എഴുത്തുകുത്ത്

അതിനല്ല ഗലീലിയോ വിമർശനം നേരിട്ടത്​

‘ബ്രഹ്മൈവഹം ട്രോൾ യുഗത്തിലെ ഉൾക്കാഴ്ചകൾ’ എന്ന സ്വപ്ന അലക്‌സിസിന്റെ ലേഖനം (ലക്കം 1414 )പല കാഴ്ചകളിലേക്കും കണ്ണ് തുറപ്പിക്കുന്നതായിരുന്നു. എന്നാൽ, അതിൽ അൽപം തെറ്റിദ്ധാരണ ഉണ്ടാക്കുന്ന ചില കാര്യങ്ങൾ ഉണ്ടായിരുന്നു. അതിലൊന്ന് ‘തിയറികളും സമൂഹവും’ എന്ന തലക്കെട്ടിലെഴുതിയ ഒരു വരിയാണ്. അത് ഇങ്ങനെയാണ്: ‘‘ഭൂമി ഉരുണ്ടതാണെന്ന് പ്രഖ്യാപിച്ച ഗലീലിയോയുടെയോ... അവസ്ഥ മറിച്ചായിരുന്നില്ല.’’

എന്നാൽ, പതിനാറാം നൂറ്റാണ്ടിൽ ഗലീലിയോ ജനിക്കുന്നതിന് വളരെക്കാലം മുമ്പ്, ബി.സി നാലാം നൂറ്റാണ്ടിൽതന്നെ ഭൂമിയുടെ ഗോളാകൃതിയെക്കുറിച്ച് ധാരാളം ചർച്ചകൾ നടന്നിരുന്നു. അരിസ്റ്റോട്ടിലായിരുന്നു ഇതിന് മുൻപന്തിയിൽ നിന്നത്. ഏതാണ്ട് രണ്ടു നൂറ്റാണ്ടുകൾക്കുശേഷം ഇറത്തോസ്തനീസ് ഭൂമിയുടെ ചുറ്റളവും കണക്കാക്കി. ഗലീലിയോക്ക് ഒരു നൂറ്റാണ്ടു മുമ്പ് കൊളംബസ് കപ്പൽയാത്രയിലൂടെ അത് ഒന്നുകൂടി തെളിയിക്കുകയുംചെയ്തു. ഭൂമിയുടെ ഗോളാകൃതിയല്ല മറിച്ച് ഭൂമിയും മറ്റ് ഗ്രഹങ്ങളും സൂര്യനെ ചുറ്റുന്നു (Heliocentrism) എന്ന സിദ്ധാന്തം അവതരിപ്പിച്ചതിനാണ് മത മേലധികാരിമാരുടെ വിമർശനം ഗലീലിയോക്ക് നേരിടേണ്ടി വന്നത്.

