മൂ​ന്ന് ബ​ന്ദി​ക​ളു​ടെ മൃ​ത​ദേ​ഹം കൂ​ടി ഗ​സ്സ​യി​ൽ​നി​ന്ന് ക​ണ്ടെ​ടു​ത്തു

ഗ​സ്സ: മൂ​ന്ന് ഇ​സ്രാ​യേ​ൽ പൗ​ര​ന്മാ​രു​ടെ മൃ​ത​ദേ​ഹം കൂ​ടി ഗ​സ്സ​യി​ൽ​നി​ന്ന് ക​ണ്ടെ​ടു​ത്തു. ഹ​നാ​ൻ യ​ബ്ലോ​ങ്ക, മി​ഷേ​ൽ നി​സെ​ൻ​ബോം, ഓ​റി​യോ​ൺ ഹെ​ർ​ണാ​ണ്ട​സ് എ​ന്നി​വ​രു​ടെ മൃ​ത​ദേ​ഹ​മാ​ണ് ല​ഭി​ച്ച​ത്. ഒ​ക്ടോ​ബ​ർ ഏ​ഴി​ന് ഇ​സ്രാ​യേ​ലി​ലെ മെ​ഫാ​ൽ​സി​മി​ൽ ഹ​മാ​സി​ന്റെ മി​ന്ന​ലാ​ക്ര​മ​ണ​ത്തി​ൽ ഇ​വ​ർ കൊ​ല്ല​പ്പെ​ട്ടി​രു​ന്നു​വെ​ന്നും മൃ​ത​ദേ​ഹം ഗ​സ്സ​യി​ലേ​ക്ക് ക​ട​ത്തു​ക​യാ​യി​രു​ന്നു​വെ​ന്നും ഇ​സ്രാ​യേ​ൽ സൈ​ന്യം അ​റി​യി​ച്ചു.

ഒ​ക്ടോ​ബ​ർ ഏ​ഴി​ന് കൊ​ല്ല​പ്പെ​ട്ട മ​റ്റു മൂ​ന്ന് ഇ​സ്രാ​യേ​ലി​ക​ളു​ടെ മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​താ​യി സൈ​ന്യം അ​റി​യി​ച്ച് ഒ​രാ​ഴ്ച തി​ക​യും​മു​മ്പാ​ണ് പു​തി​യ പ്ര​ഖ്യാ​പ​നം. ഒ​ക്ടോ​ബ​ർ ഏ​ഴി​ന് 250ഓ​ളം ഇ​സ്രാ​യേ​ലി​ക​ളെ ഹ​മാ​സ് ബ​ന്ദി​യാ​ക്കി​യി​രു​ന്നു. ഇ​തി​ൽ നൂ​റോ​ളം പേ​രെ വെ​ടി​നി​ർ​ത്ത​ൽ ക​രാ​റി​ന്റെ ഭാ​ഗ​മാ​യി മോ​ചി​പ്പി​ച്ചു. നി​ര​വ​ധി ബ​ന്ദി​ക​ൾ ഗ​സ്സ​യി​ലെ ഇ​സ്രാ​യേ​ലി​ന്റെ വ്യോ​മാ​ക്ര​മ​ണ​ത്തി​ൽ കൊ​ല്ല​പ്പെ​ട്ടി​ട്ടു​ണ്ട്. നൂ​റോ​ളം പേ​ർ ഇ​നി​യും ബ​ന്ദി​ക​ളാ​യി ഉ​ണ്ടെ​ന്നാ​ണ് വി​ല​യി​രു​ത്ത​ൽ.

ഹ​മാ​സി​ന്റെ ത​ട​വി​ലു​ള്ള മു​ഴു​വ​ൻ ഇ​സ്രാ​യേ​ൽ പൗ​ര​ന്മാ​രെ​യും മോ​ചി​പ്പി​ക്കു​മെ​ന്നും മൃ​ത​ദേ​ഹ​ങ്ങ​ൾ വീ​ണ്ടെ​ടു​ക്കു​മെ​ന്നും ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു വെ​ള്ളി​യാ​ഴ്ച​യും ആ​വ​ർ​ത്തി​ച്ചു. സ​മ​വാ​യ​ത്തി​ലൂ​ടെ​യ​ല്ലാ​തെ ബ​ന്ദി​ക​ളെ മോ​ചി​പ്പി​ക്കാ​ൻ ക​ഴി​യി​ല്ലെ​ന്ന് ഹ​മാ​സും പ​റ​യു​ന്നു.

വെടിനിർത്തൽ ചർച്ചക്ക് യൂറോപ്പിൽ കളമൊരുങ്ങുന്നു

വാഷിങ്ടൺ: ഗ​സ്സ വെ​ടി​നി​ർ​ത്ത​ൽ ച​ർ​ച്ച പു​ന​രാ​രം​ഭി​ക്കാ​ൻ യു.​എ​സ് ര​ഹ​സ്യാ​ന്വേ​ഷ​ണ ഏ​ജ​ൻ​സി (സി.​ഐ.​എ) ഡ​യ​റ​ക്ട​ർ വി​ല്യം ബേ​ൺ​സ് യൂ​റോ​പ്പി​ലേ​ക്ക് തി​രി​ക്കും. മൊ​സാ​ദ് മേ​ധാ​വി ഡേ​വി​ഡ് ബ​ർ​ണി​യ, ഖ​ത്ത​ർ പ്ര​ധാ​ന​മ​ന്ത്രി മു​ഹ​മ്മ​ദ് ബി​ൻ അ​ബ്ദു​റ​ഹ്മാ​ൻ അ​ൽ​ഥാ​നി എ​ന്നി​വ​രു​മാ​യി കൂ​ടി​ക്കാ​ഴ്ച ന​ട​ത്തു​മെ​ന്ന് ‘ടൈം​സ് ഓ​ഫ് ഇ​സ്രാ​യേ​ൽ’ റി​പ്പോ​ർ​ട്ട് ചെ​യ്തു. ഏ​ത് രാ​ജ്യ​ത്താ​ണ് ച​ർ​ച്ച​യെ​ന്ന് വ്യ​ക്ത​മ​ല്ല. ഇ​സ്രാ​യേ​ൽ ച​ർ​ച്ച​ക്ക് സ​ന്ന​ദ്ധ​ത അ​റി​യി​ച്ച​താ​യി ക​ഴി​ഞ്ഞ ദി​വ​സം റി​പ്പോ​ർ​ട്ടു​ണ്ടാ​യി​രു​ന്നു.