മ്യാന്മറിൽ സായുധസഖ്യവും പട്ടാളവും തമ്മിൽ ഏറ്റുമുട്ടൽ; കുടിയിറക്കപ്പെട്ടത് 90,000ത്തോളം പേർ

ന​യ്പി​ഡാ​വ്: മ്യാ​ന്മ​റി​ലെ ത​ദ്ദേ​ശീ​യ സാ​യു​ധ ഗ്രൂ​പ്പു​ക​ളു​ടെ സ​ഖ്യ​വും പ​ട്ടാ​ള​വും ത​മ്മി​ലു​ള്ള ഏ​റ്റു​മു​ട്ട​ൽ രൂ​ക്ഷ​മാ​യ​തോ​ടെ 90,000ത്തോ​ളം പേ​ർ കു​ടി​യി​റ​ക്ക​പ്പെ​ട്ട​താ​യി യു.​എ​ൻ.ഷാ​ൻ സം​സ്ഥാ​ന​ത്താ​ണ് ഏ​റ്റു​മു​ട്ട​ൽ. മ്യാ​ന്മ​റി​ലെ ഏ​റ്റ​വും ശ​ക്ത​രാ​യ ‘ത്രീ ​ബ്ര​ദ​ർ​ഹു​ഡ് അ​ല​യ​ൻ​സ്’ എ​ന്ന സാ​യു​ധ സ​ഖ്യ​മാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ ഡ​സ​നോ​ളം സൈ​നി​ക ഔ​ട്ട് പോ​സ്റ്റു​ക​ൾ ആ​ക്ര​മി​ച്ച​ത്.

ഷാ​നി​ൽ 50,000 പേ​രും സ​ഗാ​യ്ങ് മേ​ഖ​ല​യി​ലും ക​ചി​ൻ സം​സ്ഥാ​ന​ത്തു​മാ​യി 40,000 പേ​രു​മാ​ണ് കു​ടി​യി​റ​ക്ക​പ്പെ​ട്ട​ത്. മ്യാ​ന്മ​റി​ന്റെ ചൈ​ന​യോ​ട് ചേ​ർ​ന്ന അ​തി​ർ​ത്തി​യി​ലാ​ണ് ഷാ​ൻ സം​സ്ഥാ​നം. ഇ​വി​ട​ത്തെ അ​തി​ർ​ത്തി​ന​ഗ​രം സാ​യു​ധ​സം​ഘം പി​ടി​ച്ചെ​ടു​ത്തു. 2021 ​ഫെ​​ബ്രു​വ​രി​യി​ൽ ഓ​ങ് സാ​ൻ സൂ​ചി ഭ​ര​ണ​കൂ​ട​ത്തി​ൽ​നി​ന്ന് അ​ധി​കാ​രം പി​ടി​ച്ച സൈ​ന്യ​ത്തി​ന് നേ​രി​ടേ​ണ്ടി​വ​രു​ന്ന ഏ​റ്റ​വും വ​ലി​യ ആ​ഭ്യ​ന്ത​ര പ്ര​തി​സ​ന്ധി​യാ​ണി​തെ​ന്ന് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.

സൈ​ന്യ​ത്തി​ന്റെ ഏ​കാ​ധി​പ​ത്യ ഭ​ര​ണം തു​ട​ച്ചു​നീ​ക്ക​ലാ​ണ് ത​ങ്ങ​ളു​ടെ ല​ക്ഷ്യ​മെ​ന്ന് ബ്ര​ദ​ർ​ഹു​ഡ് പ​റ​യു​ന്നു. അ​തി​ർ​ത്തി മേ​ഖ​ല​ക​ളി​​ൽ ന​ട​ക്കു​ന്ന ഓ​ൺ​ലൈ​ൻ ത​ട്ടി​പ്പി​നെ​തി​രെ​യും ന​ട​പ​ടി​യു​ണ്ടാ​കു​മെ​ന്ന് ഇ​വ​ർ വ്യ​ക്ത​മാ​ക്കി. ​സാ​യു​ധ ഗ്രൂ​പ്പു​ക​ളെ പി​ടി​ച്ചു​കെ​ട്ടി​യി​ല്ലെ​ങ്കി​ൽ രാ​ജ്യം പ​ല​താ​യി വി​ഭ​ജി​ക്ക​പ്പെ​ടു​മെ​ന്ന് സൈ​നി​ക ഭ​ര​ണ​കൂ​ടം പ്ര​തി​ഷ്ഠി​ച്ച പ്ര​സി​ഡ​ന്റ് മി​യി​ന്റ് സു​വെ രാ​ജ്യ​ത്തി​ന്റെ സു​ര​ക്ഷാ സ​മി​തി യോ​ഗ​ത്തി​ൽ പ​റ​ഞ്ഞു. ഒ​ക്ടോ​ബ​ർ 26 മു​ത​ലാ​ണ് ഏ​റ്റു​മു​ട്ട​ൽ തു​ട​ങ്ങി​യ​ത്. കു​ടി​യി​റ​ക്ക​പ്പെ​ട്ട ആ​ളു​ക​ൾ മി​ക്ക​വ​രും ആ​രാ​ധ​നാ കേ​ന്ദ്ര​ങ്ങ​ളി​ലാ​ണ് അ​ഭ​യം തേ​ടി​യ​ത്.

ചൈ​ന​ക്ക് വ​ലി​യ സൈ​നി​ക-​ന​യ​ത​ന്ത്ര താ​ൽ​പ​ര്യ​ങ്ങ​ളു​ള്ള രാ​ജ്യ​മാ​ണ് മ്യാ​ന്മ​ർ എ​ന്ന​തി​നാ​ൽ അ​തി​ർ​ത്തി മേ​ഖ​ല​ക​ളി​ലെ സം​ഘ​ർ​ഷം കാ​ര്യ​ക്ഷ​മ​മാ​യി കൈ​കാ​ര്യം​ചെ​യ്യ​ണ​മെ​ന്ന് അ​വ​ർ സൈ​നി​ക ഭ​ര​ണ​കൂ​ട​ത്തോ​ട് നി​ർ​ദേ​ശി​ച്ച​താ​യാ​ണ് വി​വ​രം. മ്യാ​ന്മ​ർ കാ​ര്യ​മാ​യി ആ​യു​ധം വാ​ങ്ങു​ന്ന​ത് ചൈ​ന​യി​ൽ നി​ന്നാ​ണ്. മ്യാ​ന്മ​റി​ലെ ഊ​ർ​ജ​മേ​ഖ​ല​യി​ൽ ചൈ​ന വ​ൻ നി​ക്ഷേ​പ​വും ന​ട​ത്തി​യി​ട്ടു​ണ്ട്.