ഐ.എസ്.എൽ കാണാതെ ഗോകുലം മടങ്ങി

കോ​ഴി​ക്കോ​ട്: ഗോ​ൾ​മ​ഴ പെ​യ്ത ഐ ​ലീ​ഗി​ലെ അ​വ​സാ​ന മ​ത്സ​ര​ത്തി​ൽ ഡെം​പോ ഗോ​വ​ക്കെ​തി​രെ തോ​ൽ​വി വ​ഴ​ങ്ങി​യ ഗോ​കു​ല​ത്തി​ന് കി​രീ​ട​വും ഐ.​എ​സ്.​എ​ൽ പ്ര​വേ​ശ​ന​വു​മി​ല്ലാ​തെ മ​ട​ക്കം. ആ​ദ്യ 10 മി​നി​റ്റി​നി​ടെ ര​ണ്ടു​വ​ട്ടം എ​തി​ർ​വ​ല കു​ലു​ക്കി മ​ല​ബാ​റി​യ​ൻ സ്വ​പ്ന​ങ്ങ​ൾ​ക്ക് ആ​യി​രം വ​ർ​ണ​ങ്ങ​ൾ ന​ൽ​കി​യ ശേ​ഷ​മാ​യി​രു​ന്നു 3-4ന് ​ടീം അ​ടി​യ​റ​വ് പ​റ​ഞ്ഞ​ത്. സ്​​ട്രൈ​ക്ക​ർ താ​ബി​സോ ബ്രൗ​ണി​ന്റെ ഹാ​ട്രി​ക്കി​നും ടീ​മി​നെ ര​ക്ഷി​ക്കാ​നാ​യി​ല്ല.

കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ ഇ​ഞ്ചോ​ടി​ഞ്ചാ​യി​രു​ന്നു പോ​രാ​ട്ടം. നാ​ലാം മി​നി​റ്റി​ൽ താ​ബി​സോ ബ്രൗ​ൺ ഡെം​പോ ഗോ​ൾ​കീ​പ്പ​ർ ആ​ശി​ഷ് ഷി​ബി​യെ കീ​ഴ​ട​ക്കി ഗോ​ൾ​വേ​ട്ട​ക്ക് തു​ട​ക്ക​മി​ട്ടു. ക​ളി ചൂ​ടു​പി​ടി​ക്കും​മു​ന്നേ വീ​ണ ഗോ​ളി​ൽ അ​ന്തം​വി​ട്ട ഡെം​പോ വ​ല​യി​ൽ 10ാം മി​നി​റ്റി​ൽ വീ​ണ്ടും പ​ന്തു​ക​യ​റി. ഇ​ട​തു​വി​ങ്ങി​ൽ​നി​ന്ന് ഗോ​കു​ലം മി​ഡ്ഫീ​ൽ​ഡ​ർ ല​ബ​ല്ലൈ​ഡോ ന​ൽ​കി​യ പാ​സ് എ​ടു​ത്ത താ​ബി​സോ ഗ്രൗ​ണ്ട്ഷോ​ട്ടി​ലാ​യി​രു​ന്നു വ​ല കു​ലു​ക്കി​യ​ത്. പി​ന്നീ​ടു​ള്ള നി​മി​ഷ​ങ്ങ​ളി​ൽ ഡെം​പോ മു​ന്നേ​റ്റ​ത്തെ ബോ​ക്സി​നു​ള്ളി​ൽ ക​ട​ക്കാ​ൻ അ​നു​വ​ദി​ക്കാ​തെ മ​ല​ബാ​റി​യ​ൻ​സ് പ്ര​തി​രോ​ധം ശ​ക്ത​മാ​ക്കി. 17ാം മി​നി​റ്റി​ൽ ഡെം​പോ​ക്ക് ല​ഭി​ച്ച കോ​ർ​ണ​ർ ഗോ​കു​ലം ഗോ​ൾ കീ​പ്പ​ർ ര​ക്ഷി​ത് ധ​ഗ​ർ മ​നോ​ഹ​ര​മാ​യി സേ​വ് ചെ​യ്തു.