ശ്രീപ്രസാദ്‌ വടക്കേപ്പാട്ട്

ആ​ശ​മാ​രെ നി​രാ​ശ​രാ​ക്ക​രു​ത്

ആ​ശ വ​ർ​ക്ക​ർമാ​ർ ഇ​ന്ന​നു​ഭ​വി​ക്കു​ന്ന പ്ര​ശ്ന​ങ്ങ​ളു​ടെ​യും പ്ര​തി​സ​ന്ധി​ക​ളു​ടെ​യും നേ​ർ​ക്കു പി​ടി​ച്ച ക​ണ്ണാ​ടി​യാ​യി​രു​ന്നു എം.​ ഷി​ബു എ​ഴു​തി​യ ‘ആ​ശ സ​മ​ര​ത്തി​ലെ അ​തി ജീ​വ​ന പാ​ഠ​ങ്ങ​ൾ’ എ​ന്ന ലേ​ഖ​നം (ല​ക്കം 1411). ആ ​ക​ണ്ണാ​ടി​യി​ൽ ആ​ശ വ​ർ​ക്ക​ർമാ​രു​ടെ വി​ഷ​മ​ത​ക​ളെ​ല്ലാം അ​ക്ഷ​രാ​ർ​ഥ​ത്തി​ൽ പ്ര​തി​ഫ​ലി​ക്കു​ന്നു​ണ്ടാ​യി​രുന്നു. മ​നു​ഷ്യ​രെ മ​നു​ഷ്യ​ർ നേ​രി​ട്ടു കാ​ണാ​ൻ പേ​ടി​ച്ചി​രു​ന്ന കൊ​റോ​ണ കാ​ല​ത്ത് സ്വ​ന്തം ജീ​വ​ൻപോ​ലും മ​റ​ന്ന് വീ​ടു​വീ​ടാ​ന്ത​രം ക​യ​റി ഇ​റ​ങ്ങി സേ​വ​നം ന​ട​ത്തി​യ ആ​ശ വ​ർ​ക്ക​ർ​മാ​ർ അ​ന്ന് ആ​രോ​ഗ്യരം​ഗ​ത്തെ അം​ബാ​സഡ​ർമാ​രാ​യി​രു​ന്നു പ​ല​ർ​ക്കും. എ​ന്നാ​ൽ, ഇ​ന്ന് അ​വ​ർ നി​ല​നി​ൽ​പി​നു വേ​ണ്ടി​യ​ല്ല ജീ​വ​സ​ന്ധാ​ര​ണ​ത്തി​നു വേ​ണ്ടി ത​ന്നെ പ​ട പൊ​രു​തു​മ്പോ​ൾ എ​ന്തു​കൊ​ണ്ടാ​ണ് ആ​ശ​മാ​രെ ക​ണ്ണി​ലെ ക​ര​ടാ​യോ ക​റി​യി​ലെ ക​റി​വേ​പ്പി​ല​യാ​യോ കാ​ണു​ന്ന​ത്. അ​ത്ര​ക​ണ്ട് എ​ടു​ത്തു മാ​റ്റ​പ്പെ​ടേ​ണ്ട​വ​രാ​ണോ ന​മ്മു​ടെ ആ​ശ പ്ര​വ​ർ​ത്ത​ക​ർ?

