ബ്രസീലിൽ 200 വർഷം പഴക്കമുള്ള മ്യൂസിയം കത്തി നശിച്ചു

റിയോ ഡി ജനീറോ: ബ്രീസിലിലെ 200 വർഷം പഴക്കമുള്ള മ്യൂസിയത്തിന്​ തീപിടിച്ചു. റിയോ ഡി ജനീറോയിലെ ഏറ്റവും പഴക്കമേറിയ ശാസ്​ത്രസ്​ഥാപനമായ ദേശീയ മ്യൂസിയത്തിനാണ്​ തീപിടിച്ചത്​.

മ്യുസിയത്തിലുണ്ടായിരുന 20 ദശലക്ഷത്തോളും പുരാതന വസ്​തുക്കൾ നശിച്ചിരിക്കു​െമന്നാണ്​ കരുതുന്നത്​. അമേരിക്കയിൽ നിന്ന്​ ഇതുവരെ കണ്ടെടുത്ത ഏറ്റവും പഴക്കമേറിയ മനുഷ്യശരീരാവശിഷ്​ടങ്ങളും നശിച്ചവയിൽപെടുമെന്നാണ്​ കരുതുന്നത്​.

തീപിടുത്തത്തി​​​െൻറ കാരണം വ്യക്​തമാല്ല. ആർക്കും പരിക്കേറ്റിട്ടില്ല. മ്യൂസിയം പ്രവർത്തിക്കുന്ന കെട്ടിടം മുമ്പ്​ പോർച്ചുഗീസ്​ രാജകുടുംബത്തി​​​െൻറ കൊട്ടാരമായിരുന്നു. 1818ൽ പണിതതായിരുന്നു ഇൗ കെട്ടിടം.

സന്ദർശന സമയം കഴിഞ്ഞ്​ മ്യൂസിയം അടച്ച​ ശേഷം ഞായറാഴ്​ച വൈകീട്ടാണ്​ തീപിടിത്തമുണ്ടായത്​. തീപിടിത്തം നിയന്ത്രണ വിധേയമായി. മ്യൂസിയത്തിലെ ചില വസ്​തുക്കൾ സംരക്ഷിക്കാനായെന്ന്​ അഗ്​നി ശമന സേന അറിയിച്ചു.