ബംഗ്ലാദേശിൽ ഡിസംബറോടെ തെരഞ്ഞെടുപ്പ് നടത്തണം –ബി.എൻ.പി

ധാ​ക്ക: ഡി​സം​ബ​റോ​ടെ ബം​ഗ്ലാ​ദേ​ശി​ൽ പൊ​തു​തെ​ര​ഞ്ഞെ​ടു​പ്പ് ന​ട​ത്ത​ണ​മെ​ന്ന് മു​ൻ പ്ര​ധാ​ന​മ​ന്ത്രി ഖാ​ലി​ദ സി​യ​യു​ടെ ബം​ഗ്ലാ​ദേ​ശ് നാ​ഷ​ന​ലി​സ്റ്റ് പാ​ർ​ട്ടി (ബി.​എ​ൻ.​പി). തെ​ര​ഞ്ഞെ​ടു​പ്പ് ന​ട​ത്തു​ന്ന​തി​നു​ള്ള രൂ​പ​രേ​ഖ ത​യാ​റാ​ക്ക​ണ​മെ​ന്നും വി​വാ​ദ ഉ​പ​ദേ​ശ​ക​രെ ഒ​ഴി​വാ​ക്കി ഇ​ട​ക്കാ​ല സ​ർ​ക്കാ​റി​ന്റെ ഉ​പ​ദേ​ശ​ക കൗ​ൺ​സി​ൽ പു​നഃ​സം​ഘ​ടി​പ്പി​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.

ബി.​എ​ൻ.​പി സ്റ്റാ​ൻ​ഡി​ങ് ക​മ്മി​റ്റി അം​ഗം ഖാ​ണ്ഡേ​ക​ർ മു​ശ്റ​ഫ് ഹു​സൈ​ന്റെ നേ​തൃ​ത്വ​ത്തി​ലു​ള്ള പ്ര​തി​നി​ധി​സം​ഘം ഇ​ട​ക്കാ​ല സ​ർ​ക്കാ​ർ ത​ല​വ​ൻ മു​ഹ​മ്മ​ദ് യൂ​നു​സു​മാ​യി ഔ​ദ്യോ​ഗി​ക വ​സ​തി​യാ​യ ജ​മു​ന​യി​ൽ ന​ട​ത്തി​യ കൂ​ടി​ക്കാ​ഴ്ച​യി​ലാ​ണ് ഇ​ക്കാ​ര്യം ആ​വ​ശ്യ​പ്പെ​ട്ട​ത്.

ജ​ന​കീ​യ പ്ര​ക്ഷോ​ഭ നേ​താ​ക്ക​ളാ​യ മ​ഹ്ഫു​ജ് ആ​ലം, ആ​സി​ഫ് മ​ഹ്മൂ​ദ് ഷോ​ജി​ബ് ഭൂ​യാ​ൻ എ​ന്നി​വ​രെ ഉ​പ​ദേ​ശ​ക കൗ​ൺ​സി​ലി​ൽ​നി​ന്ന് ഒ​ഴി​വാ​ക്ക​ണ​മെ​ന്നാ​ണ് ബി.​എ​ൻ.​പി ആ​വ​ശ്യ​പ്പെ​ട്ട​തെ​ന്ന് മ​റ്റൊ​രു സ്റ്റാ​ൻ​ഡി​ങ് ക​മ്മി​റ്റി അം​ഗം സ​ലാ​ഹു​ദ്ദീ​ൻ അ​ഹ്മ​ദ് പ​റ​ഞ്ഞു. ബി.​എ​ൻ.​പി​യു​ടെ നി​ർ​ദേ​ശ​ങ്ങ​ളോ​ട് യൂ​നു​സി​ന്റെ പ്ര​തി​ക​ര​ണം കാ​ത്തി​രി​ക്കു​ക​യാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

ജ​മാ​അ​ത്തെ ഇ​സ്‍ലാ​മി, എ​ൻ.​സി.​പി തു​ട​ങ്ങി​യ നേ​താ​ക്ക​ളും യൂ​നു​സു​മാ​യി കൂ​ടി​ക്കാ​ഴ്ച ന​ട​ത്തി. എ​ല്ലാ പ​രി​ഷ്കാ​ര​ങ്ങ​ളും പൂ​ർ​ത്തി​യാ​യാ​ൽ ഫെ​ബ്രു​വ​രി പ​കു​തി​യോ​ടെ അ​ല്ലെ​ങ്കി​ൽ റ​മ​ദാ​ൻ ക​ഴി​ഞ്ഞാ​ൽ തെ​ര​ഞ്ഞെ​ടു​പ്പ് ന​ട​ത്താ​മെ​ന്നാ​ണ് നി​ർ​ദേ​ശി​ച്ച​തെ​ന്ന് ജ​മാ​അ​ത്ത് ത​ല​വ​ൻ ശ​ഫീ​ഖു​ർ​റ​ഹ്മാ​ൻ പ​റ​ഞ്ഞു.

അ​തേ​സ​മ​യം, പൊ​തു തെ​ര​ഞ്ഞെ​ടു​പ്പി​ന് മു​മ്പ് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പ് ന​ട​ത്ത​​ണ​മെ​ന്നാ​ണ് എ​ൻ.​സി.​പി നി​ർ​ദേ​ശി​ച്ച​ത്. രാ​ജ്യ​ത്ത് സ്വ​ത​ന്ത്ര​വും നി​ഷ്പ​ക്ഷ​വും സ​മാ​ധാ​ന​പ​ര​വു​മാ​യ തെ​ര​ഞ്ഞെ​ടു​പ്പ് ന​ട​ത്താ​ൻ ഇ​ട​ക്കാ​ല സ​ർ​ക്കാ​റി​ന് എ​ല്ലാ രാ​ഷ്ട്രീ​യ പാ​ർ​ട്ടി​ക​ളും പൂ​ർ​ണ പി​ന്തു​ണ ന​ൽ​കി​യ​താ​യും ഡി​സം​ബ​റി​നും ജൂ​ണി​നു​മി​ട​യി​ൽ തെ​ര​ഞ്ഞെ​ടു​പ്പ് ന​ട​ത്താ​മെ​ന്നാ​ണ് യൂ​നു​സ് അ​റി​യി​ച്ച​തെ​ന്നും അ​ദ്ദേ​ഹ​ത്തി​ന്റെ പ്ര​സ് സെ​ക്ര​ട്ട​റി ശ​ഫീ​ഖു​ൽ ആ​ലം പ​റ​ഞ്ഞു.