ഉ​ത്ത​ര​വാ​ദപ്പെ​ട്ട​വ​ർ സ​മ​ര​ക്കാ​രു​ടെ പ്ര​തി​നി​ധി​ക​ളു​മാ​യി ഒ​രു മേ​ശ​ക്കു ചു​റ്റു​മി​രു​ന്ന് കേ​വ​ലം അ​രമ​ണി​ക്കൂ​ർകൊ​ണ്ട് പ​റ​ഞ്ഞുതീ​ർ​ക്കാ​വു​ന്ന കാ​ര്യ​മാ​ണ് ഒ​രു മാ​സ​ത്തി​ലേ​റെ​യാ​യി ഭ​ര​ണസി​രാകേ​ന്ദ്ര​ത്തി​നു മു​ന്നി​ൽ വ​ലി​ച്ചുനീ​ട്ടി കൊ​ണ്ടു​പോ​കു​ന്ന​ത്. ഇ​ൻ​സെ​ന്റീ​വ് കൊ​ടു​ക്ക​ുന്ന​ത് കേ​ന്ദ്ര​മാ​ണെ​ന്നും അ​തു​കൊ​ണ്ട് അ​വി​ടെ​യാ​ണ് പ​റ​യേ​ണ്ട​ത് എ​ന്നും അ​വി​ടെ ചെ​ല്ലു​മ്പോ​ൾ ഓ​ണ​റേ​റി​യം ന​ൽ​കു​ന്നത് ​സം​സ്ഥാ​ന സ​ർ​ക്കാ​റാ​ണെ​ന്നും അ​വി​ടെ​യാ​ണ് ചെ​ല്ലേ​ണ്ട​തെ​ന്നും പ​റ​യു​മ്പോ​ൾ ആ​ശ വ​ർ​ക്ക​ർ​മാ​ർ​ക്കും അ​തു കേ​ൾ​ക്കു​ന്ന പൊ​തുജ​ന​ത്തി​നും ഒ​രു സം​ശ​യ​മേ ബാ​ക്കി​യു​ള്ളൂ, വാ​സ്ത​വ​ത്തി​ൽ ആ​ശ വ​ർ​ക്ക​ർ​മാ​ർ ദ​യാ​ദാ​ക്ഷി​ണ്യ​ത്തി​നാ​യി ഏത് വാ​തി​ലി​ലാ​ണ് ഇ​നി മു​ട്ടേ​ണ്ട​തെ​ന്ന്. ആ​ശ​ വ​ർ​ക്ക​ർ​മാ​ർ അ​വ​രു​ടെ ഇ​ല്ലാ​യ്മ​ക​ളും വ​ല്ലാ​യ്മ​ക​ളും പ​ങ്കുവെ​ച്ച ഒ​രു വേ​ദി​യി​ൽ വീ​ട്ട​മ്മ​യാ​യ ഒ​രു ആ​ശ വ​ർ​ക്ക​ർ പ​റ​ഞ്ഞ​ത് ഇ​ങ്ങ​നെ​യാ​ണ്, മൂന്നു ദി​വ​സം ര​സ​വും ച​മ്മ​ന്തി​യു​മു​ണ്ടാ​ക്കി കു​ട്ടി​ക്ക് ആ​ഹാ​രം കൊ​ടു​ത്ത​പ്പോ​ൾ കു​ട്ടി ചോ​ദ​ിച്ചു​വ​ത്രേ, മൂ​ന്നു ദി​വ​സ​മാ​യ​ല്ലോ അ​മ്മേ ഈ ​ര​സ​വും ച​മ്മ​ന്തി​യും. ഇ​തി​നെ​ന്നാ​ണ് ഒ​രു മാ​റ്റം വ​രുക​യെ​ന്ന്. ഇ​ത് ഏ​തെ​ങ്കി​ലു​മൊ​രു ആ​ശ പ്ര​വ​ർ​ത്ത​ക​യു​ടെ ഒ​റ്റ​പ്പെ​ട്ട ക​ഥ​യാ​കാ​ൻ വ​ഴി​യി​ല്ല. തു​ച്ഛ​മാ​യ ഓ​ണ​റേ​റി​യംകൊ​ണ്ട് ജീ​വി​ത​ത്തി​ന്റെ ര​ണ്ട​റ്റം കൂ​ട്ടി​മു​ട്ടി​ക്കാ​ൻ പെ​ടാ​പ്പാ​ടു​പെ​ടു​ന്ന ഒ​രു വ​ലി​യ സ​മൂ​ഹ​ത്തി​ന്റെ ക​ദനക​ഥ​കൂ​ടി​യാ​ണ്.

ആ​ശ പ്ര​വ​ർ​ത്ത​ക​രു​ടെ ജോ​ലി ഭാരം വ​ള​രെ വ​ലു​താ​ണ്. ആ​ശ​മാ​രു​ടെ ജോ​ലി സ​ന്ന​ദ്ധപ്ര​വ​ർ​ത്ത​ന​മാ​ണ്, അ​തു​കൊ​ണ്ട് അ​വ​ർ​ക്ക് വേ​ത​ന​മി​ല്ല, ഓ​ണ​റേ​റി​യം മാ​ത്ര​മാ​ണ് അ​വ​കാ​ശ​പ്പെ​ട്ട​ത്, അ​ത് വി​ലപേ​ശി പി​ടി​ച്ചുവാ​ങ്ങേ​ണ്ട​ത​ല്ല എ​ന്നൊ​ക്കെ പ​റ​യു​ന്ന​ത് ജ​നാ​ധി​പ​ത്യ​ക്ര​മ​ത്തി​ന് ഭൂ​ഷ​ണ​മ​ല്ല എ​ന്നേ പ​റ​യാ​നു​ള്ളൂ. ഒ​രു വാ​ർ​ഡി​ലെ ഓ​രോ കു​ടും​ബ​ത്തി​ലേ​യും ഓ​രോ അം​ഗ​ത്തി​ന്റെ പോ​ലും വി​വ​ര​ങ്ങ​ൾ സൂ​ക്ഷ്മ​മാ​യി അ​റി​യാ​വു​ന്ന ഒ​രു ‘റെ​ഡി റ​ഫ​റ​ൻ​സ്’ ആ​ണ് ആ​ശ വ​ർ​ക്ക​ർമാ​ർ എ​ന്നു പ​റ​ഞ്ഞാ​ൽ അ​തി​ൽ ഒ​രു അ​തി​ശ​യോ​ക്തി​യു​മി​ല്ല. ആ​രോ​ഗ്യ രം​ഗ​ത്താ​യാ​ലും മ​റ്റ് ഇ​ത​ര പ്ര​വ​ർ​ത്ത​ന​ങ്ങ​ളി​ലും വി​ല​മ​തി​ക്കാ​നാ​വാ​ത്ത സേ​വ​ന​ങ്ങ​ൾ കാ​ഴ്ച​വെ​ക്കു​ന്ന ന​മ്മു​ടെ സ​ഹോ​ദ​രി​മാ​ർ കൂ​ടി​യാ​യ ആ​ശ പ്ര​വ​ർ​ത്ത​ക​രെ അ​വ​ർ മു​ന്നോ​ട്ടുവെ​ക്കുന്ന ന്യാ​യ​മാ​യ ആ​വ​ശ്യ​ങ്ങ​ൾ പ​ഠി​ച്ച് പ​രി​ഹാ​രം ഉ​ണ്ടാ​ക്കാ​ൻ ശ്ര​മി​ക്കാ​തെ ഇ​ങ്ങ​നെ പൊ​രിവെ​യി​ല​ത്ത് നി​ർത്തു​ന്ന​ത് ഒ​ട്ടും മാ​ന്യ​മ​ല്ല; ആ​ശ​മാ​രെ നി​രാ​ശ​രാ​ക്കര​ുത്.

