ദൂരങ്ങൾ

ഗുജറാത്തിൽനിന്ന് ബാബരി മസ്ജിദിലേക്കുള്ള

തീവണ്ടി ദൂരം

അവിടന്ന് ഗോദ്രയിലേക്കുള്ള തീവണ്ടി ദൂരം

ഗോദ്രയിൽനിന്ന് ഗുജറാത്തിലേക്കുള്ള തീവണ്ടി ദൂരം

പിന്നെ ഡൽഹിയിലേക്കുള്ള തീവണ്ടി ദൂരം

എല്ലാംകൂടി എത്ര ദൂരം വരും?

ദൈവം എല്ലാം കാണുന്നു പക്ഷേ കാത്തിരിക്കുന്നു*

അക്കാലയളവിൽ ഞാൻ ഏറ്റുമാനൂരിൽനിന്ന് എറണാകുളത്തേക്കും

തിരിച്ചും തുടർച്ചയായി തീവണ്ടിയിൽ സഞ്ചരിച്ചുകൊണ്ടിരുന്നു.

ആ ദൂരം ഗുജറാത്തിൽനിന്ന് പുറപ്പെട്ട്

ഒടുവിൽ ദൽഹിയിൽ എത്തിയ ദൂരത്തിലും കൂടുതലാണ്.

ആ തീവണ്ടിയാത്രകളിൽ ഞാൻ കവിതകൾ എഴുതിയിരുന്നു

കൊടുങ്കാറ്റിൽപ്പോലും സമാധാനമുണ്ട്.*

----------------

* ടോൾസ്റ്റോയി

* വാൻഗോഗ്