വീ​ണ്ടും ഒ​രു ഖ​രീ​ഫ്; സ​ലാ​ല​യി​ൽ ഇ​നി ഉ​ത്സ​വ​കാ​ലം...

സ​ലാ​ല: ഖ​രീ​ഫ് അ​ഥ​വാ മ​ൺ​സൂ​ൺ​കാ​ല മ​ഴ​ക്ക് തു​ട​ക്ക​മാ​യി. ദോ​ഫാ​ർ പ​ർ​വ​ത​നി​ര​ക​ളി​ലൂ​ടെ ഒ​ഴു​കി​യെ​ത്തി​യ കോ​ട​മ​ഞ്ഞ് ചെ​റു​ചാ​റ്റ​ൽ മ​ഴ​യാ​യി സ​ലാ​ല​യു​ടെ താ​ഴ്വാ​ര​ങ്ങ​ളി​ലും പെ​യ്തു തു​ട​ങ്ങി... ക​ഴി​ഞ്ഞു​പോ​യ ക​ടു​ത്ത വേ​ന​ലി​ൽ ക​രി​ഞ്ഞു​ണ​ങ്ങി​യ മ​ല​യോ​ര​ങ്ങ​ളും കു​ന്നു​ക​ളും ജ​ല​ധാ​ര​ക​ളും ജീ​വ​ൻ​വെ​ച്ച് തു​ട​ങ്ങി​യി​രി​ക്കു​ന്നു.

ദോ​ഫാ​റി​ലെ മൊ​ട്ട​ക്കു​ന്നു​ക​ളെ​ല്ലാം ഇ​നി ഹ​രി​ത​വ​ർ​ണ മ​ണി​ഞ്ഞ് മൂ​ന്നാ​റി​നെ​ക്കാ​ൾ സു​ന്ദ​ര​മാ​കും. മ​ര​ങ്ങ​ളി​ലും സ​സ്യ​ങ്ങ​ളി​ലും പു​തു​നാ​മ്പു​ക​ൾ ത​ളി​രി​ടും. ദോ​ഫാ​റി​ലെ മേ​ഘ​വ​ന​ങ്ങ​ൾ അ​ഥ​വാ ക്ലൗ​ഡ് ഫോ​റ​സ്റ്റ് ഖ​രീ​ഫ് കാ​ല​ത്തെ അ​ത്യാ​ക​ർ​ഷ​ക ക​ഴ്ചാ​നു​ഭ​വ​മാ​യി​രി​ക്കും. ഒ​ട്ട​നേ​കം അ​രു​വി​ക​ളും ചെ​റു​വെ​ള്ള​ച്ചാ​ട്ട​ങ്ങ​ളും കൊ​ണ്ട് സ​മ്പ​ന്ന​മാ​ണ് ദോ​ഫോ​ർ. ഖ​രീ​ഫ് കാ​ല​ത്ത് രൂ​പ​പ്പെ​ടു​ന്ന​വ​യാ​ണ് ഇ​വ​യി​ലേ​റെ​യും.

ഖ​രീ​ഫ് ഫെ​സ്റ്റി​വ​ൽ ന​ട​ക്കു​ന്ന വേ​ദി​ക​ളും ത​യാ​റാ​യി​ക്ക​ഴി​ഞ്ഞു. വി​വി​ധ ഇ​ട​ങ്ങ​ളി​ൽ ഫെ​സ്റ്റി​വ​ൽ അ​നു​ബ​ന്ധ പ​രി​പാ​ടി​ക​ൾ ന​ട​ക്കു​ന്നു​ണ്ടെ​ങ്കി​ലും പ്ര​ധാ​ന​വേ​ദി സ​ലാ​ല എ​യ​ർ​പോ​ർ​ട്ടി​ന്റെ സ​മീ​പ​ത്ത് സ്ഥി​തി ചെ​യ്യു​ന്ന ഇ​ത്തീ​ൻ സ്ക്വ​യ​റാ​ണ്. വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള ക​ലാ​കാ​ര​ന്മാ​രു​ടെ വ്യ​ത്യ​സ്ത ക​ലാ​പ്ര​ക​ട​ന​ങ്ങ​ൾ​ക്ക് ഇ​വി​ടം വേ​ദി​യാ​കും. വേ​ന​ൽ മാ​റി മ​ഴ തു​ട​ങ്ങി​യ​തോ​ടെ സ​ലാ​ല​യി​ലെ സ്വ​ദേ​ശി​ക​ളും പ്ര​വാ​സി​ക​ളു​മാ​യ മ​നു​ഷ്യ​രു​ടെ മ​ന​സ്സു​ക​ളി​ലും പു​തു​സ​ന്തോ​ഷം ത​ളി​രി​ട്ടു​തു​ട​ങ്ങി.

ക​ച്ച​വ​ട​ക്കാ​രും കെ​ട്ടി​ട​ങ്ങ​ളും വാ​ഹ​ന​ങ്ങ​ളും വാ​ട​ക​ക്ക് ന​ൽ​കു​ന്ന​വ​രും ഭ​ക്ഷ​ണ വി​ൽ​പ​ന​ശാ​ല​ക​ളും ഏ​റെ പ്ര​തീ​ക്ഷ​യോ​ടെ​യാ​ണ് ഖ​രീ​ഫി​നെ വ​ര​വേ​ൽ​ക്കു​ന്ന​ത്. ഒ​മാ​ന്റെ ഇ​ത​ര പ്ര​ദേ​ശ​ങ്ങ​ളി​ൽ​നി​ന്നും മ​റ്റു ജി.​സി.​സി രാ​ജ്യ​ങ്ങ​ളി​ൽ നി​ന്നു​മു​ള്ള സ​ഞ്ചാ​രി​ക​ളു​ടെ വ​ര​വ് തു​ട​ങ്ങി​ക്ക​ഴി​ഞ്ഞു. വ​രും ദി​വ​സ​ങ്ങ​ളി​ൽ ധാ​രാ​ളം സ​ന്ദ​ർ​ശ​ക​ർ സ​ലാ​ല​യി​ൽ എ​ത്തി​ച്ചേ​രു​മെ​ന്ന് പ്ര​തീ​ക്ഷി​ക്ക​പ്പെ​ടു​ന്നു.