ദി​ലീ​പ് വി.​ മു​ഹ​മ്മ​ദ്,മൂവാ​റ്റു​പു​ഴ

കൂടൽ മാണിക്യം ക്ഷേത്രത്തിലെ ജാതിത്തമ്പ്രാക്കൾ

കൂടൽമാണിക്യം ക്ഷേത്രത്തിലെ കഴകവും കാരായ്മയും എന്ന ഡോ. അമൽ സി. രാജൻ എഴുതിയ ജാതിയുടെ വർത്തമാനം ഇരുപത്തിയൊന്നാം നൂറ്റാണ്ടിലും കേരളം എവിടെ നിൽക്കുന്നു എന്നതിനെക്കുറിച്ചുള്ള ആലോചനയായി. ഒപ്പം നമ്പൂതിരി മുതൽ നായാടി വരെ എന്ന മുദ്രാവാക്യം പ്രബലമായ ഒരു ജാതി സമൂഹത്തിലെ ഏതാനും ചില തൽപരകക്ഷികളുടെ രാഷ്ട്രീയ ആവശ്യങ്ങളുടെ പരിഹാരത്തിന് ഹിന്ദുത്വ ഫാഷിസ്റ്റുകളുടെ ചേരിയിൽ പാവങ്ങളെ കൊണ്ടു തളക്കുന്നതാണെന്ന് ഒരിക്കൽകൂടി തെളിഞ്ഞു. ഈ മുദ്രാവാക്യം ഉയർത്തിയ വിഭാഗത്തിൽനിന്നുള്ളവരാകട്ടെ കൂടൽമാണിക്യം ക്ഷേത്രത്തിലെ അയിത്താചരണത്തെ തുറന്ന് എതിർത്തില്ല എന്നത് ശ്രദ്ധേയമാണ്.

