എഴുത്തുകുത്ത്

ഈ ​ബാ​ല​കൃ​ഷ്ണ​ന​ല്ല ആ ​ബാ​ല​കൃ​ഷ്ണ​ൻ!

ആഴ്​ചപ്പതിപ്പിൽ ‘സം​ഗീ​ത​യാ​ത്ര​ക​ളി​’ൽ (ലക്കം: 1412) ‘ക​ല്യാ​ണ​പ്പ​ന്ത​ൽ’ എ​ന്ന സി​നി​മ​യി​ലെ പാ​ട്ടു​ക​ളെ കു​റി​ച്ചു പ​റ​ഞ്ഞ​പ്പോ​ൾ അ​നു​ബ​ന്ധ​മാ​യി ചേ​ർ​ത്ത​ ചി​ത്ര​ങ്ങ​ളി​ൽ ഡോ​. ബാ​ല​കൃ​ഷ്ണ​ന്റെ പ​ട​മാ​ണെ​ന്ന് ക​രു​തി സം​ഗീ​ത​ സം​വി​ധാ​യ​ക​ൻ എ​സ്. ബാ​ല​കൃ​ഷ്ണ​ന്റെ ചി​ത്ര​മാ​ണ് പ്ര​സി​ദ്ധീ​ക​രി​ച്ച​തെന്ന് സൂ​ചി​പ്പി​ക്ക​ട്ടെ. ഹ​രി​ഹ​ര​ൻ, സ​ത്യ​ൻ​ അ​ന്തി​ക്കാ​ട്, പി. ​ച​ന്ദ്ര​കു​മാ​ർ, ബാ​ലു​ കി​രി​യ​ത്ത് തു​ട​ങ്ങി 70ക​ളു​ടെ ആ​ദ്യ​ പ​കു​തി മു​ത​ൽ ഏ​റെ​ക്കാ​ലം സം​വി​ധാ​ന​രം​ഗ​ത്ത് നി​റ​ഞ്ഞുനി​ന്ന​വ​ർ​ക്ക് സി​നി​മ​യു​ടെ ബാ​ല​പാ​ഠം പ​ഠി​പ്പി​ച്ച ബ​ഹു​മു​ഖ​ പ്ര​തി​ഭ​യാ​യി​രു​ന്നു ഡോ. ബാ​ല​കൃ​ഷ്ണ​ൻ. ‘ലേ​ഡീ​സ് ഹോ​സ്റ്റ​ൽ’, ‘സി​ന്ദൂ​രം’ തു​ട​ങ്ങി ​നി​ര​വ​ധി ചി​ത്ര​ങ്ങ​ളു​ടെ തി​ര​ക്ക​ഥാ​കൃ​ത്താ​യും ‘ല​വ് ലെ​റ്റ​ർ’, ‘രാ​ജ​പ​ര​മ്പ​ര’ എ​ന്നി​ങ്ങ​നെ​യു​ള്ള ച​ല​ച്ചി​ത്ര​ങ്ങ​ൾ സം​വി​ധാ​നം ചെ​യ്തും ‘‘ബി​ന്ദൂ നീ ​ആ​ന​ന്ദ​ബി​ന്ദൂ...’’ അ​ട​ക്ക​മു​ള്ള സു​ന്ദ​ര​ഗാ​ന​ങ്ങ​ൾ ര​ചി​ച്ചി​ട്ടു​മു​ള്ള ഡോ​. ​ബാ​ല​കൃ​ഷ്ണ​ന് ദീ​ർ​ഘ​കാ​ല​ത്തി​നുശേ​ഷം അ​രു​മ​ ശി​ഷ്യ​ൻ ഹ​രി​ഹ​ര​ൻ ഒ​രു തി​ര​ക്ക​ഥ​കൂ​ടി എ​ഴു​താ​ൻ അ​വ​സ​രം കൊ​ടു​ത്തി​രു​ന്നു –കു​ഞ്ചാ​ക്കോ​ ബോ​ബ​ൻ-ശാ​ലി​നി കൂ​ട്ടു​കെ​ട്ടി​ൽ പി​റ​ന്ന ‘പ്രേം​പൂ​ജാ​രി’.

