ദേശീയ ഗെയിംസ് 2025; ആദ്യ വെള്ളി

ഹ​ൽ​ദ്വാ​നി: 38ാമ​ത് ദേ​ശീ‍യ ഗെ​യിം​സി​ൽ കേ​ര​ള​ത്തി​ന്റെ അ​ക്കൗ​ണ്ടി​ലേ​ക്ക് ആ​ദ്യ​മാ​യി വെ​ള്ളി മെ​ഡ​ലും. വ​നി​ത ബീ​ച്ച് ഹാ​ൻ​ഡ്ബാ​ൾ ടീം ​വെ​ള്ളി സ​മ്മാ​നി​ച്ച​പ്പോ​ൾ പു​രു​ഷ ഖോ ​ഖോ ടീം ​വ​ക വെ​ങ്ക​ല​വും ല​ഭി​ച്ചു.

ബീ​ച്ച് ഹാ​ൻ​ഡ്ബാ​ളി​ൽ ഹ​രി​യാ​ന​ക്കെ​തി​രാ​യ ഫൈ​ന​ലി​ന്റെ ആ​ദ്യ പ​കു​തി​യി​ല്‍ 7-22നും ​ര​ണ്ടാം പ​കു​തി​യി​ല്‍ 5-32നു​മാ​ണ് തോ​റ്റ​ത്.

ഗോ​വ​യി​ല്‍ ന​ട​ന്ന ദേ​ശീ​യ ഗെ​യിം​സി​ലും കേ​ര​ളം ഹ​രി​യാ​ന​യോ​ട് മു​ട്ടു​മ​ട​ക്കി വെ​ള്ളി നേ​ടി​യി​രു​ന്നു. ഖോ ​ഖോ​യി​ൽ ക​ഴി​ഞ്ഞ ദി​വ​സം കേ​ര​ളം നി​ര്‍ണാ​യ​ക മ​ത്സ​ര​ത്തി​ല്‍ ക​ര്‍ണാ​ട​ക​യെ തോ​ല്‍പ്പി​ച്ച് സെ​മി​യി​ലെ​ത്തി മെ​ഡ​ല്‍ ഉ​റ​പ്പി​ച്ചി​രു​ന്നു. സെ​മി​യി​ല്‍ ഒ​ഡി​ഷ​യോ​ട് 33-26 എ​ന്ന സ്‌​കോ​റി​നാ​ണ് പ​രാ​ജ​യ​പ്പെ​ട്ട​ത്.

ബീ​ച്ച് ഹാ​ൻ​ഡ്ബാ​ൾ ഫൈ​ന​ലി​ല്‍ ഗോ​ള്‍ കീ​പ്പ​ര്‍ ഐ​ശ്വ​ര്യ ഇ​ല്ലാ​ത്ത​ത് കേ​ര​ള​ത്തി​ന് തി​രി​ച്ച​ടി​യാ​യി. സെ​മി​ക്ക് മു​മ്പ് ക​ഴു​ത്ത് വേ​ദ​ന​യും നെ​ഞ്ചി​ലെ അ​ണു​ബാ​ധ​യും കാ​ര​ണം ആ​ശു​പ​ത്രി​യി​ലാ​യി​രു​ന്ന ഐ​ശ്വ​ര്യ സെ​മി​യി​ല്‍ അ​സ്സാ​മി​നെ​തി​രെ മ​ത്സ​രി​ക്കാ​നെ​ത്തി​യി​രു​ന്നു.

പെ​നാ​ല്‍റ്റി​യി​ലേ​ക്ക് നീ​ണ്ട മ​ത്സ​ര​ത്തി​ല്‍ താ​രം ര​ക്ഷ​ക​യാ​യി. സെ​മി​ക്ക് ശേ​ഷം വീ​ണ്ടും ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച ഐ​ശ്വ​ര്യ​യോ​ട് മ​ത്സ​രി​ക്കാ​ന്‍ സാ​ധി​ക്കി​ല്ലെ​ന്ന് ഡോ​ക്ട​ര്‍ നി​ര്‍ദേ​ശം ന​ല്‍ക്കി. ക​ഴി​ഞ്ഞ ദി​വ​സം രാ​ത്രി വൈ​കി​യാ​ണ് താ​ര​ത്തി​ന് ആ​ശു​പ​ത്രി വി​ടാ​നാ​യ​ത്.

