മാർപാപ്പയുടെ സംസ്കാര ചടങ്ങിൽ രാഷ്ട്രപതി പ​ങ്കെടുക്കും; അ​ന്ത്യാ​ഞ്ജ​ലി അ​ർ​പ്പി​ക്കാ​ൻ പ​തി​നാ​യി​ര​ങ്ങ​ൾ, പൊ​തു​ദ​ർ​ശ​നം ഇന്ന് വൈ​കീ​ട്ട് വ​രെ

ന്യൂഡൽഹി: ​ഫ്രാൻസിസ് മാർപാപ്പക്ക് അന്ത്യാഞ്ജലി അർപ്പിക്കാൻ രാഷ്ട്രപതി ദ്രൗപദി മുർമു വെള്ളിയാഴ്ച വത്തിക്കാനിലെത്തും. വിദേശകാര്യ മന്ത്രാലയമാണ് ഇക്കാര്യം അറിയിച്ചത്. ശനിയാഴ്ച നടക്കുന്ന സംസ്കാര ചടങ്ങിലും രാഷ്ട്രപതി പ​ങ്കെടുക്കും. കേന്ദ്രമന്ത്രിമാരായ കിരൺ റിജിജു, ജോർജ് കുര്യൻ, ഗോവ നിയമസഭ ഡെപ്യൂട്ടി സ്പീക്കർ ജോഷ്വ ഡിസൂസ എന്നിവർ രാഷ്ട്രപതിയെ അനുഗമിക്കുന്നുണ്ട്.

സെ​ന്റ് പീ​റ്റേ​ഴ്സ് ച​ത്വ​ര​ത്തി​ലാ​ണ് അ​വ​സാ​ന ച​ട​ങ്ങു​ക​ൾ നടക്കുക. റോ​മി​ലെ സാ​ന്‍റ മ​രി​യ മ​ഗ്വി​യോ​ർ ബ​സി​ലി​ക്ക​യി​ലാ​ണ് ഭൗ​തി​കദേ​ഹം അ​ട​ക്കു​ക. ബ്രി​ട്ടീ​ഷ് പ്ര​ധാ​ന​മ​ന്ത്രി കീ​ർ സ്റ്റാ​മ​ർ, യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പ് അ​ട​ക്കം പ്ര​മു​ഖ​രും സംസ്കാര ചടങ്ങിൽ പ​​ങ്കെ​ടു​ക്കും. ബു​ധ​നാ​ഴ്ച ആ​രം​ഭി​ച്ച പൊ​തു​ദ​ർ​ശ​നം വെ​ള്ളി​യാ​ഴ്ച വൈ​കീ​ട്ട് വ​രെ തു​ട​രും.

അതേസമയം, വി​ട​വാ​ങ്ങി​യ ഫ്രാ​ൻ​സി​സ് മാ​ർ​പാ​പ്പ​ക്ക് അ​ന്ത്യാ​ഞ്ജ​ലി അ​ർ​പ്പി​ക്കാ​ൻ പ​തി​നാ​യി​ര​ങ്ങ​ളാണ് സെ​ന്റ് പീ​റ്റേ​ഴ്സ് ബ​സി​ലി​ക്ക​യി​ൽ എത്തുന്നത്. അ​വ​സാ​ന ദ​ർ​ശ​നം കൊ​തി​ച്ച് വി​ശ്വാ​സി​ക​ളൊ​ഴു​കി​യ​പ്പോ​ൾ രാ​ത്രി​യി​ലും അ​വ​ർ​ക്കാ​യി ബ​സി​ലി​ക്ക​യു​ടെ വാ​തി​ലു​ക​ൾ തു​റ​ന്നു​കി​ട​ന്നു.

മ​ര​ത്തി​ൽ തീ​ർ​ത്ത പേ​ട​ക​ത്തി​ൽ പ്ര​ധാ​ന അ​ൽ​ത്താ​ര​യി​ലാ​ണ് പാ​പ്പ​യു​ടെ ഭൗ​തി​ക ദേ​ഹം കി​ട​ത്തി​യ​ത്. ബു​ധ​നാ​ഴ്ച രാ​വി​ലെ പൊ​തു​ദ​ർ​ശ​നം അ​നു​വ​ദി​ച്ച ശേ​ഷം വ്യാ​ഴാ​ഴ്ച രാ​വി​ലെ​യാ​കു​മ്പോ​ഴേ​ക്ക് അ​ര​ല​ക്ഷ​ത്തി​ലേ​റെ പേ​ർ ദ​ർ​ശ​നം ന​ട​ത്തി. അ​തി​ൽ അ​ർ​ധ​രാ​ത്രി​ക്കു ശേ​ഷം 5.30 വ​രെ മാ​ത്രം 13,000ത്തോ​ളം പേ​ർ എ​ത്തി. ഒ​ന്ന​ര മ​ണി​ക്കൂ​ർ ചെ​റി​യ ഇ​ട​വേ​ള​ക്കു ശേ​ഷം ഏ​ഴു മ​ണി​യോ​ടെ വീ​ണ്ടും തു​റ​ന്നു.

140​ കോ​ടി ക​ത്തോ​ലി​ക്ക വി​ശ്വാ​സി​ക​ളു​ടെ സ​മാ​രാ​ധ്യ​നാ​യ ആത്മീയ നായകൻ തി​ങ്ക​ളാ​ഴ്ച​യാ​ണ് വി​ട​വാ​ങ്ങി​യ​ത്. ന്യു​മോ​ണി​യ ബാ​ധി​ച്ച് അ​ഞ്ചാ​ഴ്ച​യി​ലേ​റെ​ ചി​കി​ത്സ​യി​ലാ​യി​രു​ന്ന മാർപാപ്പ ഈസ്റ്റർ ദിനത്തിൽ ​പൊതുവേദിയിൽ എത്തിയിരുന്നു. പിറ്റേന്നാണ് വിടവാങ്ങിയത്.