സാനിയ-ഹിംഗിസ് സഖ്യം സെമിയില്‍ 

സിംഗപ്പൂര്‍: ഡബ്ള്യൂ.ടി.എ ഫൈനല്‍സ് വനിതാ ഡബ്ള്‍സില്‍ ഇന്ത്യയുടെ സാനിയ മിര്‍സ-സ്വിറ്റ്സര്‍ലന്‍ഡിന്‍െറ മാര്‍ട്ടിന ഹിംഗിസ് സംഖ്യം സെമി ഫൈനലില്‍ കടന്നു. ചൈനീസ് തായ്പേയിയുടെ ഹോചിങ് ചാന്‍-യങ്ജാന്‍ ചാന്‍ സഖ്യത്തെ തോല്‍പിച്ചാണ് സെമിയിലിടം നേടിയത്. ടൈബ്രേക്കറിലേക്ക് നീങ്ങിയ പോരാട്ടത്തിനൊടുവിലായിരുന്നു ജയം. സ്കോര്‍ 7-6, 7-5. ടോപ് സീഡ് കരോലിന്‍ ഗാര്‍ഷ്യ-ക്രിസ്റ്റീന മ്ളാഡെനോവിച് സഖ്യവും ബെഥാനി മാറ്റെക്ക്-ലൂസി സഫറോവ സഖ്യവും തമ്മിലെ ക്വാര്‍ട്ടര്‍ മത്സര ജേതാക്കളായിരിക്കും സെമിയില്‍ എതിരാളി.