ഒബാമക്കും മുസ് ലിംകൾക്കും പ്രവേശനമില്ല; അമേരിക്കയിലെ ബിസിനസ് ​സ്ഥാപനം വിവാദത്തിൽ

ന്യുയോർക്​: വംശവെറിയുണർത്തുന്ന പോസ്റ്റർ വിൽപനക്കുവെച്ച അമേരിക്കയിലെ ബിസിനസ്​ സ്​ഥാപനം വിവാദത്തിൽ. മുസ്​ലിംകൾക്കും ഒബാമക്കും ഇവിടെ പ്രവേശനമില്ല. ഒബാമ ടോയ് ലറ്റ്​ പേപ്പറാണ്, ​ഒബാമയെ കൊല്ലൂ എന്നിങ്ങനെയുള്ള പോസ്റ്ററുകൾ ന്യൂ മെക്സിക്കോയിൽ പ്രവർത്തിക്കുന്ന സ്ഥാപനമാണ് വിൽപ്പനക്ക്​ വെച്ചത്​​.

വിദ്വേഷ വാചകങ്ങൾ ഉള്ള ഇത്തരം പോസ്റ്ററുകൾ വർഷങ്ങളായി ഇവിടെ വിൽക്കുന്നുണ്ടെന്ന്​ കടയിമുൻ തൊഴിലാളി മാർലൻ എം.സി വില്യംസ്​പറയുന്നു. കറുത്ത വർഗക്കാർക്കെതിരെ പൊലീസ് നടത്തുന്ന അതിക്രമങ്ങളെ വിമർശിച്ച മുൻ നാഷണൽ ഫുട്ബോൾ ലീഗ്​ താരം കൊളിൻ കപെർനിക്കിനെ വംശീയമായി അധിക്ഷേപിക്കുന്ന പോസ്​റ്ററും ഇവിടെയുണ്ട്​.

അധികവില നൽകി വാങ്ങിയ സങ്കരയിനം ജന്തുവാണ്​കപെർനിക്കെന്നും ഇയാൾ ആഫ്രിക്കയിലേക്ക്​ തിരികെ പോകണമെന്നും അതിൽ പറയുന്നു. നവമാധ്യമങ്ങളിൽ സംഭവം വിവാദമായെങ്കിലും​​പൊലീസ്​ ഇതുസംബന്ധിച്ച്​ യാതൊരു അന്വേഷണവും നടത്താൻ തയ്യറായിട്ടില്ലെന്നും സ്​ഥാപനം ഇപ്പോൾ രണ്ടരക്കോടി രൂപക്ക്​വിൽപനക്ക്​വെച്ചിരിക്കുകയാണെന്നുമാണ് റിപ്പോർട്ട്​.

അമേരിക്കൻ ​പ്രസിഡൻറായി ഡൊണൾഡ്​ ട്രംപ് തെരഞ്ഞെടുക്കപ്പെട്ടശേഷം മുസ് ലിംകൾതിരായ 900 കേസുകൾ അമേരിക്കയിൽ റിപ്പോർട്ട്​ ചെയ്​തിട്ടുണ്ട്​. 2015നെ അപേക്ഷിച്ച് ഇൗ കേസുകൾ 2016ൽ 65 ശതമാനം വർദ്ധിച്ചതായാണ്​ എഫ്.ബി​.െഎ കണ്ടെത്തിയിരിക്കുന്നത്​.