ഇന്ത്യ-പാക് സംഘർഷം: അയവു വരുത്തണമെന്ന് അമേരിക്ക

വാ​ഷി​ങ്ട​ൺ: പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു​പി​ന്നാ​ലെ ഉ​ട​ലെ​ടു​ത്ത സം​ഘ​ർ​ഷം ല​ഘൂ​ക​രി​ക്കു​ന്ന​തി​ന് യോ​ജി​ച്ച് പ്ര​വ​ർ​ത്തി​ക്കാ​ൻ ഇ​ന്ത്യ​യോ​ടും പാ​കി​സ്താ​നോ​ടും അ​മേ​രി​ക്ക ആ​വ​ശ്യ​പ്പെ​ട്ടു. ഇ​ന്ത്യ​ൻ വി​ദേ​ശ​കാ​ര്യ മ​ന്ത്രി​യു​മാ​യും പാ​കി​സ്താ​ൻ പ്ര​ധാ​ന​മ​ന്ത്രി​യു​മാ​യും യു.​എ​സ് സ്റ്റേ​റ്റ് സെ​ക്ര​ട്ട​റി മാ​ർ​കോ റൂ​ബി​യോ പ്ര​ത്യേ​കം ച​ർ​ച്ച​ക​ൾ ന​ട​ത്തു​ക​യും ചെ​യ്തു. ദ​ക്ഷി​ണേ​ഷ്യ​യി​ൽ സ​മാ​ധാ​ന​വും സു​ര​ക്ഷ​യും നി​ല​നി​ർ​ത്ത​ണ​മെ​ന്ന് അ​ദ്ദേ​ഹം ഇ​രു​വ​രോ​ടും ആ​വ​ശ്യ​പ്പെ​ട്ടു.

പ​ഹ​ൽ​ഗാം ആ​ക്ര​മ​ണ​ത്തി​ൽ ദുഃ​ഖം രേ​ഖ​പ്പെ​ടു​ത്തി​യ റൂ​ബി​യോ, ഭീ​ക​ര​ത​ക്കെ​തി​രാ​യ ഇ​ന്ത്യ​യു​ടെ പോ​രാ​ട്ട​ത്തി​ന് പി​ന്തു​ണ പ്ര​ഖ്യാ​പി​ക്കു​ക​യും ചെ​യ്തു. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു​പി​ന്നി​ൽ പ്ര​വ​ർ​ത്തി​ച്ച​വ​രെ നി​യ​മ​ത്തി​ന് മു​ന്നി​ൽ കൊ​ണ്ടു​വ​ര​ണ​മെ​ന്ന് റൂ​ബി​യോ​യു​മാ​യു​ള്ള ച​ർ​ച്ച​ക്കു​ശേ​ഷം എ​സ്. ജ​യ്ശ​ങ്ക​ർ എ​ക്സി​ൽ കു​റി​ച്ചു. ഭീ​ക​രാ​ക്ര​മ​ണ​ത്തെ അ​പ​ല​പി​ക്കേ​ണ്ട​തി​​ന്റെ ആ​വ​ശ്യ​ക​ത പാ​കി​സ്താ​ൻ പ്ര​ധാ​ന​മ​ന്ത്രി ശ​ഹ്ബാ​സ് ശ​രീ​ഫു​മാ​യു​ള്ള സം​ഭാ​ഷ​ണ​ത്തി​ൽ റൂ​ബി​യോ ചൂ​ണ്ടി​ക്കാ​ട്ടി. ഭീ​ക​രാ​ക്ര​മ​ണ​ത്തെ​ക്കു​റി​ച്ചു​ള്ള അ​ന്വേ​ഷ​ണ​ത്തോ​ട് സ​ഹ​ക​രി​ക്ക​ണ​മെ​ന്നും അ​ദ്ദേ​ഹം പാ​കി​സ്താ​നോ​ട് ആ​വ​ശ്യ​പ്പെ​ട്ടു. എ​ന്നാ​ൽ, ഭീ​ക​രാ​ക്ര​മ​ണ​ത്തെ പാ​കി​സ്താ​നു​മാ​യി ബ​ന്ധി​പ്പി​ക്കാ​നു​ള്ള ഇ​ന്ത്യ​യു​ടെ ശ്ര​മം പാ​ക് പ്ര​ധാ​ന​മ​ന്ത്രി ത​ള്ളി​ക്ക​ള​ഞ്ഞ​താ​യി അ​ദ്ദേ​ഹ​ത്തി​​ന്റെ ഓ​ഫി​സ് പു​റ​ത്തി​റ​ക്കി​യ പ്ര​സ്താ​വ​ന​യി​ൽ പ​റ​ഞ്ഞു.