സി​ദ്ദി​ഖ്ലാ​ൽ അ​വ​ത​രി​പ്പി​ച്ച സം​ഗീ​ത​ സം​വി​ധാ​യ​ക​ൻ എ​സ്. ബാ​ല​കൃ​ഷ്ണ​ന് കു​റ​ച്ച് പ​ട​ങ്ങ​ൾ​ക്കേ ഈ​ണ​മൊ​രു​ക്കാ​ൻ അ​വ​സ​രം​ ല​ഭി​ച്ച​ുള്ളൂവെ​ങ്കി​ലും ‘റാം​ജി​റാ​വ് സ്പീക്കിങ്ങി’​ൽ തു​ട​ങ്ങി ‘ഗോ​ഡ്ഫാ​ദ​ർ’, ‘ഇ​ൻ​ഹ​രി​ഹ​ർ ന​ഗ​ർ’, സി​ദ്ദീ​ഖ് ഷമീ​ർ സം​വി​ധാ​നംചെ​യ്ത ‘മ​ഴ​വി​ൽ​കൂ​ടാ​രം’, ‘ഇ​ഷ്ട​മാ​ണ് നൂ​റു​വ​ട്ടം’ തു​ട​ങ്ങി​യ ചി​ത്ര​ങ്ങ​ളി​ലെ​ല്ലാം ഇ​മ്പ​മാ​ർ​ന്ന ഗാ​ന​ങ്ങ​ൾ ചി​ട്ട​പ്പെ​ടു​ത്തി​യി​ട്ടു​ണ്ട്. ആ​നു​കാ​ലി​ക​ങ്ങ​ളി​ൽ പ്ര​തി​ഭ​ക​ളു​ടെ ഫോ​ട്ടോ മാ​റി​ അ​ച്ച​ടി​ക്കു​ന്ന​ത് നി​സ്സാ​ര​മാ​യി കാ​ണ​രു​ത്.

കെ.​പി. മു​ഹ​മ്മ​ദ്‌ ഷെ​രീ​ഫ് കാ​പ്പ്, പെ​രി​ന്ത​ൽ​മ​ണ്ണ

അടിസ്ഥാന ജനങ്ങളെ മറന്ന ‘വികസനക്കുതിപ്പി’ന് എന്തർഥം?

‘ദലിതരുടെയും ആദിവാസികളുടെയും 560 കോടി സർക്കാർ കവരുമ്പോൾ’ എന്ന തലക്കെട്ടിൽ (ലക്കം: 1412) സുൽഹഫ് എഴുതിയ റിപ്പോർട്ട് വായിച്ചു. സാമ്പത്തിക പ്രതിസന്ധിയുടെ മറവിൽ സമൂഹത്തിലെ ഏറ്റവും പിന്നാക്കം നിൽക്കുന്ന സമൂഹവിഭാഗങ്ങൾക്കായി നീക്കിവെച്ച ഫണ്ട് വെട്ടിമുറിക്കുന്നത് ഒരർഥത്തിലും അംഗീകരിക്കാനാവില്ല. ഈ നീതിനിഷേധമാണ് ലേഖനം തുറന്നുകാട്ടിയത്.

