ഞാനൊരു മുസ്​ലിം, എന്നെയൊന്ന്​ കെട്ടിപ്പുണരുമോ...? VIDEO

സ്വന്തം കണ്ണുകൾ മൂടിക്കെട്ടി, തലയിലൊരു തൊപ്പിയും ചുമലിൽ ഒരു ബാഗുമായി ബക്​താഷ്​ നൂരിയെന്ന 22കാരൻ മാഞ്ചസ്​റ്ററിലെ തെരുവിൽ ഇരുകൈകളും വിടർത്തി നിന്നു. തെരുവി​​​​െൻറ അ​േങ്ങപ്പുറത്തുനിന്ന്​ വാഹനങ്ങളുടെ ഒഴുക്ക്​ മുറിച്ചുകടന്ന്​ ഒരു സ്​ത്രീ ഒാടിവന്നു ബക്​താഷിനെ കെട്ടിപ്പിടിച്ചു.. ‘വിഷമിക്കേണ്ട, നിന്നെ എനിക്ക്​ വിശ്വാസമാണ്​...’ അവർ പറഞ്ഞു.
അതു​കണ്ടുകൊണ്ടുനിന്ന്​ മറ്റൊരാൾ ഒാടിവന്ന്​ ‘നീ തനിച്ചല്ല കുട്ടീ..’ എന്നു പറഞ്ഞ്​ ബക്​താഷിനെ കെട്ടിപ്പുണർന്നു.. അപ്പോഴും ബക്​താഷ്​ കണ്ണുകൾ മൂടിക്കെട്ടിത്തന്നെ നിന്നു.

മിനിറ്റുകൾക്കുള്ളിൽ ബക്​താഷി​​​​െൻറ മുന്നിൽ വലിയൊരു ക്യൂ തന്നെ രൂപപ്പെട്ടു. അതൊന്നും കാണാതെ തിക്കിത്തിരക്കി കയിറിവന്ന നൂറുകണക്കിനാളുകളുടെ ആലിംഗനത്തിൽ അമർന്ന്​ ബക്​താഷ്​ നിറഞ്ഞുനിന്നു.
മറ്റൊരാൾ അവനെ ​നെഞ്ചേടണച്ച്​  പറഞ്ഞു ‘കുഞ്ഞേ, നീ​െയാരു വരുത്തനാണെന്ന്​ ഒരിക്കലും കരുതരുത്​...’
‘എന്നും നിന്നെ ഞാൻ നെഞ്ചോട്​ ചേർക്കും. കാരണം, നിന്നെ എനിക്ക്​ വിശ്വാസമാണ്​..’ മറ്റൊരാൾ പറഞ്ഞതിങ്ങനെ.

നാല്​ ദിവസം മുമ്പായിരുന്നു സംഭവം. രാവിലെ മാഞ്ചസ്​റ്ററിലെ തെരുവിൽ പ്രത്യക്ഷപ്പെട്ട യുവാവി​​​​െൻറ മുന്നിലെ ​ചെറിയൊരു ​േബാർഡാണ്​ ഇൗ സംഭവങ്ങളുടെ കാരണക്കാരൻ. അതിൽ ബക്​താഷ്​ ഇങ്ങനെ എഴുതിവെച്ചിരുന്നു. 
I'M Muslim & I Trust You. Do You Trust Me Enough for A hug?
‘ഞാനൊരു മുസ്​ലിം. നിങ്ങളെ വിശ്വസിക്കുന്നു. ഒന്നുചേർത്തുപിടിക്കാൻ മാത്രം എന്നെ നിങ്ങൾ വിശ്വസിക്കുമോ...?’

മാഞ്ചസ്​റ്ററിൽ ഭീകരവാദികളുടെ ആക്രമണത്തിൽ 22 പേർ കൊല്ലപ്പെട്ട സംഭവത്തി​​​​െൻറ ഉത്തരവാദിത്തം ​െഎ.എസ്​ ഏറ്റെടുത്ത ശേഷം ഇംഗ്ലണ്ടിലെ മുസ്​ലിങ്ങൾ സംശയത്തി​​​​െൻറ നി​ഴലിലായിരുന്നു. ‘വിദ്വേഷത്തിനു പകരം സ്​നേഹം പകരുക..’ എന്ന ലക്ഷ്യവുമായായിരുന്നു ബക്​താഷ്​ നൂരി ബോർഡുമായി പ്രത്യക്ഷപ്പെട്ടത്​.

ബക്​താഷിനെ നെഞ്ചോടണച്ചവരിൽ ഒരാൾ അവനോട്​ പറഞ്ഞു. ‘ആ സ്​ഫോടനത്തിൽ എ​​​​െൻറ സഹോദരനും മരണപ്പെട്ടു. പക്ഷേ, ഞാൻ നിന്നെ വെറുക്കുന്നില്ല സഹോദരാ, സ്​നേഹിക്കുന്നേയ​ുള്ളു..’
മറ്റൊരാൾ വീൽചെയറിലിരുന്നുകൊണ്ട്​ ബക്​താഷിനെ പുണർന്നു. കറുത്തവരും വെളുത്തവരും എന്ന വേർതിരിവില്ലാതെ, കുട്ടികളും വലിയവരുമെന്ന വ്യത്യാസമില്ലാതെ മാഞ്ചസ്​റ്ററുകാർ ബക്​താഷിനെ ആലിംഗനം ചെയ്​തുകൊണ്ടേയിരുന്നു...

ലോകമെങ്ങും വിദ്വേഷം ആസൂത്രിതമായി പ്രചരിപ്പിച്ചുകൊണ്ടിരിക്കെ ബക്​താഷ്​ നൂരിയും അവനെ മ​ാറോടച്​ ചേർക്കാൻ ക്യൂ നിൽക്കുന്ന മാഞ്ചസ്​റ്ററിലെ സ്​നേഹ സമ്പന്നരായ ജനങ്ങളും ലോകമെങ്ങും സോഷ്യൽ മീഡിയയിൽ വൈറലായിരിക്കുകയാണ്​. ‘ദ ഡെയ്​ലി ടെലഗ്രാഫ്​’ പത്രം ഏറെ പ്രാധാന്യത്തോടെയാണ്​ സംഭവം വാർത്തയാക്കിയത്​.