പട്ടിണിമരണ മുനമ്പായി ഗസ്സ; വിശന്നുകരഞ്ഞ് കു​ഞ്ഞു​ങ്ങ​ൾ; കൂ​ട്ട​മ​ര​ണം പ​ടി​വാ​തി​ലി​ൽ

ഗ​സ്സ: ഫ​ല​സ്തീ​നി​ക​ളെ വ​ള​ഞ്ഞു​വെ​ച്ച് പ​ട്ടി​ണി​ക്കി​ട്ട് കൊ​ല്ലു​ന്ന ഇ​സ്രാ​യേ​ൽ ക്രൂ​ര​ത​ക്കെ​തി​രെ പ്ര​തി​ഷേ​ധം ശ​ക്ത​മാ​കു​ന്നു. വ്യാ​ഴാ​ഴ്ച ര​ണ്ടു​പേ​ർ കൂ​ടി പ​ട്ടി​ണി കാ​ര​ണം മ​രി​ച്ച​തോ​ടെ ആ​കെ പ​ട്ടി​ണി മ​ര​ണം 115 ആ​യി. പ​ട്ടി​ണി കി​ട​ന്ന് എ​ല്ലും തോ​ലു​മാ​യ ഫ​ല​സ്തീ​നി കു​ട്ടി​ക​ളു​ടെ ചി​ത്ര​ങ്ങ​ൾ നി​ര​വ​ധി പ്ര​മു​ഖ​ർ പ​ങ്കു​വെ​ച്ചു. ഗ​സ്സ​യി​ലേ​ക്കു​ള്ള സ​ഹാ​യ വ​സ്തു​ക്ക​ൾ ഇ​സ്രാ​യേ​ലി​ന്റെ അ​നു​മ​തി തേ​ടി റ​ഫ അ​തി​ർ​ത്തി​യി​ൽ ദി​വ​സ​ങ്ങ​ളാ​യി കാ​ത്തു​കെ​ട്ടി​ക്കി​ട​ക്കു​ക​യാ​ണ്. 24 ല​ക്ഷ​ത്തോ​ളം ജ​ന​സം​ഖ്യ​യു​ള്ള ഗ​സ്സ​യി​ൽ കൂ​ട്ട പ​ട്ടി​ണി മ​ര​ണം ഒ​ഴി​വാ​ക്കാ​ൻ ആ​ഴ്ച​യി​ൽ അ​ഞ്ചു​ല​ക്ഷം ബാ​ഗ് ധാ​ന്യ​മെ​ങ്കി​ലും എ​ത്തേ​ണ്ട​തു​ണ്ട്.

ദി​വ​സ​ങ്ങ​ളാ​യി ഭ​ക്ഷ​ണം ക​ഴി​ക്കാ​ത്ത കു​ട്ടി​ക​ളു​ടെ വി​ശ​പ്പ് സ​ഹി​ക്കാ​തെ​യു​ള്ള ക​ര​ച്ചി​ൽ സ​ഹി​ക്കാ​ൻ ക​ഴി​യി​ല്ലെ​ന്ന് ദൈ​ർ അ​ൽ ബ​ലാ​ഹി​ൽ​നി​ന്ന് അ​ൽ ജ​സീ​റ റി​പ്പോ​ർ​ട്ട​ർ എ​ഴു​തി. ത​ങ്ങ​ൾ മു​മ്പും പ​ട്ടി​ണി കി​ട​ന്നി​ട്ടു​ണ്ടെ​ങ്കി​ലും ഇ​തു​പോ​ലൊ​രു ഭീ​ക​രാ​വ​സ്ഥ ഉ​ണ്ടാ​യി​ട്ടി​ല്ലെ​ന്ന് ഫ​ല​സ്തീ​നി​ക​ൾ പ്ര​തി​ക​രി​ച്ചു. 24 മ​ണി​ക്കൂ​റി​നി​ടെ 17 ഗ​സ്സ​ക്കാ​ർ കൂ​ടി ഇ​സ്രാ​യേ​ൽ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടു. ഇ​തു​വ​രെ ഗ​സ്സ​യി​ൽ ​കൊ​ല്ല​പ്പെ​ട്ട ഫ​ല​സ്തീ​നി​ക​ൾ 59,219 ​ആ​യി. 1,43,045 പേ​ർ​ക്ക് പ​രി​ക്കേ​റ്റു.

