ദേ​ശീ​യ സീ​നി​യ​ർ വോ​ളി​ബാ​ൾ: കേരള വനിതകൾ സെമിയിൽ

കോ​ഴി​ക്കോ​ട്: പു​രു​ഷ-​വ​നി​ത വി​ഭാ​ഗ​ങ്ങ​ളി​ൽ ഹ​രി​യാ​ന​യെ കീ​ഴ​ട​ക്കി​യ കേ​ര​ളം ദേ​ശീ​യ സീ​നി​യ​ർ വോ​ളി​ബാ​ൾ ചാ​മ്പ്യ​ൻ​ഷി​പ്പി​​െൻറ സെ​മി ഫൈ​ന​ലി​ലേ​ക്ക് കു​തി​ച്ചു. പു​രു​ഷ​ന്മാ​രി​ൽ ക​ഷ്​​ടി​ച്ച് ര​ക്ഷ​പ്പെ​ട്ട ആ​തി​ഥേ​യ​ർ 30-32, 25-21, 25-18, 25-22 എ​ന്ന സ്കോ​റി​നാ​ണ് ക്വാ​ർ​ട്ട​ർ ക​ട​ന്ന​ത്. വ​നി​ത​ക​ൾ 25-16, 25-13, 25-14നു​മാ​ണ് ഹ​രി​യാ​ന​യെ മ​റി​ക​ട​ന്ന​ത്. പു​രു​ഷ​വി​ഭാ​ഗ​ത്തി​ൽ ആ​ന്ധ്ര​പ്ര​ദേ​ശി​നെ അ​ഞ്ച് സെ​റ്റ് നീ​ണ്ട പോ​രാ​ട്ട​ത്തി​ൽ തോ​ൽ​പി​ച്ച ത​മി​ഴ്നാ​ടാ​ണ്​ സെ​മി​യി​ലെ എ​തി​രാ​ളി. സ്​​കോ​ർ: 29-27, 22-25, 25-20, 23-25, 19-17.  പ​ഞ്ചാ​ബി​​െൻറ ക​ടു​ത്ത വെ​ല്ലു​വി​ളി അ​തി​ജീ​വി​ച്ച് സ​ർ​വി​സ​സും (25-22, 25-21, 23-25, 22-25, 15-13), കർണാടകയെ വീഴ്​ത്തി റെയിൽവേയും (25^17, 25^23, 25^18) സെമിയിൽ കടന്നു. വ​നി​ത​ക​ളി​ൽ ക​ർ​ണാ​ട​ക​യെ ത​ക​ർ​ത്ത് നി​ല​വി​ലെ ജേ​താ​ക്ക​ളാ​യ റെ​യി​ൽ​വേ​യും അ​വ​സാ​ന നാ​ലി​ലെ​ത്തി (25-13, 25-14, 25-16). തമിഴ്​നാട്​^തെലങ്കാനയെയാണ്​ തോൽപിച്ചത്​. 

വി​യ​ർ​ത്ത് പു​രു​ഷ​ന്മാ​ർ

കാ​ണി​ക​ളു​ടെ ച​ങ്കി​ൽ കു​ത്തു​ന്ന പ്ര​ക​ട​ന​മാ​യി​രു​ന്നു ആ​ദ്യ സെ​റ്റി​ൽ കേ​ര​ള​ത്തി​നെ​തി​രെ ഹ​രി​യാ​ന പു​റ​ത്തെ​ടു​ത്ത​ത്. ആ​തി​ഥേ​യ നാ​യ​ക​ൻ ജെ​റോം വി​നീ​തി​​െൻറ​യ​ട​ക്കം സ്മാ​ഷു​ക​ൾ ഹ​രി​യാ​ന​ക്കാ​ർ പി​ടി​ച്ചി​ട്ടു. സോ​ഹ​ൻ കു​മാ​റും സെ​റ്റ​ർ കൂ​ടി​യാ​യ ശു​ഭം സെ​യ്നി​യും പ്ര​തി​രോ​ധ കോ​ട്ട കെ​ട്ടി. കേ​ര​ള​നി​ര​യി​ൽ അ​ജി​ത്ത് ലാ​ൽ തൊ​ട്ട​തെ​ല്ലാം പൊ​ന്നാ​ക്കി​യെ​ങ്കി​ലും മ​റ്റ് താ​ര​ങ്ങ​ൾ നി​റം മ​ങ്ങി. ക്യാ​പ്റ്റ​നും മു​ൻ ഇ​ന്ത്യ​ൻ താ​ര​വു​മാ​യ സു​ബെ സി​ങ്ങി​​െൻറ ത​ന്ത്ര​ങ്ങ​ളും കേ​ര​ള​ത്തി​ന് വി​ന​യാ​യി. തു​ട​ക്കം​മു​ത​ൽ ലീ​ഡ് നേ​ടി​യ ഹ​രി​യാ​ന​യു​ടെ ശു​ഭം ചൗ​ധ​രി​യു​ടെ ഒാ​ൾ​റൗ​ണ്ട് പ്ര​ക​ട​ന​വും ശ്ര​ദ്ധേ​യ​മാ​യി. 7-7 മു​ത​ൽ ഒ​പ്പ​ത്തി​നൊ​പ്പം കു​തി​ച്ച പോ​രാ​ട്ടം 32- 30ന് ​ഹ​രി​യാ​ന​യു​ടെ കീ​ശ​യി​ലാ​യ​തോ​ടെ കാ​ണി​ക​ൾ നി​രാ​ശ​രാ​യി. 