ഫു​ട്ബാ​ൾ

ജ​യം തു​ട​രാ​ൻ കേ​ര​ളം ഇ​ന്ന് ഡ​ൽ​ഹി​ക്കെ​തി​രെ

ദേ​ശീ​യ ഗെ​യിം​സ് ഫു​ട്ബാ​ളി​ലെ ആ​ദ്യ ക​ളി​യി​ൽ മ​ണി​പ്പൂ​രി​നെ തോ​ൽ​പി​ച്ച കേ​ര​ളം സെ​മി ഫൈ​ന​ൽ തേ​ടി ഇ​ന്ന് ഡ​ൽ​ഹി​ക്കെ​തി​രെ . ഗ്രൂ​പ്പ് ബി ​യി​ൽ ത​ങ്ങ​ളു​ടെ ആ​ദ്യ പോ​രാ​ട്ട​ത്തി​ൽ ക​രു​ത്ത​രും നി​ല​വി​ലെ ജേ​താ​ക്ക​ളു​മാ​യ സ​ർ​വീ​സ​സി​നെ മ​റി​ച്ചി​ട്ട ആ​ത്മ​വി​ശ്വാ​സം ഡ​ൽ​ഹി​ക്കു​മു​ണ്ട്.

ഇ​ഞ്ചോ​ടി​ഞ്ച് മ​ത്സ​ര​ത്തി​ന്റെ ര​ണ്ടാം പ​കു​തി​യി​ൽ ബി​ബി​ൻ ബോ​ബ​ൻ നേ​ടി​യ ഗോ​ളി​ലാ​ണ് കേ​ര​ളം മ​ണി​പ്പൂ​രി​നെ വീ​ഴ്ത്തി​യ​ത്. ഇ​ന്ന് ജ​യം ആ​വ​ർ​ത്തി​ച്ചാ​ൽ ടീ​മി​ന് അ​നാ​യാ​സം സെ​മി ഫൈ​ന​ലി​ൽ എ​ത്താം. തി​ങ്ക​ളാ​ഴ്ച സ​ർ​വീ​സ​സി​നെ നേ​രി​ടാ​നി​രി​ക്കെ ഇ​ന്ന് തോ​റ്റാ​ലും പ്ര​തീ​ക്ഷ​യു​ണ്ട്. ഡ​ൽ​ഹി​ക്കും ര​ണ്ടാം ജ​യം സെ​മി ഫൈ​ന​ലി​ലേ​ക്ക് വ​ഴി തു​റ​ക്കും.

ഇ​യ്യി​ടെ സ​ന്തോ​ഷ് ട്രോ​ഫി​യി​ൽ മി​ക​ച്ച പ്ര​ക​ട​ന​വു​മാ​യി റ​ണ്ണ​ർ ആ​പ്പാ​യ ടീ​മി​ലെ ആ​ർ​ക്കും അ​വ​സ​രം ന​ൽ​കാ​തെ​യാ​ണ് കേ​ര​ളം ദേ​ശീ​യ ഗെ​യിം​സ് ടീം ​ഉ​ണ്ടാ​ക്കി​യ​ത്. ര​ണ്ടാം​നി​ര ആ​ണെ​ങ്കി​ലും മ​ണി​പ്പൂ​രി​നെ​തി​രെ കാ​ഴ്ച​വെ​ച്ച മി​ക​വ് ടീ​മി​ന് ന​ൽ​കു​ന്ന ഊ​ർ​ജം ചെ​റു​ത​ല്ല.

ഗ്രൂ​പ്പി​ൽ നി​ന്ന് ര​ണ്ട് ടീ​മു​ക​ൾ​ക്ക് സെ​മി ബെ​ർ​ത്തു​ണ്ട്. ഇ​തി​ൽ ഒ​ന്നാ​വാ​ൻ കേ​ര​ള​ത്തി​ന് ക​ഴി​യു​മെ​ന്ന് പ​രി​ശീ​ല​ക​ൻ ഷ​ഫീ​ഖ് ഹ​സ​ൻ പ്ര​തീ​ക്ഷ പ്ര​ക​ടി​പ്പി​ച്ചു.

വാ​ട്ട​ര്‍പോ​ളോ ടീ​മു​ക​ൾ സെ​മി​യി​ലേ​ക്ക്

വ​നി​താ, പു​രു​ഷ വി​ഭാ​ഗം വാ​ട്ട​ര്‍പോ​ളോ​യി​ല്‍ കേ​ര​ളം സെ​മി ഫൈ​ന​ലി​ന് അ​രി​കെ. ഗ്രൂ​പ്പ് മ​ത്സ​ര​ങ്ങ​ളി​ല്‍ ര​ണ്ടും വി​ജ​യി​ച്ചാ​ണ് കേ​ര​ളം സെ​മി സാ​ധ്യ​ത സ​ജീ​വ​മാ​ക്കി​യ​ത്.