അ​തി​നി​ടെ കൊ​ടും​ക്രൂ​ര​ത​ക്കെ​തി​രെ ഒ​ടു​വി​ൽ ഇ​സ്രാ​യേ​ലി​ലെ ഡോ​ക്ട​ർ​മാ​രു​ടെ സം​ഘ​ട​ന​യാ​യ ഇ​സ്രാ​യേ​ൽ മെ​ഡി​ക്ക​ൽ അ​സോ​സി​യേ​ഷ​നും രം​​ഗ​ത്തെ​ത്തി. ആ​ശു​പ​ത്രി​ക​ൾ ത​ക​ർ​ക്കു​ന്ന​തും മ​രു​ന്നും ജീ​വ​ൻ​ര​ക്ഷാ ഉ​പ​ക​ര​ണ​ങ്ങ​ളും നി​ഷേ​ധി​ക്കു​ന്ന​തും ഭ​ക്ഷ​ണം തേ​ടി എ​ത്തു​ന്ന​വ​രെ വെ​ടി​വെ​ച്ചു​കൊ​ല്ലു​ന്ന​തും മെ​ഡി​ക്ക​ൽ എ​ത്തി​ക്‌​സി​ന്റെ​യും അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും ഗു​രു​ത​ര​മാ​യ ലം​ഘ​ന​മാ​ണെ​ന്ന് ഐ.​എം.​എ ചൂ​ണ്ടി​ക്കാ​ട്ടി.

ഇ​ക്കാ​ര്യം ചൂ​ണ്ടി​ക്കാ​ട്ടി പ്ര​തി​രോ​ധ മ​ന്ത്രി ഇ​സ്രാ​യേ​ൽ കാ​റ്റ്സ്, സൈ​നി​ക മേ​ധാ​വി മേ​ജ​ർ ജ​ന​റ​ൽ ഇ​യാ​ൽ സ​മീ​ർ എ​ന്നി​വ​ർ​ക്ക് സം​ഘ​ട​ന ക​ത്തെ​ഴു​തി. ഐ.​എം.​എ​യു​മാ​യു​ള്ള ബ​ന്ധം വി​ച്ഛേ​ദി​ക്കാ​ൻ ബ്രി​ട്ടീ​ഷ് മെ​ഡി​ക്ക​ൽ അ​സോ​സി​യേ​ഷ​ൻ (ബി.​എം.​എ) അ​ടു​ത്തി​ടെ തീ​രു​മാ​നി​ച്ച​തും അ​ന്താ​രാ​ഷ്ട്ര​ത​ല​ത്തി​ൽ ഉ​യ​രു​ന്ന സ​മ്മ​ർ​ദ​വും ക​ണ​ക്കി​ലെ​ടു​ത്താ​ണ് ഐ.​എം.​എ​യു​ടെ ഇ​ട​പെ​ട​ൽ. ഇ​സ്രാ​യേ​ലി​നെ ഉ​പ​രോ​ധി​ക്കു​ക​യും ആ​യു​ധ ക​യ​റ്റു​മ​തി നി​ർ​ത്തി​വെ​ക്കു​ക​യും വേ​ണ​മെ​ന്ന് 60ലേ​റെ യൂ​റോ​പ്യ​ൻ യൂ​നി​യ​ൻ പാ​ർ​ല​മെ​ന്റം​ഗ​ങ്ങ​ൾ ആ​വ​ശ്യ​പ്പെ​ട്ടു.