ചൈന–പാക്​ സാമ്പത്തിക ഇടനാഴി: ഇന്ത്യയും ഭാഗമാവണമെന്ന്​ പാക്​ മന്ത്രി

കറാച്ചി: ചൈന–പാക്​ സാമ്പത്തിക ഇടനാഴിയെ എതിർക്കുന്നതിന്​ പകരം ഇന്ത്യയും പദ്ധതിയുടെ ഭാഗമാവണമെന്ന്​ പാക് മ​ന്ത്രി അഷാൻ ഇഖ്​ബാൽ. 

ചൈന–പാക്​ സാമ്പത്തിക ഇടനാഴി ഉപയോഗപ്പെടുത്തിയാൽ ഇന്ത്യക്ക്​ ചൈനയിലെ നഗരങ്ങളിലേക്ക്​ എളുപ്പത്തിൽ എത്തിച്ചേരാൻ സാധിക്കും. ഇത്​ ഇന്ത്യയുടെ വ്യാപാര മേഖലക്ക്​ ഗുണം ചെയ്യുമെന്നും അദ്ദേഹം പറഞ്ഞു. ഇന്ത്യയുമായുള്ള ബന്ധം മെച്ചപ്പെടുത്തി അവരെയും പദ്ധതിയുടെ ഭാഗമാക്കാൻ ശ്രമിക്കുമെന്ന്​ പാക്​ മന്ത്രി കൂട്ടിച്ചേർത്തു.

54 ബില്യൺ ഡോളറി​​​െൻറ വൻ പദ്ധതിയാണ്​ ചൈന–പാക്​ സാമ്പത്തിക ഇടനാഴി. ഇരു രാജ്യങ്ങളുടെയും സാമ്പത്തിക പുരോഗതി ലക്ഷ്യം വെച്ചുള്ളതാണ്​ പദ്ധതി. എന്നാൽ പാകിസ്​താനെ ചൈനക്ക്​ പണയം വെക്കുന്നതാണ്​ പദ്ധിതിയെന്നാരോപിച്ച്​ പാകിസ്​താനിൽ നിന്നു തന്നെ പദ്ധതിക്കെതിരെ എതിർപ്പുകൾ ഉയർന്നിരുന്നു. ഇന്ത്യക്കും പദ്ധതിയോട്​ അനുകൂല സമീപനം ഉണ്ടായിരുന്നില്ല. ഇൗ സാഹചര്യത്തിലാണ്​ നിലപാട്​ വ്യക്​തമാക്കി പാകിസ്​താൻ മന്ത്രി രംഗത്തെത്തിയത്​.