പു​രു​ഷ​ന്മാ​ർ ഹ​രി​യാ​ന​യെ ഒ​ന്നി​നെ​തി​രെ 16 ഗോ​ളു​ക​ള്‍ക്ക് പ​രാ​ജ​യ​പ്പെ​ടു​ത്തി. വ​നി​താ വി​ഭാ​ഗ​ത്തി​ല്‍ കേ​ര​ളം ഒ​ഡി​ഷ​യെ എ​തി​രി​ല്ലാ​ത്ത 15 ഗോ​ളു​ക​ള്‍ക്ക് ത​ക​ർ​ത്തു. വു​ഷു​വി​ല്‍ പു​രു​ഷ​ന്‍മാ​രു​ടെ തൗ​ലോ​യി​ല്‍ മ​ത്സ​രി​ച്ച മു​നീ​ര്‍ വി 8.00 ​പോ​യ​ന്റ് നേ​ടി നാ​ലാം സ്ഥാ​ന​ത്താ​യി. തൗ​ലോ​യി​ലെ ജി​യാ​ന്‍ഷു ഇ​ന​ത്തി​ലാ​ണ് മ​ത്സ​രി​ച്ച​ത്.

വോ​ളി​ബാ​ൾ: വ​നി​ത​ക​ളും പു​രു​ഷ​ന്മാ​രും സെ​മി​യി​ൽ

വോ​ളി​ബാ​ളി​ല്‍ കേ​ര​ള​ത്തി​ന്റെ പു​രു​ഷ, വ​നി​താ ടീ​മു​ക​ള്‍ സെ​മി ഫൈ​ന​ലി​ല്‍ പ്ര​വേ​ശി​ച്ചു. പു​രു​ഷ​ന്‍മാ​രു​ടെ ഗ്രൂ​പ്പി​ലെ അ​വ​സാ​ന മ​ത്സ​ര​ത്തി​ല്‍ കേ​ര​ളം ക​ര്‍ണാ​ട​യെ നേ​രി​ട്ടു​ള്ള സെ​റ്റു​ക​ള്‍ക്ക് പ​രാ​ജ​യ​പ്പെ​ടു​ത്തി. സ്‌​കോ​ര്‍: 25-21,25-18, 25-16. ഗ്രൂ​പ്പി​ല്‍ ര​ണ്ടാം സ്ഥാ​ന​ക്കാ​രാ​യാ​ണ് സെ​മി ഫൈ​ന​ലി​ന് യോ​ഗ്യ​ത നേ​ടി​യ​ത്. ആ​ദ്യ മ​ത്സ​ര​ത്തി​ല്‍ സ​ര്‍വീ​സ​സി​നേ​ട് പ​രാ​ജ​യ​പ്പെ​ട്ടി​രു​ന്നു. ഇ​ന്ന് സെ​മി​യി​ല്‍ കേ​ര​ളം ത​മി​ഴ്‌​നാ​ടി​നെ നേ​രി​ടും

വ​നി​താ വി​ഭാ​ഗ​ത്തി​ല്‍ തോ​ല്‍വി അ​റി​യാ​തെ​യാ​ണ് കേ​ര​ളം സെ​മി ഫൈ​ന​ലി​ന് യോ​ഗ്യ​ത നേ​ടി​യ​ത്. ഗ്രൂ​പ്പി​ലെ അ​വ​സാ​ന മ​ത്സ​ര​ത്തി​ല്‍ ക​ര്‍ണാ​ട​ക​യെ എ​തി​രി​ല്ലാ​ത്ത മൂ​ന്ന് സെ​റ്റു​ക​ള്‍ക്ക് തോ​ല്‍പ്പി​ച്ചു. സ്‌​കോ​ര്‍ 25-12, 25-16, 25-17. ഇ​ന്ന് സെ​മി​യി​ല്‍ ച​ണ്ഡീ​ഗ​ഢാ​ണ് എ​തി​രാ​ളി.

ബാസ്കറ്റ്ബാളിൽ കേരളം ഗ്രൂപ് ജേതാക്കൾ

വ​നി​ത ബാ​സ്ക​റ്റ്ബാ​ളി​ൽ കേ​ര​ളം ഗ്രൂ​പ് ജേ​താ​ക്ക​ളാ​യി സെ​മി ഫൈ​ന​ലി​ൽ ക​ട​ന്നു. അ​വ​സാ​ന മ​ത്സ​ര​ത്തി​ൽ പ​ഞ്ചാ​ബി​നെ 76-44നാ​ണ് തോ​ൽ​പി​ച്ച​ത്. 23 പോ​യ​ന്റും 10 റീ​ബൗ​ണ്ടു​ക​ളു​മാ​യി പി.​എ​സ് ജീ​ന​യാ​ണ് ടോ​പ് സ്കോ​റ​ർ. സെ​മി​യി​ൽ ഇ​ന്ന് കേ​ര​ളം ക​ർ​ണാ​ട​ക​യെ നേ​രി​ടും.