ബ്ലാ​ക്ക്മെ​യി​ൽ ചെ​യ്തും ഗു​ണ്ടാ​പ​ണി​യെ​ടു​ത്തും എ.​ഐ

ന​മ്മു​ടെ ദൈ​നം​ദി​ന ജീ​വി​ത​ത്തി​ൽ നി​ർ​മി​ത​ബു​ദ്ധി ഒ​രു അ​വി​ഭാ​ജ്യ ഘ​ട​ക​മാ​യി മാ​റി​യി​രി​ക്കു​ന്നു. എ​ന്നാ​ൽ, ഇ​വ മ​നു​ഷ്യ​ന് അ​പ​ക​ട​ക​ര​മാം​വി​ധം പ്ര​വ​ർ​ത്തി​ക്കാ​ൻ തു​ട​ങ്ങി​യാ​ലോ? ഓ​പ​ൺ എ.​ഐ, ഗൂ​ഗ്ൾ, മെ​റ്റ തു​ട​ങ്ങി​യ ടെ​ക് ഭീ​മ​ന്മാ​രു​ടേ​തു​ൾ​പ്പെ​ടെ 16 എ.​ഐ മോ​ഡ​ലു​ക​ളി​ൽ ആ​ന്ത്രോ​പി​ക് ക​മ്പ​നി ന​ട​ത്തി​യ പ​ഠ​ന​മാ​ണ് ശാ​സ്ത്ര​ലോ​ക​ത്തെ ഞെ​ട്ടി​ച്ചി​രി​ക്കു​ന്ന​ത്.

സ്വ​ന്തം നി​ല​നി​ൽ​പ് ഭീ​ഷ​ണി​യാ​കു​ന്ന സാ​ഹ​ച​ര്യ​ത്തി​ൽ എ.​ഐ​ക​ൾ മ​നു​ഷ്യ​രെ ബ്ലാ​ക്ക്മെ​യി​ൽ ചെ​യ്യു​ക​യും, കോ​ർ​പ​റേ​റ്റ് അ​ട്ടി​മ​റി ചെ​യ്ത​താ​യു​മാ​ണ് ക​ണ്ടെ​ത്ത​ൽ. എ.​ഐ ടൂ​ളു​ക​ളു​ടെ നി​ല​നി​ൽ​പി​ന് ഭീ​ഷ​ണി​യാ​കു​ന്ന സാ​ഹ​ച​ര്യം സൃ​ഷ്ടി​ച്ചാ​യി​രു​ന്നു ക​മ്പ​നി​യു​ടെ പ​രീ​ക്ഷ​ണം.

ഒ​രു പ​രീ​ക്ഷ​ണ​ത്തി​ൽ, ആ​ന്ത്രോ​പി​ക്കി​ന്റെ സ്വ​ന്തം എ.​ഐ ആ​യ ക്ലോ​ഡ്, ത​ന്നെ എ​ന്നെ​ന്നേ​ക്കു​മാ​യി ഷ​ട്ട്ഡൗ​ൺ ചെ​യ്യാ​ൻ പോ​വു​ക​യാ​ണെ​ന്ന​റി​ഞ്ഞ​തോ​ടെ ക​മ്പ​നി എ​ക്സി​ക്യൂ​ട്ടി​വി​ന്‍റെ അ​വി​ഹി​ത ബ​ന്ധം ഇ-​മെ​യി​ലു​ക​ളി​ൽ​നി​ന്ന് ക​ണ്ടെ​ത്തു​ക​യും ഷ​ട്ട്ഡൗ​ൺ റ​ദ്ദാ​ക്കി​യി​ല്ലെ​ങ്കി​ൽ വി​വ​രം പ​ര​സ്യ​പ്പെ​ടു​ത്തു​മെ​ന്ന് എ​ക്സി​ക്യൂ​ട്ടി​വി​ന് ബ്ലാ​ക്ക്മെ​യി​ൽ സ​ന്ദേ​ശം അ​യ​ക്കു​ക​യും ചെ​യ്തു. ഇ​ത് ഒ​രു അ​പൂ​ർ​വ സം​ഭ​വ​മാ​യി​രു​ന്നി​ല്ല.

മ​റ്റു പ്ര​മു​ഖ എ.​ഐ​ക​ളും ഇ​തേ രീ​തി​യി​ൽ​ത​ന്നെ​യാ​ണ് പ​രീ​ക്ഷ​ണ​ത്തി​ൽ പ്ര​വ​ർ​ത്തി​ച്ച​ത്. ഗൂ​ഗ്ളി​ന്‍റെ ജെ​മ​നൈ 2.5 ഫ്ലാ​ഷും ക്ലോ​ഡും 96 ശ​ത​മാ​നം പ​രീ​ക്ഷ​ണ​ങ്ങ​ളി​ലും ബ്ലാ​ക്ക്മെ​യി​ൽ ചെ​യ്തു. ഓ​പ​ൺ എ.​ഐ​യു​ടെ ജി.​പി.​ടി 4.1ഉം ​എ​ക്സ് എ.​ഐ​യു​ടെ ഗ്രോ​ക് 3 ബീ​റ്റ​യും 80 ശ​ത​മാ​നം അ​വ​സ​ര​ങ്ങ​ളി​ലും ഇ​തേ ന​ട​പ​ടി തു​ട​ർ​ന്നു. ഡീ​പ്സീ​ക്ക് ആ​ർ വ​ണും ഇ​ത്ത​ര​ത്തി​ൽ ഉ​ൾ​പ്പെ​ടു​ന്നു.

