വിം​ബ്ൾ​ഡ​ൺ: സി​ന്ന​ർ, ഇ​ഗ ക്വാ​ർ​ട്ട​റി​ൽ

ല​ണ്ട​ൻ: വിം​ബ്ൾ​ഡ​ൺ ടെ​ന്നി​സി​ൽ ക്വാ​ർ​ട്ട​ർ ഫൈ​ന​ലി​ലേ​ക്ക് ക​ട​ന്നു​കൂ​ടി ഇ​റ്റാ​ലി​യ​ൻ സൂ​പ്പ​ർ താ​രം യാ​നി​ക് സി​ന്ന​ർ. സിം​ഗ്ൾ​സ് പ്രീ​ക്വാ​ർ​ട്ട​റി​ൽ ബ​ൾ​ഗേ​റി​യ​യു​ടെ ഗ്രി​ഗോ​ർ ദി​മി​ത്രോ​വി​നെ​തി​രെ സി​ന്ന​റി​ന് ആ​ദ്യ ര​ണ്ട് സെ​റ്റ് ന​ഷ്ട​മാ​യ ശേ​ഷം എ​തി​രാ​ളി പ​രി​ക്കു​മൂ​ലം പി​ന്മാ​റു​ക​യാ​യി​രു​ന്നു. 3-6, 5-7, 2-2 സ്കോ​റി​ൽ സി​ന്ന​ർ പി​റ​കി​ൽ​നി​ൽ​ക്കെ​യാ​ണ് ബൈ ​ല​ഭി​ച്ച​ത്.

യു.​എ​സി​ന്റെ ബെ​ൻ ഷെ​ൽ​ട്ട​ൺ 3-6, 6-1, 7-6(1), 7-5ന് ​ഇ​റ്റ​ലി​യു​ടെ ലോ​റ​ൻ​സോ സൊ​നേ​ഗോ​യെ തോ​ൽ​പി​ച്ച് ക്വാ​ർ​ട്ട​റി​ലെ​ത്തി. ബു​ധ​നാ​ഴ്ച​ത്തെ ക്വാ​ർ​ട്ട​റി​ലെ സി​ന്ന​റി​നെ ഷെ​ൽ​ട്ട​ണും മ​റ്റൊ​രു ഇ​റ്റ​ലി​ക്കാ​ര​ൻ ഫ്ലാ​വി​യോ കൊ​ബോ​ളി​യെ സെ​ർ​ബി​യ​ൻ ഇ​തി​ഹാ​സം നൊ​വാ​ക് ദ്യോ​കോ​വി​ചും നേ​രി​ടും. അ​തേ​സ​മ​യം, വ​നി​ത​ക​ളി​ൽ മു​ൻ ലോ​ക ഒ​ന്നാം ന​മ്പ​ർ പോ​ള​ണ്ടി​ന്റെ ഇ​ഗ സ്വി​യാ​റ്റ​ക് 6-4, 6-1ന് ​ഡെ​ന്മാ​ർ​ക്കി​ന്റെ ക്ലാ​ര ടൗ​സ​നെ​യും റ​ഷ്യ​ക്കാ​രി മി​റ ആ​ൻ​ഡ്രീ​വ 6-2, 6-3ന് ​യു.​എ​സി​ന്റെ എ​മ്മ ന​വാ​റോ​യെ​യും പ​രാ​ജ​യ​പ്പെ​ടു​ത്തി അ​വ​സാ​ന എ​ട്ടി​ൽ ഇ​ടം​പി​ടി​ച്ചു.

റ​ഷ്യ​യു​ടെ ല്യൂ​ഡ്മി​ല സാം​സ​നോ​വ സ്പെ​യി​നി​ന്റെ ജെ​സീ​ക ബൗ​സാ​സി​നെ 7-5, 7-5നും ​സ്വി​റ്റ്സ​ർ​ല​ൻ​ഡി​ന്റെ ബെ​ലി​ൻ​ഡ ബെ​ൻ​സി​ക് 7-6 (4), 6-4 ന് ​എ​കാ​ത​റി​ന അ​ല​ക്സാ​ൻ​ഡ്രോ​വ​യെ​യും തോ​ൽ​പി​ച്ച് ക്വാ​ർ​ട്ട​റി​ലെ​ത്തി.

ഇ​ന്ന് സ്വി​യാ​റ്റ​ക്കി​നെ സാം​സ​നോ​വ​യും ആ​ൻ​ഡ്രീ​വ​യെ ബെ​ൻ​സി​കും നേ​രി​ടും.