കളിയില്ലെങ്കിലും അമർജിത്​ സിങ്​ കിയാം​ ബിസിയാണ്​

ഇംഫാൽ: കളിയെല്ലാം മുടങ്ങി വീട്ടിലായപ്പോൾ, കുടുംബത്തിനൊപ്പം നെൽകൃഷിക്കിറങ്ങിയിരിക്കുകയാണ്​ ഇന്ത്യൻ അണ്ടർ 17 ലോകകപ്പ്​ ഫുട്​ബാൾ നായകനും സീനിയർ ടീം അംഗവുമായ അമർജിത്​ സിങ്​ കിയാം.

മണിപ്പൂരിലെ ഗ്രാമത്തിൽ കുടുംബത്തി​​െൻറ കൈവശമുള്ള വിശാലമായ വയലിൽ പിതാവിനും സഹോദരങ്ങൾക്കുമൊപ്പം നെൽപാടത്ത്​ ഞാറു നടുന്ന ചിത്രം ട്വിറ്ററിൽ അമർജിത്​ തന്നെ പ​ങ്കുവെക്കുകയായിരുന്നു. കുടുംബം പരമ്പരാഗത കർഷകരാണെങ്കിലും കുഞ്ഞുനാളിലെ പന്തിനു പിന്നാലെ ഒാടിത്തുടങ്ങിയ അമർജിത്തിന്​ ഇതൊന്നും പതിവില്ലായിരുന്നു.

ചെറുപ്പത്തിൽതന്നെ ഫുട്​ബാളി​െല നല്ലപാഠങ്ങൾ തേടി മഹാരാഷ്​ട്രയിലേക്കും ചണ്ഡിഗഢിലേക്കും പോയതിനാൽ കൃഷിയും വയലുമെല്ലാം അമർജിത്തിന്​ അന്യമായി. ഇപ്പോൾ അവന്​ കുടുംബ വേരുകളിലേക്കുള്ള തിരിച്ചുപോക്കാണ്​.