കടലുണ്ടി പക്ഷി സങ്കേതം

മലപ്പുറം ജില്ലയില്‍ കടലുണ്ടി പുഴ അറബിക്കടലിനോട് ചേരുന്നിടത്തുള്ള മനോഹരമായ ചെറു ദ്വീപുകളിലാണ് ഈ പക്ഷി സങ്കേതം. ബോട്ടില്‍ ദ്വീപുകള്‍ക്ക് സമീപം സഞ്ചരിച്ച് പക്ഷികളെ നിരീക്ഷിക്കാം. നീലപൊന്‍മാന്‍, മലബാര്‍ മലമുഴക്കി വേഴാമ്പല്‍ തുടങ്ങി ഒട്ടനവധി പക്ഷികളെ ഈ സങ്കേതത്തില്‍ കാണാനാകും.

60 തരം ദേശാടന പക്ഷികളടക്കം നൂറില്‍പരം പക്ഷി ഇനങ്ങളെ ഇവിടെ കണ്ടെത്തിയിട്ടുണ്ട്. ഒക്‌ടോബര്‍-മാര്‍ച്ച് മാസങ്ങളാണ് സന്ദര്‍ശനത്തിന് ഏറ്റവും അനുയോജ്യം.

ബേപൂരില്‍ നിന്നും 7 കി.മീ
റെയില്‍വേ സ്‌റ്റേഷന്‍: കോഴിക്കോട് റെയില്‍വേ സ്‌റ്റേഷനില്‍ നിന്നും 19 കി.മീ.
വിമാനത്താവളം: കരിപ്പൂര്‍ അന്താരാഷ്ട്ര വിമാനത്താവളം. 20 കി.മീ.