ര​ണ്ടാം സെ​റ്റി​ലും താ​ളം ക​ണ്ടെ​ടു​ത്തി​ല്ലെ​ങ്കി​ലും ജ​യം ആ​തി​ഥേ​യ​ർ​ക്കൊ​പ്പ​മെ​ത്തി. അ​ജി​ത്ത് ലാ​ൽ ത​ന്നെ​യാ​യി​രു​ന്നു ര​ണ്ടാം സെ​റ്റി​ലും ഹീ​റോ. സ​െൻറ​ർ ബ്ലോ​ക്ക​ർ ജി.​എ​സ്. അ​ഖി​നും ജെ​റോ​മും പി​ന്നീ​ട് പ​തി​യെ ഫോ​മി​ലേ​ക്ക് തി​രി​ച്ചെ​ത്തി​യ​തോ​ടെ കെ. ​അ​ബ്​​ദു​ൽ നാ​സ​റി​​െൻറ ശി​ഷ്യ​ർ പി​ന്നീ​ടു​ള്ള സെ​റ്റു​ക​ളി​ൽ ത​ട്ടി​മു​ട്ടി വി​ജ​യ​തീ​ര​മ​ണി​ഞ്ഞു. ഒ​പ്പം ദേ​ശീ​യ ചാ​മ്പ്യ​ൻ​ഷി​പ്പി​ൽ മ​റ്റൊ​രു സെ​മി പ്ര​വേ​ശ​നം കൂ​ടി സാ​ധ്യ​മാ​യി.                                                                  
അ​നാ​യാ​സം പെ​ൺ​പ​ട
ദു​ർ​ബ​ല​രാ​യ ഹ​രി​യാ​ന​യെ എ​ളു​പ്പം കീ​ഴ​ട​ക്കി​യാ​യി​രു​ന്നു കേ​ര​ള വ​നി​ത​ക​ളു​ടെ കു​തി​പ്പ്. സെ​മി ഫൈ​ന​ലി​ന് മു​മ്പു​ള്ള പ​രി​ശീ​ല​ന മ​ത്സ​ര​ത്തി​ന് തു​ല്യ​മാ​യി​രു​ന്ന​തി​നാ​ൽ ബെ​ഞ്ചി​ലു​ള്ള താ​ര​ങ്ങ​ൾ​ക്കും കോ​ച്ച് സ​ണ്ണി ജോ​സ​ഫ് ഇ​ട​ക്കി​ടെ അ​വ​സ​രം ന​ൽ​കി. സ​െൻറ​ർ ബ്ലോ​ക്ക​ർ എ​സ്. സൂ​ര്യ​യാ​ണ് കേ​ര​ള​ത്തി​​െൻറ വി​ജ​യ​ത്തി​ൽ നി​ർ​ണാ​യ​ക​മാ​യ​ത്. അ​ഞ്ജു ബാ​ല​കൃ​ഷ്ണ​നും ക്യാ​പ്റ്റ​ൻ അ​ഞ്ജു മോ​ളും എ​സ്. രേ​ഖ​യും സെ​റ്റ​ർ കെ.​എ​സ്. ജി​നി​യും കേ​ര​ള​ത്തി​​െൻറ ക്വാ​ർ​ട്ട​റി​ലെ വി​ജ​യം എ​ളു​പ്പ​മാ​ക്കി. ക്യാ​പ്റ്റ​ൻ സോ​നം കു​മാ​രി​യാ​യി​രു​ന്നു ഹ​രി​യാ​ന കോ​ർ​ട്ടി​ൽ നി​റ​ഞ്ഞു​നി​ന്ന​ത്. വ​നി​ത​ക​ളി​ലെ നി​ല​വി​ലെ ജേ​താ​ക്ക​ളാ​യ റെ​യി​ൽ​വേ​ക്കും കാ​ര്യ​ങ്ങ​ൾ എ​ളു​പ്പ​മാ​യി​രു​ന്നു. മ​ല​യാ​ളി താ​ര​ങ്ങ​ളാ​യ മി​നി​മോ​ൾ അ​ബ്ര​ഹാ​മും എം.​എ​സ്. പൂ​ർ​ണി​മ​യും ദേ​വി​ക ദേ​വ​രാ​ജ​നും സീ​നി​യ​ർ താ​രം പ്രി​യ​ങ്ക ബോ​റ​യും ക​ർ​ണാ​ട​ക​ക്ക് ഭീ​ഷ​ണി​യാ​യി. പു​രു​ഷ​ന്മാ​രു​ടെ ആ​ദ്യ ക്വാ​ർ​ട്ട​റി​ൽ ത​മി​ഴ്നാ​ടി​നെ അ​യ​ൽ​ക്കാ​രാ​യ ആ​ന്ധ്ര​പ്ര​ദേ​ശ് വെ​ള്ളം കു​ടി​പ്പി​ച്ചാ​ണ് കീ​ഴ​ട​ങ്ങി​യ​ത്. പ​ഞ്ചാ​ബി​നെ​തി​രെ സ​ർ​വി​സ​സ് ഭ​ട​ന്മാ​ർ ആ​ദ്യ ര​ണ്ട് സെ​റ്റി​ൽ ക​ളി​യു​ടെ എ​ല്ലാ മേ​ഖ​ല​യി​ലും ക​രു​ത്തു​കാ​ട്ടി. പ​ങ്ക​ജ് ശ​ർ​മ​യും ഇ​ട​ൈ​ങ്ക​യ​ൻ അ​റ്റാ​ക്ക​ർ ന​വീ​ൻ​കു​മാ​റും കി​ര​ൺ രാ​ജു​മാ​യി​രു​ന്നു പ​ട്ടാ​ള​ക്കാ​രു​ടെ പ​ട ന​യി​ച്ച​ത്.