കുരുതി അവസാനിപ്പിക്കാതെ ഇസ്രായേൽ; 94 ഫലസ്തീനികളെകൂടി കൊലപ്പെടുത്തി

ഗ​സ്സ: ഗ​സ്സ​യി​ൽ ഇ​സ്രാ​യേ​ലി​ന്റെ കു​രു​തി തു​ട​രു​ന്നു. ഭ​ക്ഷ​ണ​ത്തി​ന് കാ​ത്തു​നി​ന്ന 45 പേ​രെ ഉ​ൾ​പ്പെ​ടെ 94 ഫ​ല​സ്തീ​നി​ക​ളെ ഒ​റ്റ ദി​വ​സം കൊ​ല​പ്പെ​ടു​ത്തി. 48 മ​ണി​ക്കൂ​റി​നി​ടെ 300ൽ ​ഏ​റെ പേ​രെ​യാ​ണ് കൊ​ല​പ്പെ​ടു​ത്തി​യ​ത്.

ഭ​ക്ഷ​ണ വി​ത​ര​ണ​ത്തി​നു​ള്ള മ​റ്റു വ​ഴി​ക​ൾ അ​ട​ച്ച ശേ​ഷം ഇ​​സ്രാ​യേ​ലി​ന്റെ​യും അ​മേ​രി​ക്ക​യു​ടെ​യും പി​ന്തു​ണ​യോ​ടെ ന​ട​ത്തു​ന്ന വി​ത​ര​ണ കേ​ന്ദ്ര​ങ്ങ​ളി​ൽ തി​ര​ക്ക് നി​യ​ന്ത്രി​ക്കാ​ൻ എ​ന്ന വ്യാ​ജേ​ന​യാ​ണ് നി​ര​പ​രാ​ധി​ക​ളെ വെ​ടി​വെ​ച്ച് കൊ​ല്ലു​ന്ന​ത്. കൊ​ടും​പ​ട്ടി​ണി​യി​ലാ​യ​തി​നാ​ലാ​ണ് മ​ര​ണ​ക്കെ​ണി​യാ​ണെ​ന്ന് അ​റി​ഞ്ഞി​ട്ടും സ​ഹാ​യ വി​ത​ര​ണ കേ​ന്ദ്ര​ത്തി​ലേ​ക്ക് ജ​നം കൂ​ട്ട​മാ​യി എ​ത്തു​ന്ന​ത്. പ്ര​കോ​പ​ന​മി​ല്ലാ​തെ​യാ​ണ് തോ​ക്കും ഗ്ര​നേ​ഡും ഉ​പ​യോ​ഗി​ച്ച് ആ​ക്ര​മി​ക്കു​ന്ന​ത്.

ഖാ​ൻ യൂ​നി​സി​ലെ അ​ൽ മ​വാ​സി​യി​ൽ അ​ഭ​യാ​ർ​ഥി​ക​ളു​ടെ ത​മ്പി​ൽ ബോം​ബി​ട്ട് 15 പേ​രെ​യും ഗ​സ്സ സി​റ്റി​യി​ൽ അ​ഭ​യാ​ർ​ഥി കേ​ന്ദ്ര​മാ​യ സ്കൂ​ളി​ൽ 15 പേ​രെ​യും കൊ​ല​പ്പെ​ടു​ത്തി. ഗ​സ്സ​യി​ൽ കൊ​ല്ല​പ്പെ​ട്ട ഫ​ല​സ്തീ​നി​ക​ൾ 57,033 ആ​യി. 1,34,611 പേ​ർ​ക്ക് പ​രി​ക്കേ​റ്റു.

അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പ് മു​ന്നോ​ട്ടു​വെ​ച്ച വെ​ടി​നി​ർ​ത്ത​ൽ നി​ർ​ദേ​ശ​ത്തി​ൽ ച​ർ​ച്ച ന​ട​ക്കു​ന്ന​തി​നി​ടെ​യാ​ണ് ഇ​സ്രാ​യേ​ൽ കു​രു​തി തു​ട​രു​ന്ന​ത്. 60 ദി​വ​സ​ത്തെ വെ​ടി​നി​ർ​ത്ത​ൽ നി​ർ​ദേ​ശ​മാ​ണ് ട്രം​പ് മു​ന്നോ​ട്ടു​വെ​ച്ച​ത്. ഈ ​സ​മ​യ​ത്തി​നു​ള്ളി​ൽ സ​മ​ഗ്ര പ​രി​ഹാ​രം ച​ർ​ച്ച ചെ​യ്യാ​മെ​ന്ന് അ​ദ്ദേ​ഹം നി​ർ​ദേ​ശി​ച്ചു. പൂ​ർ​ണ യു​ദ്ധ​വി​രാ​മം ആ​വ​ശ്യ​പ്പെ​ട്ട ഹ​മാ​സ് വെ​ടി​നി​ർ​ദേ​ശം പ​ഠി​ക്കു​ക​യാ​ണെ​ന്നും വ്യ​ക്ത​മാ​ക്കി​യി​ട്ടു​ണ്ട്.

അ​തി​നി​ടെ വെ​സ്റ്റ് ബാ​ങ്ക് പി​ടി​ച്ച​ട​ക്ക​ണ​മെ​ന്ന് ഇ​സ്രാ​യേ​ൽ മ​ന്ത്രി​സ​ഭ​യി​ലെ തീ​വ്ര​വ​ല​തു​പ​ക്ഷ മ​​ന്ത്രി​മാ​ർ ആ​വ​ശ്യ​പ്പെ​ട്ട​ത് ആ​ശ​ങ്ക​യും പ്ര​തി​ഷേ​ധ​വും പ​ട​ർ​ത്തി. ധ​ന​മ​ന്ത്രി ബെ​സ​ലേ​ൽ സ്മോ​ട്രി​ച്ചി​ന്റെ നേ​തൃ​ത്വ​ത്തി​ൽ 14 മ​ന്ത്രി​മാ​രാ​ണ് ജൂ​ലൈ 27ന് ​പാ​ർ​ല​മെ​ന്റ് സെ​ഷ​ൻ അ​വ​സാ​നി​ക്കു​ന്ന​തി​നു മു​മ്പ് വെ​സ്റ്റ് ബാ​ങ്ക് പൂ​ർ​ണ​മാ​യി പി​ടി​ച്ച​ട​ക്ക​ണ​മെ​ന്ന് ആ​വ​ശ്യ​പ്പെ​ട്ട​ത്.