വൗ വണ്ടർ ഗോൾ, ഉവൈസ്…

മ​ല​പ്പു​റം: ഐ.​എ​സ്.​എ​ല്ലി​ൽ ജം​ഷ​ഡ്പൂ​ർ എ​ഫ്.​സി​യും ബാ​ഗ്ലൂ​ർ എ​ഫ്.​സി​യും ത​മ്മി​ലെ വാ​ശി​യേ​റി​യ പോ​രാ​ട്ടം. ആ​ദ്യ പ​കു​തി​യി​ൽ ആ​ൽ​ബ​ർ​ട്ടോ നൊ​ഗേ​ര നേ​ടി​യ ഏ​ക​പ​ക്ഷീ​യ​മാ​യ ഗോ​ളി​ലൂ​ടെ ബാ​ഗ്ലൂ​ർ എ​ഫ്.​സി മു​ന്നി​ട്ട് നി​ൽ​ക്കു​ന്നു. ര​ണ്ടാം പ​കു​തി​യു​ടെ ആ​ദ്യം മു​ത​ൽ സ​മ​നി​ല ഗോ​ളി​ന് വേ​ണ്ടി ജം​ഷ​ഡ്പൂ​ർ കി​ണ​ഞ്ഞു ശ്ര​മി​ച്ചെ​ങ്കി​ലും ഗോ​ൾ മാ​ത്രം വി​ട്ടു​നി​ന്നു.

ഒ​ടു​വി​ൽ ക​ളി​യു​ടെ 84 -ാം മി​നി​റ്റി​ൽ ആ​സ്ത്രേ​ലി​യ​ൻ താ​രം ജോ​ർ​ദാ​ൻ മ​റേ​യു​ടെ മ​നോ​ഹ​ര​മാ​യ സി​സ​ർ ക​ട്ടി​ലൂ​ടെ ആ​തി​ഥേ​യ​ർ കാ​ത്തി​രു​ന്ന സ​മ​നി​ല ഗോ​ൾ. 90 -ാം മി​നി​റ്റി​ൽ ജം​ഷ​ഡ്പൂ​ർ ഗോ​ൾ​കീ​പ്പ​ർ ആ​ൽ​ബി​നോ ഗോ​മ​സ് നീ​ട്ടി​യ​ടി​ച്ച പ​ന്ത് ജം​ഷ​ഡ്പൂ​രി​ന്റെ ഗോ​ൾ കൂ​ടാ​രം ല​ക്ഷ്യ​മാ​ക്കി നീ​ങ്ങി. പ​രി​ച​യ​സ​മ്പ​ന്ന​നാ​യ ബാം​ഗ്ലൂ​ർ ഗോ​ളി ഗു​ർ​പ്രീ​ത് സി​ങ്ങ് സ​മ​ർ​ത്ഥ​മാ​യി മു​ന്നോ​ട്ടു ക​യ​റി ബാ​ൾ ഇ​ട​തു കൈ​കൊ​ണ്ട് ത​ട്ടി​യ​ക​റ്റി.

റീ​ബൗ​ണ്ട് വ​ന്ന പ​ന്തി​നെ വ​ല​തു​കാ​ലു​കൊ​ണ്ട് കു​മ്പി​ളി​ലെ​ന്ന​പോ​ൽ കോ​രി​യെ​ടു​ത്ത ആ ​ജം​ഷ​ഡ്പൂ​ർ താ​രം സ​മ്മ​ർ​ദ​ങ്ങ​ളേ​തു​മി​ല്ലാ​തെ 30 വാ​ര അ​ക​ലെ​യു​ള്ള പോ​സ്റ്റി​ലേ​ക്ക് ത​ളി​ക​യി​ലെ​ന്ന​വ​ണ്ണം അ​ടി​ച്ചു​ക​യ​റ്റി. എ​തി​രാ​ളി​ക​ളെ പോ​ലും ആ​രാ​ധ​ക​രാ​ക്കി മാ​റ്റി​യ ഗോ​ളി​ന്‍റെ ച​ടു​ല​ത​യി​ൽ ഇ​ന്ത്യ​ൻ ടീ​മി​ന്‍റെ ഗോ​ൾ വ​ല കാ​ത്ത ഗു​ർ​പ്രീ​തി​നും നോ​ക്കി നി​ൽ​ക്കാ​നേ ക​ഴി​ഞ്ഞു​ള്ളൂ. ആ ​ഒ​രൊ​റ്റ ഗോ​ൾ കൊ​ണ്ട് മ​ല​യാ​ളി​യാ​യ മു​ഹ​മ്മ​ദ് ഉ​വൈ​സ് സോ​ഷ്യ​ൽ മീ​ഡി​യ​ക്ക് തീ​യി​ട്ടു. ഫേ​സ്ബു​ക്കി​ലും ഇ​ൻ​സ്റ്റ​ഗ്രാ​മി​ലും വാ​ട്ട്സാ​പ്പ് സ്റ്റാ​റ്റ​സു​ക​ളി​ലും ആ ​ഗോ​ൾ നി​റ​ഞ്ഞു​നി​ന്നു.

