ലബനാനിൽ വീണ്ടും ഇസ്രായേൽ ആക്രമണം; വെടിനിർത്തൽ ലംഘനമെന്ന് ഹിസ്ബുല്ല

ബൈ​റൂ​ത്: വെ​ടി​നി​ർ​ത്ത​ൽ ക​രാ​ർ ലം​ഘി​ച്ച് ഇ​സ്രാ​യേ​ൽ വീ​ണ്ടും ല​ബ​നാ​നി​ൽ ക​ന​ത്ത ആ​ക്ര​മ​ണം ന​ട​ത്തി​യ​താ​യി റി​പ്പോ​ർ​ട്ട്. ബെ​കാ വാ​ലി​യി​ലും ല​ബ​നാ​ന്റെ സി​റി​യ​ൻ അ​തി​ർ​ത്തി​യി​ലു​മാ​ണ് ക​ഴി​ഞ്ഞ രാ​ത്രി ആ​ക്ര​മ​ണം ന​ട​ത്തി​യ​ത്.

ഡ്രോ​ൺ ആ​ക്ര​മ​ണ​ത്തി​ൽ ര​ണ്ട് പേ​ർ കൊ​ല്ല​പ്പെ​ട്ട​താ​യി ല​ബ​നാ​ൻ ആ​രോ​ഗ്യ​മ​ന്ത്രി അ​റി​യി​ച്ചു. ഹി​സ്ബു​ല്ല​യു​ടെ ഭൂ​ഗ​ർ​ഭ ആ​യു​ധ കേ​ന്ദ്ര​ങ്ങ​ളും ആ​യു​ധം ക​ട​ത്തു​ന്ന മേ​ഖ​ല​യു​മാ​ണ് ആ​ക്ര​മി​ച്ച​തെ​ന്ന് ഇ​സ്രാ​യേ​ൽ സൈ​ന്യം ന്യാ​യീ​ക​രി​ച്ചു. വെ​ടി​നി​ർ​ത്ത​ൽ ക​രാ​ർ പ്ര​കാ​രം ഇ​സ്രാ​യേ​ൽ സേ​ന​യെ ല​ബ​നാ​നി​ൽ​നി​ന്ന് പി​ൻ​വ​ലി​ക്കാ​നു​ള്ള സ​മ​യ​പ​രി​ധി നീ​ട്ടി​ന​ൽ​കി​യ​തി​നെ​തു​ട​ർ​ന്ന് മേ​ഖ​ല​യി​ൽ സം​ഘ​ർ​ഷാ​വ​സ്ഥ രൂ​ക്ഷ​മാ​യി​രി​ക്കു​ക​യാ​ണ്.

വ്യോ​മാ​ക്ര​മ​ണ​ത്തെ അ​പ​ല​പി​ച്ച ഹി​സ്ബു​ല്ല നേ​താ​വ് ഇ​ബ്രാ​ഹിം മു​സാ​വി, ഇ​സ്രാ​യേ​ലി​ന്റെ​ത് വെ​ടി​നി​ർ​ത്ത​ൽ ക​രാ​റി​ന്റെ അ​പ​ക​ട​ക​ര​മാ​യ ലം​ഘ​ന​വും വ്യ​ക്ത​മാ​യ അ​ധി​​നി​വേ​ശ​വു​മാ​ണെ​ന്നും ചൂ​ണ്ടി​ക്കാ​ണി​ച്ചു. ഇ​സ്രാ​യേ​ലി​ന്റെ തു​ട​ർ​ച്ച​യാ​യ ആ​ക്ര​മ​ണം ല​ബ​നാ​ൻ ത​ട​യ​ണ​മെ​ന്നും ആ​വ​ശ്യ​പ്പെ​ട്ടു.

ക​ഴി​ഞ്ഞ ന​വം​ബ​ർ 27ന് ​ഹി​സ്ബു​ല്ല​യു​മാ​യി വെ​ടി​നി​ർ​ത്ത​ൽ ക​രാ​ർ നി​ല​വി​ൽ വ​ന്ന ശേ​ഷം 83 പേ​രെ​ങ്കി​ലും ഇ​സ്രാ​യേ​ൽ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടി​ട്ടു​ണ്ട്. മാ​ത്ര​മ​ല്ല, അ​തി​ർ​ത്തി ഗ്രാ​മ​ങ്ങ​ളി​ലേ​ക്ക് തി​രി​ച്ചെ​ത്തി​യ​വ​ർ​ക്കു​നേ​രെ സൈ​ന്യം വെ​ടി​വെ​ച്ച​തി​നെ​തു​ട​ർ​ന്ന് 228 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.