Begin typing your search above and press return to search.
proflie-avatar
Login

കാത്ത്

poem
cancel

വൈകിവരുന്ന നേരത്ത്

വേനൽമഴ പറഞ്ഞുവിട്ട പണിക്കാർ

മാനത്ത് തിരക്കിട്ട് കറുത്തചായം പൂശുമ്പോൾ

വെയിൽത്തുണികളെല്ലാം വാരിയെടുത്ത്

സൂര്യൻ പുരയ്ക്കകത്തു കേറി

മുറ്റത്തു നിന്ന മരം കനിഞ്ഞു തന്ന ഒരു പേരയ്ക്കയുമായി

അങ്ങകലെ കിഴക്കൻ മഴയുടെ വീട്ടിൽനിന്ന്

പുറപ്പെട്ട മകളെയും കാത്ത്

അവളുടെ പിതാവ്

നിൽക്കുകയാണ് വാതിൽചാരി

മഴ പറഞ്ഞുവിട്ട പണിക്കാർ പോയ്ക്കഴിഞ്ഞു

കാറ്റും മഴയും ഇടിയും മിന്നലും തണുപ്പും

പുകയും കൂടി ജനലുകൾ അടയ്ക്കുകയായി

ഒരു ജനൽപ്പാളി തുറന്ന് രണ്ടു കണ്ണുകൾ

മകളെത്തേടി മഴയിലേക്ക് ഇറങ്ങി.


Show More expand_more
News Summary - Malayalam Poem