ആമപ്പാറ; മലമുകളിലെ വിസ്മയക്കാഴ്ച

നെ​ടു​ങ്ക​ണ്ടം: മ​ല​മു​ക​ളി​ല്‍ വി​സ്മ​യ​ക്കാ​ഴ്ച​ക​ള്‍ ആ​സ്വ​ദി​ക്കാ​ന്‍ ആ​മ​പ്പാ​റ സ​ഞ്ചാ​രി​ക​ളെ മാ​ടി​വി​ളി​ക്കു​ന്നു. കേ​ര​ള-​ത​മി​ഴ്‌​നാ​ട് അ​തി​ര്‍ത്തി മേ​ഖ​ല​യാ​യ ആ​മ​പ്പാ​റ​യി​ലെ​ത്തി​യാ​ല്‍ ക​ണ്ണി​ന് കു​ളി​ര്‍മ​യേ​കു​ന്ന വി​ശേ​ഷ​ങ്ങ​ള്‍ ഏ​റെ​യാ​ണ്.

ഇ​ടു​ക്കി​യി​ലെ ഏ​റ്റ​വും മ​നോ​ഹ​ര​മാ​യ ട്ര​ക്കി​ങ്​ പോ​യ​ന്റാ​യ രാ​മ​ക്ക​ല്‍മേ​ട് ആ​മ​പ്പാ​റ​യു​ടെ വി​ശേ​ഷം പ​റ​ഞ്ഞ​റിയിക്കാ​നാ​വാ​ത്ത​താ​ണ്. സ​ഹ്യ​ന്റെ അ​വി​സ്മ​ര​ണീ​യ കാ​ഴ്ച​ക​ള്‍ ആ​സ്വ​ദി​ച്ചു​ള്ള യാ​ത്ര സ​ഞ്ചാ​രി​ക​ള്‍ക്ക് ഒ​രി​ക്ക​ലും മ​റ​ക്കാ​നാ​വാ​ത്ത മ​നോ​ഹ​ര നി​മി​ഷ​ങ്ങ​ളാ​ണ് സ​മ്മാ​നി​ക്കു​ന്ന​ത്. സ​ഞ്ചാ​രി​ക​ളു​ടെ മ​ന​സ്സി​ല്‍നി​ന്ന് ഒ​രി​ക്ക​ലും മാ​യ്​​ക്കാ​നാ​വാ​ത്ത​താ​ണ് ഇ​വി​ടേ​ക്കു​ള്ള ജീ​പ്പ് സ​ഫാ​രി​യും ട്ര​ക്കി​ങ്ങും. ആ​മ​യോ​ട് സാ​ദൃ​ശ്യ​മു​ള്ള പാ​റ​യി​ല്‍നി​ന്നാ​ണ് ആ​മ​പ്പാ​റ എ​ന്ന പേ​ര് മ​ല​നി​ര​ക​ള്‍ക്ക് ല​ഭ്യ​മാ​യ​ത്. അ​തു​കൊ​ണ്ടു​ത​ന്നെ . കൂ​റ്റ​ന്‍ ആ​മ​യു​ടെ ഒ​രു പ്ര​തി​മ​യും ഇ​വി​ടെ ഒ​രു​ക്കി​യി​ട്ടു​ണ്ട്. പാ​റ​ക​ള്‍ക്കി​ട​യി​ലൂ​ടെ സാ​ഹ​സി​ക​മാ​യി സ​ഞ്ചാ​രി​ക​ള്‍ക്ക് മ​റു​പു​റം ക​ട​ക്കാം. രാ​മ​ക്ക​ല്‍മേ​ട്ടി​ല്‍ എ​ത്തു​ന്ന സ​ഞ്ചാ​രി​ക​ള്‍ ഗ്രാ​മീ​ണ പാ​ത​യി​ലൂ​ടെ ജീ​പ്പി​ലാ​ണ് ആ​മ​പ്പാ​റ​യി​ലെ​ത്തു​ക. ന​ട​ന്ന് മ​ല​ക​യ​റു​ന്ന​വ​രു​മു​ണ്ട്.

മ​ല​മു​ക​ളി​ല്‍ എ​ത്തി​യാ​ല്‍, ത​മി​ഴ്നാ​ട് അ​തി​ര്‍ത്തി മേ​ഖ​ല​ക​ളി​ലേ​ക്ക് ട്ര​ക്കി​ങ്, സ​ഹ്യ​പ​ര്‍വ​ത നി​ര​യി​ലെ കാ​ര്‍ഷി​ക സ​മൃ​ദ്ധി​യു​ടെ വി​ശാ​ല​മാ​യ കാ​ഴ്ച ഇ​വി​ടെ നി​ന്ന്​ ല​ഭ്യ​മാ​കും. ഒ​പ്പം രാ​മ​ക്ക​ല്ലും കാ​റ്റാ​ടി​പ്പാ​ട​ങ്ങ​ളും സോ​ളാ​ര്‍ പാ​ട​വു​മെ​ല്ലാം ആ​സ്വ​ദി​ക്കാം. വ​ര്‍ഷം മു​ഴു​വ​ന്‍ ശ​ക്ത​മാ​യ കാ​റ്റ് ല​ഭി​ക്കു​ന്ന​തും സൂ​ര്യ​പ്ര​കാ​ശം ശ​ക്ത​മാ​യി ല​ഭി​ക്കു​ന്ന​തു​മാ​യ വി​ശാ​ല​മാ​യ പു​ല്‍മേ​ടു​ക​ളോ​ട് കൂ​ടി​യ സ്ഥ​ല​മാ​ണ് ആ​മ​പ്പാ​റ. നൂ​റു​ക​ണ​ക്കി​ന് സ​ഞ്ചാ​രി​ക​ളാ​ണ് ദി​നേ​ന ആ​മ​പ്പാ​റ​യി​ല്‍ എ​ത്തി​ച്ചേ​രു​ന്ന​ത്.