ആസ്ട്രേലിയൻ സ്പിന്നർ നതാൻ ഹാരിസ് വിരമിച്ചു

മെൽബൺ: ആസ്ട്രേലിയൻ ഒാഫ് സ്പിന്നർ നതാൻ ഹാരിസ് അന്താരാഷ്ട്ര ക്രിക്കറ്റിൽ നിന്നും വിരമിക്കൽ പ്രഖ്യാപിച്ചു. 15 വർഷം നീണ്ട ക്രിക്കറ്റ് കരിയറിന് വിരാമമിടുകയാണെന്ന് അദ്ദേഹം വ്യക്തമാക്കി. കഴിഞ്ഞ കുറച്ചു വർഷമായി സജീവ ക്രിക്കറ്റിൽ അദ്ദേഹമില്ലായിരുന്നു. 2010ലാണ് അവസാനമായി ടെസ്റ്റ് കളിച്ചത്. ബിഗ് ബാഷ് ട്വൻറി ലീഗിൽ മെൽബണിനായി അദ്ദേഹം കളിച്ചിരുന്നു.ബിഗ് ബാഷ് ലീഗിൽ ഫോം കണ്ടെത്താൻ ഹാരിസിന് സാധിച്ചിരുന്നില്ല.ഇതേതുടർന്നാണ് വിരമിക്കൽ പ്രഖ്യാപിച്ചത്.

2002ൽ ദക്ഷിണാഫ്രിക്കക്കെതിരെയാണ് അരങ്ങേറ്റം. രണ്ടു വർഷത്തിനു ശേഷം ഇന്ത്യക്കെതിരെ ടെസ്റ്റിലും അരങ്ങേറി. 17 ടെസ്റ്റുകളിൽ നിന്നായി 63 വിക്കറ്റുകൾ സ്വന്തമാക്കി. 58 ഏകദിനങ്ങൾ കളിച്ചിട്ടുണ്ട്. ട്വൻറി-20 മത്സരങ്ങളിലും പങ്കെടുത്തിരുന്നു.