984ൽ ​ജ​നി​ച്ച സു​ലൈ​മാ​ൻ അ​ൽ ഉ​ബൈ​ദ് ഗ​സ്സ​യി​ലെ ഏ​റ്റ​വും ആ​രാ​ധ​ക​രു​ള്ള ഫു​ട്ബാ​ള​ർ​മാ​രി​ൽ ഒ​രാ​ളാ​യി​രു​ന്നു. ​മ​ധ്യ​നി​ര​യി​ലെ ആ​ക്ര​മ​ണ ഫു​ട്ബാ​ളു​മാ​യി ക്ല​ബ് കു​പ്പാ​യ​ത്തി​ലും ദേ​ശീ​യ ടീ​മി​ലു​മാ​യി ഗോ​ളു​ക​ൾ അ​ടി​ച്ചു​കൂ​ട്ടി​യ ക​ളി​ശൈ​ലി ക​ണ്ടാ​ണ് ആ​രാ​ധ​ക​ർ ​‘ഫ​ല​സ്തീ​ന്റെ പെ​ലെ’ എ​ന്ന് വി​ളി​ച്ച​ത്. നി​ല​വി​ൽ ഗ​സ്സ​യി​ലെ ലീ​ഗ് ഫു​ട്ബാ​ളി​ലും സ​ജീ​വ​മാ​യി​രു​ന്നു സു​ലൈ​മാ​ൻ ഉ​ബൈ​ദ്.

പ​തി​റ്റാ​ണ്ടു​ക​ളാ​യി തു​ട​രു​ന്ന ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ ആ​ക്ര​മ​ണ​ങ്ങ​ൾ​ക്കി​ട​യി​ലും, ഫ​ല​സ്തീ​ന് ലോ​ക ഫു​ട്ബാ​ൾ ഭൂ​പ​ട​ത്തി​ൽ മേ​ൽ​വി​ലാ​സം കു​റി​ക്കാ​ൻ ക​രു​ത്താ​യ താ​ര​ത്തി​ന്റെ ദാ​രു​ണാ​ന്ത്യം ഫ​ല​സ്തീ​ൻ ഫു​ട്ബാ​ൾ അ​സോ​സി​യേ​ഷ​ൻ സ്ഥി​രീ​ക​രി​ച്ചു. ആ​രാ​ധ​ക​​രെ ഞെ​ട്ടി​ച്ച കൊ​ല​പാ​ത​ക​ത്തി​ൽ ഫു​ട്ബാ​ൾ ലോ​ക​വും പ്ര​തി​ഷേ​ധ​വു​മാ​യി രം​ഗ​ത്തെ​ത്തി. ‘ഫ​ല​സ്തീ​ന്റെ പെ​ലെ​യെ​യും അ​വ​ർ കൊ​ന്നു. ഈ ​വം​ശ​ഹ​ത്യ എ​ത്ര​കാ​ലും തു​ട​രും’ -മു​ൻ മാ​ഞ്ച​സ്റ്റ​ർ യു​നൈ​റ്റ​ഡ് താ​രം കൂ​ടി​യാ​യ ഫ്രാ​ൻ​സി​ന്റെ എ​റി​ക് ക​ന്റോ​ണ കു​റി​ച്ചു.

2007 മു​ത​ൽ 2013വ​രെ ഫ​ല​സ്തീ​ൻ ദേ​ശീ​യ ടീ​മി​നാ​യി ക​ളി​ച്ച സു​ലൈ​മാ​ൻ അ​ൽ ഉ​ബൈ​ദ് ഏ​ഷ്യ​ൻ ക​പ്പ്, പാ​ൻ അ​റ​ബ് ഗെ​യിം​സ്, ലോ​ക​ക​പ്പ് യോ​ഗ്യ​താ റൗ​ണ്ട്, സൗ​ഹൃ​ദ മ​ത്സ​ര​ങ്ങ​ൾ ഉ​ൾ​പ്പെ​ടെ ദേ​ശീ​യ ടീ​മി​നാ​യി 19 മ​ത്സ​ര​ങ്ങ​ളി​ൽ ബൂ​ട്ട് കെ​ട്ടി​യി​രു​ന്നു. 2007 മു​ത​ൽ 2023 വ​രെ നീ​ണ്ടു​നി​ന്ന ക്ല​ബ് ക​രി​യ​റി​ൽ വി​വി​ധ ടീ​മു​ക​ൾ​ക്കാ​യി 100ല​ധി​കം ഗോ​ളു​ക​ൾ നേ​ടി.

2010ലെ ​വെ​സ്റ്റ് ഏ​ഷ്യ​ൻ ചാ​മ്പ്യ​ൻ​ഷി​പ്പി​ൽ യ​മ​നെ​തി​രെ നേ​ടി​യ സി​സ​ർ ക​ട്ട് ഗോ​ൾ ശ്ര​ദ്ധേ​യ​മാ​യി​രു​ന്നു. സു​ലൈ​മാ​ൻ അ​ൽ ഉ​ബൈ​ദി​ന്റെ മ​ര​ണ​ത്തോ​ടെ, ഗ​സ്സ മു​ന​മ്പി​ൽ ഇ​സ്രാ​യേ​ൽ സൈ​ന്യം കൊ​ല​പ്പെ​ടു​ത്തി​യ ഫു​ട്ബാ​ൾ താ​ര​ങ്ങ​ളു​ടെ എ​ണ്ണം 220 ആ​യി. കാ​യി​ക​താ​ര​ങ്ങ​ളു​ടെ​യും കു​ടും​ബാം​ഗ​ങ്ങ​ളു​ടെ​യും എ​ണ്ണം 662 ആ​യി ഉ​യ​ർ​ന്നു. ക​ളി​ക്കാ​ർ, പ​രി​ശീ​ല​ക​ർ, അ​ഡ്മി​നി​സ്ട്രേ​റ്റ​ർ​മാ​ർ, റ​ഫ​റി​മാ​ർ, ക്ല​ബ് ബോ​ർ​ഡ് അം​ഗ​ങ്ങ​ൾ എ​ന്നി​വ​ര​ട​ക്കം ഫു​ട്ബാ​ളു​മാ​യി ബ​ന്ധ​പ്പെ​ട്ട് കൊ​ല്ല​പ്പെ​ട്ട​വ​രു​ടെ എ​ണ്ണം 321ആ​യി.