മൂ​ന്ന് വ​ർ​ഷം മു​മ്പാ​ണ് 26 കാ​രാ​നാ​യ ഉ​വൈ​സ് ജം​ഷ​ഡ്പൂ​ർ ത​ട്ട​ക​ത്തി​ലെ​ത്തി​യ​ത്. ടീ​മി​ന്‍റെ പ്ര​തി​രോ​ധ​ത്തി​ലെ പ​ക​രം വെ​ക്കാ​നി​ല്ലാ​ത്ത താ​ര​മെ​ന്ന​ത് ഉ​വൈ​സി​നെ സം​ബ​ന്ധി​ച്ച് ആ​ല​ങ്കാ​രി​ക പ്ര​യോ​ഗ​മ​ല്ല.

ടീ​മി​ലെ ഏ​ക ലെ​ഫ്റ്റ് ബാ​ക്കാ​ണ് ഉ​വൈ​സ്. ഈ ​സീ​സ​ണി​ലെ ക​ഴി​ഞ്ഞ 13 മ​ത്സ​ര​ങ്ങ​ളി​ലും മു​ഴു​സ​മ​യ​വും ജം​ഷ​ഡ്പൂ​രി​നാ​യി ബൂ​ട്ടു​കെ​ട്ടി. മൂ​ന്ന് സീ​സ​ണു​ക​ളി​ൽ ക​ളി​ച്ചി​ട്ടും ഇ​തു​വ​രെ ഒ​രു കാ​ർ​ഡ് പോ​ലും വ​ഴ​ങ്ങി​യി​ല്ല. ഏ​ത് സ​ങ്കീ​ർ​ണ ഘ​ട്ട​ങ്ങ​ളെ​യും സ​മ്മ​ർ​ദ​ങ്ങ​ളി​ല്ലാ​തെ നേ​രി​ടു​ന്നു എ​ന്ന​താ​ണ് മ​റ്റു പ്ര​തി​രോ​ധ താ​ര​ങ്ങ​ളി​ൽ നി​ന്നും ഉ​വൈ​സി​നെ വ്യ​ത്യ​സ്ത​നാ​ക്കു​ന്ന​ത്.

മ​ല​പ്പു​റം നി​ല​മ്പൂ​ർ സ്വ​ദേ​ശി​യാ​യ ഉ​വൈ​സി​ന് പി​താ​വാ​യ ക​മാ​ലു​ദ്ദീ​ൻ ത​ന്നെ​യാ​ണ് കാ​ൽ​പ​ന്തു​ക​ളി​യു​ടെ ബാ​ല​പാ​ഠ​ങ്ങ​ൾ പ​ഠി​പ്പി​ച്ച​ത്. 2014 ൽ ​ജൂ​നി​യ​ർ മ​ല​പ്പു​റം ജി​ല്ലാ ടീ​മി​ന് വേ​ണ്ടി ക​ളി​ച്ച് തു​ട​ങ്ങി​യ ഉ​വൈ​സി​ന് അ​ണ്ട​ർ 18 ഡ​ൽ​ഹി സു​ദേ​വ എ​ഫ്.​സി​യെ ന​യി​ക്കാ​നു​മു​ള​ള ഭാ​ഗ്യ​മു​ണ്ടാ​യി.

ഗോ​കു​ലം എ​ഫ്.​സി ഐ ​ലീ​ഗി​ൽ കി​രീ​ടം ചൂ​ടി​യ​പ്പോ​ൾ ടീ​മി​ന്റെ ക​രു​ത്ത​നാ​യ സ്റ്റോ​പ്പ​ർ ബാ​ക്കാ​യി​രു​ന്നു ഉ​വൈ​സ്. ഒ​രു ഗോ​ളും 4 അ​സി​സ്റ്റു​ക​ളും കൊ​ണ്ട് ഗോ​കു​ല​ത്തി​ന്റെ വി​ജ​യ​ത്തി​ൽ നി​ർ​ണാ​യ​ക പ​ങ്ക് വ​ഹി​ച്ചു. ഇ​നി ഇ​ന്ത്യ​ക്ക് വേ​ണ്ടി നീ​ല ജ​ഴ്സി​യ​ണി​യു​ക എ​ന്ന വ​ലി​യ സ്വ​പ്ന​മാ​ണ് ഉ​വൈ​സി​നു​ള്ള​ത്. സ​ൽ​മ​ത്താ​ണ് മാ​താ​വ്. മു​ഹ​മ്മ​ദ് ഉ​നൈ​സ്, മു​ഹ​മ്മ​ദ് ഉ​മൈ​സ് എ​ന്നി​വ​ർ സ​ഹോ​ദ​ര​ങ്ങ​ളാ​ണ്.