ഇന്ത്യയെയും പാകിസ്താനെയും സഹായിക്കാൻ തയാർ -ഇറാൻ

തെഹ്റാ​ൻ: പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ന്റെ പ​ശ്ചാ​ത്ത​ല​ത്തി​ൽ വ​ഷ​ളാ​യ ഇ​ന്ത്യ- പാ​ക് ബ​ന്ധം പ​ഴ​യ നി​ല​യി​ലേ​ക്ക് തി​രി​ച്ചെ​ത്തി​ക്കാ​ൻ സഹായിക്കാൻ തയാറാണെന്ന് ഇറാൻ. ഇ​സ്‍ലാ​മാ​ബാ​ദി​ലെ​യും ന്യൂ​ഡ​ൽ​ഹി​യി​ലെ​യും ത​ങ്ങ​ളു​ടെ ന​യ​ത​ന്ത്ര കാ​ര്യാ​ല​യ​ങ്ങ​ൾ ഇതിനായി പ്ര​യോ​ജ​ന​പ്പെ​ടു​ത്താ​ൻ ഒ​രു​ക്ക​മാ​ണെ​ന്ന് ഇറാൻ വി​ദേ​ശ​കാ​ര്യ മ​ന്ത്രി സ​യ്യി​ദ് അ​ബ്ബാ​സ് അ​റഘ്​ച്ചി പറഞ്ഞു.

മേഖലയിലെ സമാധാനത്തിന്‍റെയും സ്ഥിരതയുടെയും പ്രാധാന്യം ഇറാൻ വി​ദേ​ശ​കാ​ര്യ മന്ത്രി ഊന്നിപ്പറഞ്ഞു. ഇന്ത്യയെയും പാകിസ്താനെയും "സഹോദര അയൽക്കാർ" എന്ന് അദ്ദേഹം വിശേഷിപ്പിച്ചു.

India and Pakistan are brotherly neighbors of Iran, enjoying relations rooted in centuries-old cultural and civilizational ties. Like other neighbors, we consider them our foremost priority.

Tehran stands ready to use its good offices in Islamabad and New Delhi to forge greater… pic.twitter.com/5XsZnEPg2D

— Seyed Abbas Araghchi (@araghchi) April 25, 2025

‘ഇന്ത്യയും പാകിസ്താനും ഇറാന്‍റെ സഹോദര അയൽക്കാരാണ്. നൂറ്റാണ്ടുകൾ പഴക്കമുള്ള സാംസ്കാരിക, നാഗരിക ബന്ധങ്ങളിൽ വേരൂന്നിയ ബന്ധം. മറ്റ് അയൽക്കാരെപ്പോലെ, അവരെ ഞങ്ങൾ ഞങ്ങളുടെ മുൻ‌ഗണനയായി കണക്കാക്കുന്നു. ഈ ദുഷ്‌കരമായ സമയത്ത് കൂടുതൽ പരസ്പര ധാരണ സ്ഥാപിക്കുന്നതിന് ഇസ്‍ലാമാബാദിലെയും ന്യൂഡൽഹിയിലെയും ഓഫീസുകൾ ഉപയോഗിക്കാൻ ഇറാൻ തയാറാണ് -അദ്ദേഹം എക്സിൽ കുറിച്ചു.