വളര്‍ച്ചശേഷിയുള്ള കൃത്രിമ കോശസ്തരം നിര്‍മിച്ച് ഇന്ത്യന്‍ വംശജന്‍

വാഷിങ്ടണ്‍: ജീവനുള്ള കോശങ്ങളെപ്പോലെ വളരാന്‍ ശേഷിയുള്ള കൃത്രിമ കോശസ്തരങ്ങള്‍ വികസിപ്പിച്ചെടുത്തു.  ഇന്ത്യന്‍ വംശജനായ ഗവേഷകന്‍ നീല്‍ ദേവരാജിന്‍െറ  നേതൃത്വത്തില്‍ സാന്‍ഡിയാഗോയിലെ കാലിഫോര്‍ണിയ സര്‍വകലാശാലയിലെ ഗവേഷകരാണ് ജീവനുള്ള കോശത്തെപ്പോലെ വളര്‍ച്ചയുള്ള കൃത്രിമ കോശസ്തരം വികസിപ്പിച്ചത്. ജീവനുള്ള കോശസ്തരങ്ങളുടെ സ്വഭാവമുള്ള കൃത്രിമ കോശങ്ങള്‍ സൃഷ്ടിക്കാന്‍ പുതിയ കണ്ടത്തെല്‍ സഹായകമാവുമെന്നാണ് ശാസ്ത്രജ്ഞര്‍ വിലയിരുത്തുന്നത്.