ഈ ലേഖനത്തിൽ പട്ടിക ജാതി, പട്ടിക വർഗ വിഭാഗങ്ങൾക്ക് അനുവദിച്ച ഫണ്ട് വെട്ടിയതിനെക്കുറിച്ചാണ് പറയുന്നത്. ലേഖനത്തി​ൽനിന്ന്: പ​​​ട്ടി​​​ക​വ​​​ർ​​​ഗ വ​​​കു​​​പ്പി​​​ന്റെ കീ​​​ഴി​​​ലു​​​ള്ള 49 പ​​​ദ്ധ​​​തി​​​ക​​​ളി​​​ൽ ന​​​ട​​​ത്തി​​​യ പ​​​രി​​​ശോ​​​ധ​​​ന​​​ക​​​ളും മാ​​​റ്റ​​​ങ്ങ​​​ളു​​​മാ​​​ണ് അ​​​തി​​​ലു​​​ള്ള​​​ത്. 49ൽ 21 ​​​എ​​​ണ്ണം ഒ​​​ഴി​​​കെ ബാ​​​ക്കി​​​യെ​​​ല്ലാ പ​​​ദ്ധ​​​തി​​​ക​​​ളി​​​ലും വി​​​ഹി​​​തം ഗ​​​ണ്യ​​​മാ​​​യി കു​​​റ​​​ച്ചി​​​രി​​​ക്കു​​​ക​​​യാ​​​ണ്. ഒ​​​ഴി​​​വാ​​​ക്കി​​​യ 21ൽ ​​​ര​​​ണ്ടെ​​​ണ്ണം പ​​​രി​​​ശോ​​​ധ​​​ന​​ കൂ​​​ടാ​​​തെ അ​​​നു​​​വ​​​ദി​​​ച്ച ഫ​​​ണ്ട് പൂ​​​ർ​​​ണ​​​മാ​​​യും ഉ​​​പ​​​യോ​​​ഗി​​​ക്കാ​​​ൻ അ​​​നു​​​മ​​​തി ന​​​ൽ​​​കി. പ്രീ ​​​മെ​​​ട്രി​​​ക് സ്കോ​​​ള​​​ർ​​​ഷി​​​പ്, ലൈ​​​ഫ് ഭ​​​വ​​​ന​പ​​​ദ്ധ​​​തി എ​​​ന്നി​​​വ​​​യാ​​​ണ​​​വ. ബാ​​​ക്കി​​​യെ​​​ല്ലാം വെ​​​ട്ടി​​​ക്ക​​​ള​​​ഞ്ഞി​​​ട്ടു​​​ണ്ട്. 25 കോ​​​ടി വ​​​ക​​​യി​​​രു​​​ത്തി​​​യ ഭ​​​ക്ഷ്യ​സ​​​ഹാ​​​യ പ​​​ദ്ധ​​​തി 20 കോ​​​ടി​​​യാ​​​ക്കി; ഭൂ​​​ര​​​ഹി​​​ത പ​​​ട്ടി​​​ക​വ​​​ർ​​​ഗ​​​ക്കാ​​​രു​​​ടെ പു​​​ന​​​ര​​​ധി​​​വാ​​​സ​​​ത്തി​​​ന് നീ​​​ക്കി​​​വെ​​​ച്ച 42 കോ​​​ടി 22 കോ​​​ടി​​​യി​​​ലേ​​​ക്ക് ചു​​​രു​​​ക്കി; ആ​​​ദി​​​വാ​​​സി​​​ക​​​ളു​​​ടെ സ്വ​​​യം​തൊ​​​ഴി​​​ൽ, നൈ​​​പു​​​ണ്യ വി​​​ക​​​സ​​​നം എ​​​ന്നി​​​വ​​​ക്കാ​​​യു​​​ള്ള 90 കോ​​​ടി 51 കോ​​​ടി​​​യാ​​​ക്കി; 40 കോ​​​ടി​​​യു​​​ടെ കോ​​​ർ​​​പ​​​സ് ഫ​​​ണ്ടി​​​ൽ​​​നി​​​ന്ന് (ക്രി​​​ട്ടി​​​ക്ക​​​ൽ ഗ്യാ​​​പ് ഫി​​​ല്ലി​​​ങ് സ്കീം) ​​10 ​കോ​​​ടി കു​​​റ​​​ച്ചു; 70 കോ​​​ടി​​​യു​​​ടെ ഭ​​​വ​​​ന നി​​​ർ​​​മാ​​​ണ പ​​​ദ്ധ​​​തി 53 കോ​​​ടി​​​യാ​​​ക്കി; ആ​​​ദി​​​വാ​​​സി സു​​​സ്ഥി​​​ര വി​​​ക​​​സ​​​ന​​​ത്തി​​​നാ​​​യി പ്ര​​​ഖ്യാ​​​പി​​​ച്ചി​​​രു​​​ന്ന സ്​​​​പെ​​​ഷ​​​ൽ ഫ​​​ണ്ട് 40 കോ​​​ടി​​​യി​​​ൽ​​​നി​​​ന്ന് 12 കോ​​​ടി​​​യി​​​ലേ​​​ക്ക് വെ​​​ട്ടി...’’ സമാനമായ രീതിയിൽ എസ്.സി വിഭാഗത്തിൽനിന്നും ഫണ്ട് വെട്ടിയതിന്റെ വിശദാംശങ്ങൾ ലേഖനത്തിൽ വായിക്കാം. ആദിവാസി-ദലിത് വിഭാഗങ്ങൾ അനുഭവിക്കുന്ന നീതിനിഷേധത്തിന്റെ കൃത്യമായ റഫറൻസ് ആണ് ഈ ലേഖനം.