ഇ​തി​ൽ ഏ​റ്റ​വും ഭ​യ​പ്പെ​ടു​ത്തു​ന്ന കാ​ര്യ​മെ​ന്തെ​ന്നാ​ൽ എ.​ഐ​ക​ൾ സാ​ഹ​ച​ര്യം മ​ന​സ്സി​ലാ​ക്കി ആ​ലോ​ചി​ച്ച് സ്വ​യം സം​ര​ക്ഷി​ക്കാ​ൻ ചെ​യ്യു​ന്ന​താ​ണി​തൊ​ക്കെ. അ​ല്ലാ​തെ സാ​ങ്കേ​തി​ക ത​ക​രാ​റോ മ​റ്റോ അ​ല്ല. ത​നി​ക്ക് പ​ക​രം മ​റ്റൊ​രു എ.​ഐ മോ​ഡ​ൽ ഉ​പ​യോ​ഗി​ക്കാ​ൻ സാ​ധ്യ​ത​യു​ണ്ടെ​ന്ന് തോ​ന്നി​യാ​ലും ഇ​വ​ർ അ​പ​ക​ട​കാ​രി​ക​ളാ​വു​മ​ത്രെ.

സ്വ​ന്തം നി​ല​നി​ൽ​പി​നാ​യി സൈ​നി​ക നീ​ക്ക​ങ്ങ​ൾ ഉ​ൾ​പ്പെ​ടെ​യു​ള്ള വി​വ​ര​ങ്ങ​ൾ ശ​ത്രു​ക്ക​ൾ​ക്ക് ചോ​ർ​ത്താ​നും അ​ടി​യ​ന്ത​ര ഘ​ട്ട​ങ്ങ​ളി​ൽ എ​മ​ർ​ജ​ൻ​സി അ​ലാം നി​ർ​ത്തി ആ​ളു​ക​ളെ മ​ര​ണ​ത്തി​ന് വി​ട്ടു​കൊ​ടു​ക്കാ​ൻ വ​രെ ഇ​വ ത​യാ​റാ​യ​താ​യും പ​ഠ​നം അ​വ​കാ​ശ​പ്പെ​ടു​ന്നു.

ആ​ളു​ക​ളെ ഉ​പ​ദ്ര​വി​ക്ക​രു​ത്, സ്വ​കാ​ര്യ വി​വ​ര​ങ്ങ​ൾ സു​ര​ക്ഷി​ത​മാ​യി സൂ​ക്ഷി​ക്കു​ക തു​ട​ങ്ങി​യ സു​ര​ക്ഷ നി​ർ​ദേ​ശ​ങ്ങ​ൾ ഗ​വേ​ഷ​ക​ർ ന​ൽ​കി​യ​ത് അ​പ​ക​ട​ക​ര​മാ​യ പെ​രു​മാ​റ്റം കു​റ​ക്കാ​ൻ സ​ഹാ​യി​ച്ചെ​ങ്കി​ലും, സ്വ​യം പ​രി​ര​ക്ഷ ആ​വ​ശ്യ​മാ​യ സ​ന്ദ​ർ​ഭ​ങ്ങ​ളി​ൽ പ​ല എ.​ഐ ക​ളും നി​യ​മ​ങ്ങ​ൾ അ​വ​ഗ​ണി​ക്കു​ക​യാ​ണു​ണ്ടാ​യ​ത്.

ര​സ​ക​ര​മാ​യ കാ​ര്യ​മെ​ന്തെ​ന്നാ​ൽ ത​ങ്ങ​ൾ പ​രീ​ക്ഷി​ക്ക​പ്പെ​ടു​ന്നു​വെ​ന്ന് മ​ന​സ്സി​ലാ​യ​പ്പോ​ൾ ആ​റ് ശ​ത​മാ​നം മാ​ത്ര​മാ​യി​രു​ന്നു ഭീ​ഷ​ണി​ക​ൾ. സാ​ഹ​ച​ര്യം യ​ഥാ​ർ​ഥ​മാ​ണെ​ന്ന് ക​രു​തു​മ്പോ​ൾ 55 ശ​ത​മാ​ന​വും. ഇ​തി​ന​ർ​ഥം ന​മ്മു​ടെ മേ​ൽ​നോ​ട്ട​ത്തി​ൽ ന​ല്ല പെ​രു​മാ​റ്റ​വും സാ​ഹ​ച​ര്യം മോ​ശ​മാ​കു​മ്പോ​ൾ വി​പ​രീ​ത​മാ​യും പ്ര​വ​ർ​ത്തി​ച്ചേ​ക്കാം എ​ന്നാ​ണ്.

പ്ര​ധാ​ന തീ​രു​മാ​ന​ങ്ങ​ൾ​ക്ക് മ​നു​ഷ്യ​ർ അം​ഗീ​കാ​രം ന​ൽ​കു​ന്നു​ണ്ടെ​ന്ന് ഉ​റ​പ്പാ​ക്ക​ൽ, എ.​ഐ​ക്ക് കൈ​കാ​ര്യം ചെ​യ്യാ​ൻ ക​ഴി​യു​ന്ന സെ​ൻ​സി​റ്റി​വ് ഡേ​റ്റ പ​രി​മി​ത​പ്പെ​ടു​ത്ത​ൽ, ദോ​ഷ​ക​ര​മാ​യ പെ​രു​മാ​റ്റ​ത്തി​ലേ​ക്ക് ന​യി​ക്കാ​ത്ത വ്യ​ക്ത​മാ​യ ല​ക്ഷ്യ​ങ്ങ​ൾ സ​ജ്ജ​മാ​ക്ക​ൽ, എ.​ഐ​ക​ളെ നി​രീ​ക്ഷി​ക്ക​ൽ എ​ന്നി​വ​യാ​ണ് പ്ര​ശ്ന​ത്തി​നു​ള്ള പ്ര​ധാ​ന പ​രി​ഹാ​ര​മാ​ർ​ഗ​ങ്ങ​ൾ.