നോ​ട്ടി​ങ്ഹാം ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രി​ൽ ഇന്ത്യൻ വംശജയായ കാ​യി​ക താ​ര​വും

ല​ണ്ട​ൻ: ചൊ​വ്വാ​ഴ്ച പു​ല​ർ​ച്ചെ മ​ധ്യ ഇം​ഗ്ല​ണ്ടി​ലെ നോ​ട്ടി​ങ്ഹാ​മി​ൽ കു​ത്തേ​റ്റ് മ​രി​ച്ച മൂ​ന്നു​പേ​രി​ൽ ഒ​രാ​ൾ ഇ​ന്ത്യ​ൻ വം​ശ​ജ​യാ​യ കൗ​മാ​ര​ക്കാ​രി​യാ​യ കാ​യി​ക താ​ര​വും. ഇം​ഗ്ല​ണ്ടി​ന്റെ അ​ണ്ട​ർ 18 ഹോ​ക്കി ടീം ​അം​ഗ​വും ക്രി​ക്ക​റ്റ് ക​ളി​ക്കാ​രി​യു​മാ​യ ഗ്രേ​സ് ഒ​മ​ല്ലേ കു​മാ​റാ​ണ് (19) കൊ​ല്ല​പ്പെ​ട്ട​ത്. ഗ്രേ​സി​നൊ​പ്പ​മു​ണ്ടാ​യി​രു​ന്ന സു​ഹൃ​ത്തും​ ക്രി​ക്ക​റ്റ് ക​ളി​ക്കാ​രി​യു​മാ​യ ബ​ർ​ണ​​ബി വെ​ബ്ബ​റും (19) കു​ത്തേ​റ്റ് മ​രി​ച്ചു. പ്ര​തി​യാ​യ 31കാ​ര​ൻ നോ​ട്ടി​ങ്ഹാം ഷെ​യ​ർ പൊ​ലീ​സി​ന്റെ ക​സ്റ്റ​ഡി​യി​ലാ​ണ്.

​ര​ണ്ടു പെ​ൺ​കു​ട്ടി​ക​ളെ കു​ത്തി​പ​രി​ക്കേ​ല്പി​ച്ച ആ​ക്ര​മി പി​ന്നീ​ട് 50 വ​യ​സ്സു​കാ​ര​നെ ഗു​​രു​ത​ര പ​രി​ക്കേ​ല്പി​ച്ച ശേ​ഷം ഇ​യാ​ളു​ടെ വാ​ൻ ത​ട്ടി​യെ​ടു​ത്ത് റോ​ഡ​രി​കി​ലു​ള്ള മൂ​ന്ന് പേ​ർ​ക്ക് മേ​ൽ ഓ​ടി​ച്ചു ക​യ​റ്റു​ക​യാ​യി​രു​ന്നു. വാ​നി​ടി​ച്ച് പ​രി​ക്കേ​റ്റ മൂ​വ​രും ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

സം​ഭ​വ​ത്തെ കു​റി​ച്ച് ഭീ​ക​ര​വി​രു​ദ്ധ വി​ഭാ​ഗ​ത്തി​നൊ​പ്പം തു​റ​ന്ന മ​ന​സ്സോ​ടെ​യാ​ണ് പൊ​ലീ​സ് അ​ന്വേ​ഷി​ക്കു​ന്ന​തെ​ന്ന് നോ​ട്ടി​ങ്ഹാം ഷെ​യ​ർ പൊ​ലീ​സ് ചീ​ഫ് കോ​ൺ​സ്റ്റ​ബി​ൾ കെ​യ്റ്റ് മെ​യ്ന​ൽ പ​റ​ഞ്ഞു. ഗ്രേ​സ് കു​മാ​റി​ന്റെ മ​ര​ണ​ത്തി​ൽ ഇം​ഗ്ല​ണ്ട് ഹോ​ക്കി അ​സോ​സി​യേ​ഷ​ൻ, എ​സ്സെ​ക്സി​ലെ വു​ഡ്ഫോ​ർ​ഡ് ​വെ​ൽ​സ് ക്രി​ക്ക​റ്റ് ക്ല​ബ് എ​ന്നി​വ​ർ അ​നു​ശോ​ചി​ച്ചു.

2009ൽ ​ല​ണ്ട​നി​ൽ ആ​ക്ര​മി​യു​ടെ കു​ത്തേ​റ്റ കൗ​മാ​ര​ക്കാ​രെ അ​ടി​യ​ന്ത​ര ശ​സ്ത്ര​ക്രി​യ ന​ട​ത്തി ര​ക്ഷി​ച്ച് ‘ഹീ​റോ’ ആ​യ ഡോ. ​സ​ൻ​ജോ​യ് കു​മാ​റി​ന്റെ മ​ക​ളാ​ണ് ​ഗ്രേ​സ് കു​മാ​ർ.