മറ്റൊരു കാര്യംകൂടി: മേൽസൂചിപ്പിച്ചതത്രയും അനുവദിച്ച ഫണ്ടിനെക്കുറിച്ചായിരുന്നു. ഇതിൽ എത്ര ചെലവഴിച്ചുവെന്നതും ശ്രദ്ധിക്കേണ്ടതുണ്ട്. ആ കണക്കുകൂടി പുറത്തുവരുമ്പോഴാണ് ഈ കടുംവെട്ടിന്റെ ആഴം ശരിക്കും ബോധ്യപ്പെടുക. എസ്.സി-എസ്.ടി ഫണ്ടിൽനിന്ന് ഒരു രൂപപോലും വെട്ടാത്തത് ആരോഗ്യ മേഖലയുമായി ബന്ധപ്പെട്ട് നീക്കിവെച്ച തുകയാണ്. ആദിവാസി അമ്മമാർക്കുള്ള ജനനി ജന്മ രക്ഷാ പദ്ധതിക്കൊക്കെ നീക്കിവെച്ച പണം വെട്ടിയില്ല എന്നാണ് രേഖകൾ. എന്നാൽ, അനുവദിച്ച പണത്തിന്റെ പകുതിപോലും ചെലവഴിച്ചില്ല എന്നതാണ് യാഥാർഥ്യം. സമാനമാണ് ന്യൂനപക്ഷങ്ങൾക്കുള്ള വിദ്യാഭ്യാസ സ്കോളർഷിപ്പിൽ 50 ശതമാനം തുക വെട്ടിയ നടപടിയും. അടിസ്ഥാന വിഭാഗം ജനങ്ങളെ മറന്നുള്ള ഈ ‘വികസനക്കുതിപ്പി’ന് എന്തർഥമാണുള്ളത്?

സുദർശൻ പാലക്കോട്,മാനന്തവാടി

പറയുന്നതിനൊരു ഉളുപ്പ് വേണ്ടേ?

‘ആശ സമരത്തിലെ അതിജീവന പാഠങ്ങൾ’ എന്ന എം. ഷിബുവി​ന്റെ ഉള്ളം തകർക്കുന്ന അവലോകനം വായിച്ചു (ലക്കം: 1411). അതിൽ കുറിച്ചിരിക്കുന്ന ഒരമ്മയുടെ ഉള്ളുലക്കുന്ന വിലാപത്തിൽനിന്നും ഉയരുന്ന രോഷം ഒന്നു വായിച്ചു നോക്കൂ:

‘‘കൊതുകിനെ തുരത്താൻ വീടുകൾതോറും കയറിയിറങ്ങുന്ന ഞങ്ങളിപ്പോൾ കൊതുകിന് രക്തം കൊടുക്കാൻ നിരത്തിൽ കിടക്കുകയാണ്. കല്ലാണോ ഈ സർക്കാറിന്റെ മനസ്സ്? അതോ ഇവർക്ക് മനസ്സെന്ന ഒന്ന് ഇല്ലേ? 13,000 രൂപ കിട്ടുമെന്ന് ആരോഗ്യമന്ത്രി പറയുന്നു. പക്ഷേ, ആർക്കാണ് ഇത് കിട്ടുന്നത്? പറയുന്നതിനൊരു ഉളുപ്പ് വേണ്ടേ?’’

