‘റോണോ ഇല്ലാതെ യുവൻറസ്​ ഇറങ്ങി’; റയലിനോട്​ തോറ്റു (3-1)

അന്താരാഷ്​ട്ര ചാമ്പ്യൻസ് കപ്പ് മത്സരത്തിൽ ഇറ്റാലിയൻ വമ്പന്മാരായ യുവൻറസിനെ റയൽ മാഡ്രിഡ്​ 3-1ന്​ തകർത്തു. റയൽ വിട്ട് ഈ സീസണിൽ യുവൻറസിലേക്ക്​ ചേക്കേറിയ ക്രിസ്റ്റ്യാനോ റൊണാൾഡോ ഇല്ലാതെ​ കളിക്കാനിറങ്ങിയ യുവൻറസിന്​ കളിയിൽ ആധിപത്യം പുലർത്താനായില്ല. യുവൻറസ്​ അടിച്ച ഏക ഗോൾ സെൽഫ്​ ഗോളിലൂടെയായിരുന്നു. മത്സരത്തിൽ ആദ്യം മുന്നിലെത്തിയതിന്​ ശേഷം മൂന്ന്​ ഗോളുകൾ വഴങ്ങിയാണ്​ ഇറ്റാലിയൻ വമ്പൻമാർ പരാജയം രുചിച്ചത്​.

Great Goal From Gareth Bale • Real Madrid v Juventus ([1]x1) pic.twitter.com/j8bpf2Cugs

— Football Goals (@_eurogoals) August 4, 2018

റയലിന്​ വേണ്ടി പകരക്കാരനായി ഇറങ്ങി മാർക്കോ അസൻസിയോ ഇരട്ട ഗോളുകൾ നേടി. ഗാരത് ബെയിൽ ഒരു ഗോളടിച്ചു. ഡാനി കർവാഹളി​​​െൻറ സെൽഫ് ഗോളിലൂടെ പന്ത്രണ്ടാം മിനിറ്റിൽ തന്നെ മുന്നിട്ട്​ നിന്ന യുവൻറസിന്​ 39ാം മിനിറ്റിൽ ഗാരത്​ ബെയിലിലൂടെ റയൽ മറുപടി നൽകി. 20 വാര അകലെ നിന്നായിരുന്നു ബെയിലി​​​െൻറ ബുള്ളറ്റ്​ ഷോട്ട്​. ചാമ്പ്യൻസ്​ ലീഗ്​ ഫൈനലിലെ ഗംഭീര പ്രകടനത്തിന്​ ​േശഷം ബെയിലി​​​െൻറ ​മനോഹരമായ ഗോളായിരുന്നു ഇന്നത്തേത്​.

പകരക്കാരനായെത്തിയ മാർക്കോ അസൻസിയോയിലൂടെ 47ാം മിനുറ്റിൽ റയൽ ലീഡ്​ ഉയർത്തി. വിനീഷ്യസ് ജൂനിയറും, അസൻസിയോയും ചേർന്നുള്ള മുന്നേറ്റത്തിനൊടുവിൽ അസെൻസിയോ വിദഗ്​ധമായി പന്ത്​ ഗോൾവലയിലെത്തിക്കുകയായിരുന്നു. 56ാം മിനിറ്റിൽ അസൻസിയോയുടെ വക റയലിന്​ മൂന്നാമത്തെ ഗോളും പിറന്നു. ലൂക്കാസ് വാസ്ക്വസി​​​െൻറ സഹായത്തോടെയായിരുന്നു ഗോൾ. മൂന്നാമത്തെ ഗോൾ വീണതോടെ റയൽ വിജയം ഉറപ്പിക്കുകയായിരുന്നു.

Great Team Work and Goal From Asensio  Real Madrid v Juventus ([2]x1) pic.twitter.com/izld7f5jov

— Football Goals (@_eurogoals) August 4, 2018