എ​ന്നാ​ൽ, കെ​ട്ടു​പൊ​ട്ടി​ച്ച് 21ാം മി​നി​റ്റി​ൽ മി​ഡ്ഫീ​ൽ​ഡ​ർ മാ​ർ​ക്ക​സ് ഡാ​മി​യ​ൻ ഗോ​ളാ​ക്കി​യ​തോ​ടെ മൈ​താ​ന​ത്ത് നീ​ക്ക​ങ്ങ​ൾ​ക്ക് ചൂ​ടേ​റി. 33ാം മി​നി​റ്റി​ൽ പെ​നാ​ൽ​ട്ടി ബോ​ക്സി​നു​ള്ളി​ൽ മാ​ർ​ക്ക​സ് ജോ​സ​ഫ് ന​ൽ​കി​യ പ​ന്ത് സ്വീ​ക​രി​ച്ച ക​പി​ൽ, ഗോ​ളി ര​ക്ഷി​തി​ന് പി​ടി ന​ൽ​കാ​തെ വ​ല​യി​ലാ​ക്കി. ഇ​തോ​ടെ സ്കോ​ർ 2-2.

ര​ണ്ടാം പാ​തി​യി​ൽ ഇ​രു ടീ​മു​ക​ളും ആ​ക്ര​മ​ണം ക​ന​പ്പി​ച്ചു. 55ാം മി​നി​റ്റി​ൽ പ​രി​ക്കി​നെ​ത്തു​ട​ർ​ന്ന് ഗോ​കു​ലം ഗോ​ൾ കീ​പ്പ​ർ ര​ക്ഷി​തി​നു പ​ക​രം ഷി​ബി​ൻ രാ​ജ് ഇ​റ​ങ്ങി. 62ാം മി​നി​റ്റി​ൽ ഗോ​കു​ലം പ്ര​തി​രോ​ധ നി​ര​യി​ലെ മ​ഹ​ഷൂ​ർ ഷെ​രീ​ഫി​ന് ര​ണ്ടാം ത​വ​ണ​യും ഹാ​ൻ​ഡ് ബാ​ൾ ഫൗ​ളി​നെ​ത്തു​ട​ർ​ന്ന് ചു​വ​പ്പ് കാ​ർ​ഡ് ല​ഭി​ച്ചു. 10 പേ​രാ​യി ചു​രു​ങ്ങി​യ മ​ല​ബാ​റി​യ​ൻ​സി​ന് ജ​യം പി​ടി​ക്ക​ൽ എ​ളു​പ്പ​മ​ല്ലെ​ന്നാ​യി. 70ാം മി​നി​റ്റി​ൽ ഡെം​പോ​യു​ടെ ഡാ​മി​യ​ൻ ന​ൽ​കി​യ പാ​സ് മി​ഡ്ഫീ​ൽ​ഡ​ർ ബ്രോ​സോ ദി​ദി​യ​ർ ഹെ​ഡ് ചെ​യ്ത് ഗോ​ളാ​ക്കി​യ​തോ​ടെ സ്കോ​ർ 3-2 ആ​യി. 73ാം മി​നി​റ്റി​ൽ കോ​ർ​ണ​റി​ൽ ല​ക്ഷ്യം ക​ണ്ട് താ​ബി​സോ ഹാ​ട്രി​ക് കു​റി​ച്ചു. ഇ​ഞ്ചു​റി സ​മ​യ​ത്തി​ന്റെ നാ​ലാം മി​നി​റ്റി​ൽ ഡെം​പോ താ​രം ഡാ​മി​യ​ൻ വ​ല നി​റ​ച്ച​തോ​ടെ ടീം ​ജ​യ​മു​റ​പ്പി​ച്ചു. താ​ര​ത്തി​ന്റെ ര​ണ്ടാം ഗോ​ളാ​യി​രു​ന്നു ഇ​ത്.