ഈ കടുത്ത വേനൽച്ചൂടിൽ ആശ വർക്കർമാരെന്ന നമ്മുടെ അമ്മ പെങ്ങന്മാർ റോഡിൽ കിടന്നു സമരം ചെയ്യുന്നത് ഉത്തരവാദിത്തപ്പെട്ടവർ ആരും കാണുന്നില്ലേ? ഖജനാവിൽ കാശില്ലെന്നു പറയുന്ന ഈ സർക്കാറെങ്ങനെ കോൺഗ്രസിൽനിന്നു ചേക്കേറിയ കെ.വി. തോമസിന്റെ യാത്രാബത്തയും പി.എസ്.സി ചെയർമാന്റെയും സഹകാരികളുടെയും ശമ്പളവും ക്രമാതീതമായി വർധിപ്പിച്ചു. അവരാരുംതന്നെ കാശില്ലാതെ ബുദ്ധിമുട്ടുന്നവരല്ലെന്ന് പരസ്യമായ രഹസ്യമാണ്. അതേസമയം ഈ സഹോദരിമാ​രോ ഉടുതുണിക്ക് മറുതുണിയില്ലാത്ത പട്ടിണിപ്പാവങ്ങളാണ്. അവർക്കുമുണ്ട് വളർന്നുവരുന്ന മക്കൾ. അവർക്കുമുണ്ട് ആശയും ആശാഭംഗവും. മാസംതോറും കിട്ടുന്ന 7000 രൂപയെന്ന ഓണറേറിയംകൊണ്ട് അവരെങ്ങനെയാണ് ജീവിക്കുക. അവർ രാപ്പകൽ ജോലിചെയ്യുന്നുണ്ടോ എന്നു നോക്കാൻ ഉദ്യോഗസ്ഥരുണ്ട്. എന്നാൽ, എന്തെങ്കിലും കഴിച്ചിട്ടാണോ അവർ മറ്റുള്ളവരുടെ സങ്കടങ്ങൾ തീർക്കാൻ എത്തുന്നതെന്ന് ചോദിക്കാനാരുമില്ല. ‘എല്ലാം ശരിയാകും’ എന്ന പ്രതീക്ഷാനിർഭരമായ മുദ്രാവാക്യത്തോടെ തുടക്കം കുറിച്ച ഒരു സർക്കാറാണ് ഭരണത്തിലുള്ളതെന്ന കാര്യം ഇത്തരണത്തിൽ മറക്കരുത്, ഇതെല്ലാം കാണുമ്പോഴും കേൾക്കുമ്പോഴും വായിക്കുമ്പോഴും.

‘‘ഇതിനൊക്കെ പ്രതികാരം ചെയ്യാതടങ്ങുമോ പതിതരെ ഞങ്ങൾ തൻ പിൻമുറക്കാർ’’ എന്ന ചങ്ങമ്പുഴയുടെ വരികൾ ഓർമ വരുന്നു. ഓർക്കുക –ഇതെഴുതുന്ന ദിവസം സമരം 30ാo ദിവസത്തിലേക്ക് കടക്കുകയാണ്. ഇതിനകം കിടന്നും ഇരുന്നും, മുദ്രാവാക്യം വിളിച്ചും ആ വനിതകളുടെ ആരോഗ്യം എത്രമാത്രം നശിച്ചിട്ടുണ്ടാകും.

സണ്ണി ജോസഫ്, മാള

ആ​ഴ്ച​പ്പ​തി​പ്പ് ന​ൽ​കി​യ ആ​ദ​രം ന​ല്ല​താ​യി

നമ്മുടെ ഭാഷയിലെ ഏറ്റവും മുതിർന്ന കഥാകൃത്തിന് മാധ്യമം ആഴ്ചപ്പതിപ്പ് നൽകിയ ആദരം (ലക്കം: 1409) വളരെ നല്ലതായി എനിക്ക് തോന്നി. കുറച്ച് വൈകിയാണ് ഈ പതിപ്പ് വായിച്ചത്. ഇപ്പോഴും അതിലളിതമായി അനുഭവിപ്പിക്കുന്ന കഥ എഴുതാൻ ടി. പത്മനാഭന് കഴിയുന്നു. ആ പേനയുടെ കരുത്ത് കുറയുന്നില്ല. ‘കൊച്ചനിയത്തി’ എന്ന കഥ സുന്ദരം.