അ​തി​നി​ടെ, ഇ​ന്ത്യ​യു​ടെ ഭാ​ഗ​ത്തു​നി​ന്ന് സൈ​നി​ക നീ​ക്ക​മു​ണ്ടാ​യാ​ൽ ദ്രു​ത​ഗ​തി​യി​ലു​ള്ള പ്ര​തി​ക​ര​ണ​മു​ണ്ടാ​കു​മെ​ന്ന് പാ​കി​സ്താ​ൻ സേ​നാ മേ​ധാ​വി ജ​ന​റ​ൽ അ​സിം മു​നീ​ർ പ​റ​ഞ്ഞു. മേ​ഖ​ല​യി​ലെ സ​മാ​ധാ​ന​ത്തി​ന് പാ​കി​സ്താ​ൻ പ്ര​തി​ജ്ഞാ​ബ​ദ്ധ​മാ​ണെ​ന്നും എ​ന്നാ​ൽ, രാ​ജ്യ​താ​ൽ​പ​ര്യം എ​ന്ത് വി​ല​കൊ​ടു​ത്തും സം​ര​ക്ഷി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

അതിർത്തിയിൽ വീണ്ടും പാക് വെടിവെപ്പ്

ജ​മ്മു: ജ​മ്മു-​ക​ശ്മീ​രി​ലെ അ​ഞ്ച് ജി​ല്ല​ക​ളി​ൽ നി​യ​ന്ത്ര​ണ രേ​ഖ​യി​ലും അ​ന്താ​രാ​ഷ്ട്ര അ​തി​ർ​ത്തി​യി​ലും പാ​ക് വെ​ടി​വെ​പ്പ്. ഏ​പ്രി​ൽ 22ലെ ​പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു​പി​ന്നാ​ലെ തു​ട​ർ​ച്ച​യാ​യ എ​ട്ടാം രാ​ത്രി​യാ​ണ് പ്ര​കോ​പ​ന​മി​ല്ലാ​തെ പാ​ക് സേ​ന വെ​ടി​യു​തി​ർ​ക്കു​ന്ന​ത്. ഇ​ന്ത്യ​ൻ സൈ​ന്യം ശ​ക്ത​മാ​യി തി​രി​ച്ച​ടി​ച്ച​താ​യി അ​ധി​കൃ​ത​ർ പ​റ​ഞ്ഞു. മു​ൻ​ക​രു​ത​ലെ​ന്ന നി​ല​യി​ൽ അ​തി​ർ​ത്തി മേ​ഖ​ല​യി​ൽ താ​മ​സി​ക്കു​ന്ന ജ​ന​ങ്ങ​ൾ വീ​ടു​ക​ളി​ലെ​യും പൊ​തു​സ്ഥ​ല​ങ്ങ​ളി​ലെ​യും ബ​ങ്ക​റു​ക​ൾ വാ​സ​യോ​ഗ്യ​മാ​ക്കാ​ൻ തു​ട​ങ്ങി.

കു​പ്‍വാ​ര, പൂ​ഞ്ച്, ബാ​രാ​മു​ള്ള, നൗ​ഷേ​ര, അ​ഖ്നൂ​ർ എ​ന്നി​വി​ട​ങ്ങ​ളി​ലാ​ണ് പാ​ക് സേ​ന​യു​ടെ വെ​ടി​വെ​പ്പു​ണ്ടാ​യ​ത്. കു​പ്‍വാ​ര, ബാ​രാ​മു​ള്ള ജി​ല്ല​ക​ളി​ൽ ചെ​റി​യ തോ​തി​ൽ ആ​രം​ഭി​ച്ച വെ​ടി​വെ​പ്പ് പി​ന്നീ​ട് മ​റ്റ് സ്ഥ​ല​ങ്ങ​ളി​ലേ​ക്കും വ്യാ​പി​ക്കു​ക​യാ​യി​രു​ന്നു.