ഫുട്​ബോൾ അക്രമം: റഷ്യൻ ആരാധകരെ ഫ്രാൻസിൽ നിന്നും പുറത്താക്കുന്നു

നൈസ്(ഫ്രാൻസ്​)​: യൂറോ കപ്പിൽ റഷ്യ–ഇംഗളണ്ട്​ മൽസരത്തിനിടെ സംഘർഷമുണ്ടാക്കിയ റഷ്യൻ ആരാധകരെ ഫ്രാൻസിൽ നിന്ന്​ പുറത്താക്കുന്നു. അക്രമമുണ്ടാക്കാൻ സാധ്യതയുള്ളവരുടെ ലിസ്​റ്റിൽ ആരെങ്കിലുമുണ്ടോ എന്ന്​ പരിശോധിക്കുകയാണെന്നും പൊലീസ്​ വൃത്തങ്ങൾ പറഞ്ഞു. മാഴ്​സെല്ലക്കടുത്ത്​ താമസിക്കുന്ന 29 റഷ്യൻ അനുകൂലികളുടെ തിരിച്ചറിയൽ കാർഡ്​ പരിശോധിച്ചതിന്​ ശേഷമാണ്​ ​ഫ്രഞ്ചു ഗവൺമെൺറി​െൻറ നടപടി.

റഷ്യയുടെ അടുത്ത മൽസരം ​െസളാവാക്യയോടാണ്​. മൽസരത്തിന്​ വേദിയാകുന്ന ലില്ലിയിലേക്കും ആരാധകർ നീങ്ങാൻ സാധ്യതയുണ്ടെന്ന്​ പൊലീസ്​ വൃത്തങ്ങൾ വ്യക്​തമാക്കുന്നു. സംഘർഷം അഴിച്ചു​ വിട്ടവർക്കെതിരെ നടപടിയെടുക്കാത്തതിൽ ഇംഗളീഷ്​ ഫുട്​ബോൾ അസോസിയേഷൻ ഫ്രഞ്ചു ഗവൺമെൻറിനെ രൂക്ഷമായി വിമർശിച്ചിരുന്നു.

യൂറോ കപ്പിൽ ഇംഗളണ്ടും റഷ്യയും തമ്മിലെ മൽസര ശേഷമായിരുന്നു സംഘർഷം ഉണ്ടായത്​. മാഴ്​സെല്ലയിൽ നടന്ന ആക്രമണത്തിൽ മുപ്പത്തഞ്ചോളം ആളുകൾക്കാണ്​ പരിക്കേറ്റത്​.സംഭവത്തിൽ പൊലീസിനു നേരെ കുപ്പികളും കസേരകളും വലിച്ചെറിഞ്ഞ രണ്ട്​ പേരെ അറസ്​റ്റു ചെയ്​തിരുന്നു.