തിരുവനന്തപുരം ആര്യനാട് സ്വദേശിയും ഈഴവ സമുദായാംഗവുമായ ബി.എ. ബാലു ഇരിങ്ങാലക്കുട കൂടൽമാണിക്യം ക്ഷേത്രത്തിലെ മാലകെട്ട് കഴകം ജോലിക്ക് പ്രവേശിച്ചതോടെയാണ് പ്രശ്നങ്ങളുടെ തുടക്കം. “കൂടൽമാണിക്യം ക്ഷേത്രത്തിലെ മതപരവും ആത്മീയവുമായ കാര്യങ്ങളുടെയും അവ നിർവഹിക്കുന്ന ജോലിക്കാരുടെ നിയമനത്തിലും ഉത്തരവാദപ്പെട്ട ക്ഷേത്രം തന്ത്രിമാരുടെ അറിവോ സമ്മതമോ കൂടാതെ തികച്ചും ആചാരാനുഷ്ഠാനപരമായ കഴകം പ്രവൃത്തിക്ക് ഒരാളെ നിയമിച്ച നടപടിയിൽ ക്ഷേത്രം തന്ത്രിമാരായ ഞങ്ങൾക്കുള്ള വിയോജിപ്പ് രേഖപ്പെടുത്തുന്നു എന്നാണ് തന്ത്രിമാർ പറഞ്ഞത്. മാത്രമല്ല, കഴകം പണികൾക്ക് കാരായ്മക്കാരായ പാരമ്പര്യ കുടുംബാംഗങ്ങളെ നിയമിക്കണമെന്നാണ് അവർ അസന്ദിഗ്ധമായി പറഞ്ഞത്. നിയമംമൂലം നിരോധിക്കപ്പെട്ട അയിത്താചരണം വരേണ്യധാർഷ്ട്യത്തോടെ നടപ്പിലാക്കാനുള്ള സംഘടിതമായ ശ്രമമാണ് ക്ഷേത്രം തന്ത്രിമാർ ചെയ്തത്.

ആചാരപരമായി കഴകം ജോലികൾ ഒരു പ്രത്യേക ജാതിസമുദായങ്ങൾക്കു മാത്രമേ ചെയ്യാൻ കഴിയൂ. എന്നാൽ, കേരള ദേവസ്വം റിക്രൂട്ട്മെന്റ് ബോർഡ് എന്ന ഭരണഘടനാ സ്ഥാപനം നടത്തിയ പരീക്ഷയിൽ, ഹിന്ദുമത വിശ്വാസിയായ ഈ തസ്തികക്കുവേണ്ടി പുറപ്പെടുവിച്ച വിജ്ഞാപനത്തിൽ പറയുന്ന മാനദണ്ഡങ്ങളും യോഗ്യതകളും ഉള്ള ഏതൊരു പൗരനും കഴകം ജോലി സ്വീകരിക്കാവുന്നതും ഉത്തരവാദിത്തത്തോടെ ചെയ്യാവുന്നതുമാണ്.

ഇത്തരത്തിലുള്ള ജനാധിപത്യപരമായ അവകാശത്തെയാണ് കൂടൽമാണിക്യം ക്ഷേത്രത്തിലെ തന്ത്രികൾ ആചാരാനുഷ്ഠാനങ്ങളുടെയും പാരമ്പര്യമായി പ്രത്യേക ജാതി-കുടുംബത്തിന് മാത്രം ഉറപ്പാക്കിവെച്ചിരിക്കുന്ന തസ്തികകളുടെയും തിരിച്ചുവരവിന് വേണ്ടി ഭരണഘടനാപരമായ നിയമപരമായ ലംഘനം നടത്തുന്നത്. ഇത് കുറ്റകൃത്യമാണെന്ന് പ്രത്യേകം പറയേണ്ടതില്ലല്ലോ.

ജനാധിപത്യപരമായ സാമൂഹികനീതി റദ്ദാക്കുന്ന ‘ഫ്യൂഡൽ’ മാണിക്യം ക്ഷേത്രത്തിലെ ജാതിവിവേചനത്തെ തുറന്നുകാട്ടുന്നതിലൂടെ ക്ഷേത്രാധിഷ്ഠിതമായ സമ്പദ് വ്യവസ്ഥയിൽ ഉറപ്പിച്ചു നിർത്തിയ ഫ്യൂഡൽ കാലഘട്ടത്തിന്റെ തിരിച്ചുവരവിനു വഴിമരുന്നിട്ട പൗരോഹിത്യാധിപത്യത്തിന്റെ ഏതൊരു ശ്രമത്തെയും ചേർക്കേണ്ടതുണ്ടെന്ന് ലേഖനം ഓർമിപ്പിച്ചു.

️പ്രിയ സാറാക്കുട്ടി തൃപ്പൂണിത്തുറ