കോവിഡ്​ മഹാമാരിയെന്ന് ലോകാ​രോഗ്യ സംഘടന; വൈറസ്​ പടരുന്നതിൽ അതീവ ആശങ്ക

ജനീവ: കോവിഡ്​ 19 വൈറസ് ബാധ​ മഹാമാരിയായി മാറിയതായി ലോകാരോഗ്യ സംഘടന (ഡബ്ലിയു.എച്ച്​.ഒ) മേധാവി ടെഡ്രോസ്​ അദ്​ഹാനം ​ഗിബ്രയെസുസ്. കോവിഡ്​ 19 പോലെയൊരു മഹാമാരി നമ്മൾ ഇതിന്​ മുമ്പ്​ അനുഭവിച്ചിട്ടില്ലെന്ന്​ ടെഡ്രോസ്​ അദ്​ഹാനം ​മാധ്യമപ്രവർത്തകരോട്​ പറഞ്ഞു. കൊറോണ ​ൈവറസ്​ മൂലമുണ്ടാകുന്ന ആദ്യ മഹാമാരിയാണിത്​.

വളരെ ജാഗ്രതയോടെ ഉപയോഗിക്കേണ്ട പദമാണ്​ മഹാമാരി. കൊറോണ വൈറസ്​ മൂലമുണ്ടാകുന്ന ആദ്യ മഹാമാരിയാണിത്​. ലോകാരോഗ്യ സംഘടനയുടെ പ്രതിരോധപ്രവർത്തനങ്ങൾ ഇപ്പോഴുള്ളതുപോലെ തുടരും

എച്ച്​1 എൻ 1നുശേഷമുള്ള ആദ്യ മഹാമാരിയാണിത്​. ലോകത്തെ 114 രാജ്യങ്ങളിലായി 1,18,000ത്തിലേറെ കോവിഡ്​ കേസുകളാണ്​ റിപ്പോർട്ട്​ ചെയ്​തത്​. വൈറസ്​ പടരുന്നതിൽ അതീവ ആശങ്കയിലാണ്​ സംഘടന.

വൈറസിനെതിരെ രാജ്യങ്ങൾ ശക്​തമായ പ്രതിരോധ നടപടികൾ സ്വീകരിക്കണമെന്നും സംഘടന ആഹ്വാനം ചെയ്​തു. വൈറസിനെ തളയ്​ക്കാൻ കഴിയും. ചൈനയും ദക്ഷിണ കൊറിയയും അതി​​​െൻറ ഉദാഹരണമാണെന്നും ടെഡ്രോസ്​ പറഞ്ഞു.