കുടിയേറ്റക്കാർക്കെതിരായ നടപടി; ബ്രിട്ടീഷ് ആഭ്യന്തര സെക്രട്ടറി രാജി വെച്ചു, സ്ഥാനത്തേക്ക്​ പാക്​ വംശജൻ

ലണ്ടൻ: അനധികൃത കുടിയേറ്റത്തിനെതിരായ സർക്കാർ നടപടി ബ്രിട്ടീഷ് ആഭ്യന്തര സെക്രട്ടറി ആംബർ റഡിൻെറ രാജിയിൽ കലാശിച്ചു. ദീർഘകാലം യു.കെയിൽ താമസിക്കുന്ന കരീബിയൻ വംശജർക്കെതിരായ നടപടിയാണ് റഡിൻറെ പദവി തെറിപ്പിച്ചത്. രാജി സ്വീകരിച്ചതായി പ്രധാനമന്ത്രി തെരേസ മേയുടെ ഒാഫീസ് അറിയിച്ചു. കഴിഞ്ഞ ആറ് മാസത്തിനുള്ളിൽ തെരേസ മെയ് സർക്കാറിൽനിന്ന് രാജിവെക്കുന്ന മന്ത്രിപദവിയുള്ള നാലാമത്തെയാളാണ് റഡ്. 

രാജിയെ തുടർന്ന്​ പാ​ക്​ വം​ശ​ജ​നാ​യ എം.​പി. സാ​ജി​ദ്​ ജാ​വി​ദി​നെ ബ്രി​ട്ടീ​ഷ്​ ആ​ഭ്യ​ന്ത​ര​ സെ​ക്ര​ട്ട​റിയാ​യി നി​യ​മി​ച്ചു. 1960ക​ളി​ൽ പാ​കി​സ്​​താ​നി​ൽ​നി​ന്ന്​ ബ്രി​ട്ട​നി​ലേ​ക്ക്​ കു​ടി​യേ​റി​യ​താ​ണ്​ 48കാ​ര​നാ​യ ജാ​വി​ദി​​​​െൻറ കു​ടും​ബം. പാ​കി​സ്​​താ​നി​ൽ ബ​സ്​ ഡ്രൈ​വ​റാ​യി​രു​ന്നു പി​താ​വ്. 

ക​ൺ​സ​ർ​വേ​റ്റീ​വ്​ പാ​ർ​ട്ടി എം.​പി​യാ​യ ഇ​ദ്ദേ​ഹം ഇ​ൻ​െ​വ​സ്​​റ്റ്​​മ​​​െൻറ്​ ബാ​ങ്ക​റും കൂ​ടി​യാ​ണ്. ബ്രി​ട്ട​നി​ൽ മ​ന്ത്രി​സ​ഭ​യി​ൽ ഉ​ന്ന​ത പ​ദ​വി​​യി​ലെ​ത്തു​ന്ന ആ​ദ്യ ദ​ക്ഷി​ണേ​ഷ്യ​ക്കാ​ര​നാ​ണ്​ ജാ​വി​ദ്. 
ദീ​ർ​ഘ​കാ​ലം ബ്രി​ട്ട​നി​ൽ താ​മ​സി​ക്കു​ന്ന ക​രീ​ബി​യ​ൻ വം​ശ​ജ​ർ​ക്കെ​തി​രാ​യ ന​ട​പ​ടി​യാ​ണ്​ റ​ഡി​​​​െൻറ രാ​ജി​യി​ൽ ക​ലാ​ശി​ച്ച​ത്.

1950-60 കാലഘട്ടത്തിൽ കരീബിയയിൽ നിന്ന് യു.കെയിൽ എത്തിച്ചേർന്നവർക്ക് ബ്രിട്ടനിൽ ചികിത്സ, പാർപ്പിടം എന്നിവ നിഷേധിക്കുകയും രാജ്യത്ത് താമസിക്കുന്നതിനുള്ള അവകാശം തെളിയിക്കുന്ന രേഖകൾ ഹാജരാക്കാൻ കഴിയാത്തതിനാൽ നാടുകടത്തുമെന്ന് ഭീഷണിപ്പെടുത്തിയതായും റിപ്പോർട്ടുണ്ടായിരുന്നു. വൈൻഡ്റഷ് തലമുറയെന്നാണ് ഇവർ അറിയപ്പെട്ടിരുന്നത്. ഇത് സർക്കാറിൻെറ കുടിയേറ്റ നയങ്ങൾക്കെതിരെ കടുത്ത വിമർശനമുയർത്തിയിരുന്നു.

തുടർന്ന് വിഷയത്തിൽ ആഭ്യന്തരവകുപ്പ് തെരഞ്ഞെടുപ്പു കമ്മറ്റി കഴിഞ്ഞയാഴ്ച്ച റഡിനെ ചോദ്യം ചെയ്തിരുന്നു. ഇത് സംബന്ധിച്ച് തനിക്ക് അറിയില്ലെന്നായിരുന്നു അവരുടെ മറുപടി. എന്നാൽ നാടുകടത്തൽ വിഷയത്തിൽ റഡ് തയ്യാറാക്കിയ പദ്ധതി ഗാർഡിയൻ ദിനപത്രം പുറത്ത് വിടുകയായിരുന്നു. ഇത് റഡിന് വൻതിരിച്ചടിയായതിനെ തുടർന്നാണ് രാജി വെക്കേണ്ടി വന്നത്. റഡിൻറെ കുടിയേറ്റ നയത്തിനെതിരെ പാർലമെന്റിന്റെ ഇരുസഭകളിൽ നിന്നും 200 ലേറെ അംഗങ്ങൾ ഒപ്പുവെച്ച കത്ത് പ്രധാനമന്ത്രിക്ക് കൈമാറിയിരുന്നു.