ബ്രസീലിൽ മുൻ പ്രസിഡന്റ് അറസ്റ്റിൽ

സവോ പോളോ: ബ്രസീൽ മുൻ പ്രസിഡന്റ് ഫെർണാണ്ടോ കോളർ അഴിമതിക്കേസിൽ അറസ്റ്റിൽ. സ്വകാര്യ എണ്ണക്കമ്പനിയിൽനിന്ന് 35 ലക്ഷം ഡോളർ കൈക്കൂലി വാങ്ങിയെന്ന കേസിലാണ് 1990-92ൽ പ്രസിഡന്റ് പദം അലങ്കരിച്ച കോളർ പിടിയിലായത്.

വീട്ടുതടങ്കലിനു പകരം ജയിലിലടക്കാനും ഉത്തരവുണ്ട്. ബ്രസീലിൽ പാർലമെന്റംഗങ്ങൾ, പ്രസിഡന്റുമാർ, മന്ത്രിമാർ എന്നിവർക്കെതിരായ കേസുകൾ നേരിട്ട് സുപ്രീം കോടതിയാണ് കൈകാര്യം ചെയ്യുക.

ഓപറേഷൻ കാർ വാഷ് എന്ന പേരിൽ പുറത്തുവന്ന അന്വേഷണാത്മക റിപ്പോർട്ടാണ് കോളറിന് കുരുക്കായത്.