ന്യൂസിലാൻറ്​ പ്രധാനമന്ത്രി അമ്മയായി; പ്രധാനമന്ത്രി പദവിയിലിരിക്കെ അമ്മയായ രണ്ടാമത്തെ വ്യക്​തി

വെല്ലിങ്​ടൺ: ന്യൂസിലാൻറ്​ പ്രധാനമന്ത്രി ജസീന്ദ ആർഡൻ അമ്മയായി. ലോകത്ത്​ പ്രധാനമന്ത്രി പദത്തിലിരി​ക്കെ അമ്മയാകുന്ന രണ്ടാമത്തെയാളാണ്​ ജസീന്ദ. പാക്​ പ്രധാനമന്ത്രി ബേനസീർ ഭൂ​േട്ടായാണ്​ ആദ്യത്തെയാൾ. 

ഒാക്ക്​ലാൻറ്​ സിറ്റിയിലെ ആശുപത്രിയിൽ പ്രവേശിപ്പിച്ച പ്രധാനമന്ത്രി പ്രസവ തീയതി കഴിഞ്ഞ്​ നാലു ദിവസത്തിനു ശേഷമാണ്​  3.31കിലോയുള്ള പെൺകുഞ്ഞിന്​ ജൻമം നൽകിയത്​. ആറുമാസത്തെ പ്രസവാവധിയിലാണ്​ പ്രധാനമന്ത്രി. നിലവിൽ ഒൗദ്യോഗ ചുമതലകൾ ഉപപ്രധാന മന്ത്രി വിൻസൺ പീറ്ററി​െനയാണ്​ ഏൽപ്പിച്ചത്​. 

പ്രാദേശിക സമയം പുലർച്ചെ 4.45 നാണ്​ പ്രസവം നടന്നത്​. അമ്മയായ വിവരം പ്രധാനമന്ത്രി തന്നെയാണ്​ സമൂഹ മാധ്യമങ്ങളിലൂടെ പുറത്തു വിട്ടത്​. 37 കാരിയായ ജസീന്ദയാണ്​ 1856ന്​ ശേഷം രാജ്യത്തെ ഏറ്റവും പ്രായം കുറഞ്ഞ പ്രധാനമന്ത്രി. 

1990ലാണ്​ പാക്​ പ്രധാനമന്ത്രിയായിരുന്ന ബേനസീർ ഭൂ​േട്ടാ അമ്മയായത്​. യാദൃച്ഛികമെന്ന​േപാ​െല ബേനസീർ ഭൂ​േട്ടായൂടെ ജൻമദിനത്തിലാണ്​ ജസീന്ദയുടെ മകളുടെ ജനനവും​.