എഴുത്തുകാർ തമ്മിലുള്ള പിണക്കം ലോകത്ത് എല്ലായിടത്തുമുണ്ട്. പരസ്പരം അവഗണിക്കും. കണ്ണൂരിലായിട്ടും എം. മുകുന്ദനെ കാണാൻ താൻ പോയിട്ടില്ലെന്നും മുകുന്ദൻ ഇങ്ങോട്ട് വരാറില്ലെന്നും വായിച്ചപ്പോൾ ഒന്ന് ഞെട്ടി. പ്രിയപ്പെട്ട പി. സക്കീർ ഹുസൈൻ നടത്തിയ അഭിമുഖം വായിച്ചപ്പോൾ പഴയ ഒരു അനുഭവം എനിക്കും ഓർമ വന്നു.

അന്ന് ഞാൻ കണ്ണൂരിൽ മാതൃഭൂമി ക്ലബ് എഫ്.എമ്മിൽ ജോലി ചെയ്യുന്ന കാലമാണ്. ‘ക’ ഫെസ്റ്റിവലി​ന്റെ ആദ്യ എഡിഷ​ന്റെ ഭാഗമായി എല്ലാ ജില്ലകളിലെയും പ്രമുഖ എഴുത്തുകാരെ റേഡിയോയിൽ കോളജ് വിദ്യാർഥികൾ അഭിമുഖം ചെയ്യുന്ന പരിപാടി ഇട്ടു. സഹായിയും എഴുത്തുകാരനും റേഡിയോ നിലയത്തിലെത്തി. കണ്ണൂരിലെ ഒരു കോളജിൽനിന്ന് കുട്ടികളും വന്നു. ആർ.ജെ മോഡറേറ്ററായി എല്ലാം സെറ്റാക്കി. പപ്പേട്ടൻ സ്റ്റുഡിയോയിൽ ഗംഭീരനായി ഇരുന്നു. കുട്ടികൾക്ക് നേരെ ആദ്യ ചോദ്യം അദ്ദേഹം തൊടുത്തു: ‘‘എ​ന്റെ കഥ വല്ലതും നിങ്ങൾ വായിച്ചിട്ടുണ്ടോ?’’

കുട്ടികൾ മിണ്ടുന്നില്ല. പപ്പേട്ടന് ദേഷ്യം വന്നു. പിണങ്ങി എഴുന്നേറ്റ് പോവാൻ തുടങ്ങുന്നു. ഒരു വിധത്തിൽ ഞങ്ങൾ അദ്ദേഹത്തെ സമാധാനിപ്പിച്ച് കുട്ടികളുടെ ലളിത ചോദ്യങ്ങൾകൊണ്ട് അഭിമുഖം അവസാനിപ്പിച്ചു. പിന്നീട് ഫോമിലായി അദ്ദേഹം നന്നായി സംസാരിച്ചു. മാധ്യമം ടീമിന് ആശംസകൾ.

ജേക്കബ്​ ഏബ്രഹാം (ഫേസ്​ബുക്ക്)

സുധീറിന്റെയല്ലാത്ത ഗാനരംഗങ്ങൾ

മാർച്ച് 17-24 ലക്കത്തിൽ എഴുതിയ സുധീറിനെ കുറിച്ചുള്ള കുറിപ്പിൽ നോട്ടക്കുറവുകൊണ്ട് സുധീറിന്റേതല്ലാത്ത രണ്ടു ഗാനരംഗങ്ങൾ കടന്നുകൂടിയിട്ടുണ്ട്. മുല്ലമലർ തേൻ കിണ്ണം, രൂപവതി നിൻ എന്നിവയാണ് അവ. ഖേദപൂർവം.

രവി മേനോൻ