ഇസ്രായേൽ സൈനിക മേധാവി രാജി പ്രഖ്യാപിച്ചു

തെൽ അവിവ്: 2023 ഒക്ടോബർ ഏഴിലെ ഹമാസ് ആക്രമണം തടയുന്നതിൽ പരാജയപ്പെട്ടതിന്‍റെ ഉത്തരവാദിത്തമേറ്റെടുത്ത് ഇസ്രായേൽ പ്രതിരോധ സേനാ മേധാവി ഹെർസി ഹലേവി രാജി പ്രഖ്യാപിച്ചു. ഇദ്ദേഹത്തോടൊപ്പം സൈന്യത്തിന്‍റെ ദക്ഷിണ കമാൻഡ് മേധാവി യാരോൺ ഫിൻകെൽമാനും രാജി പ്രഖ്യാപിച്ചിട്ടുണ്ട്.

മാർച്ച് ആറിന് താൻ ഇസ്രായേൽ പ്രതിരോധ സൈന്യത്തിന്‍റെ ചുമതലയൊഴിയുമെന്ന് കാണിച്ച് ഹെർസി ഹലേവി പ്രതിരോധ മന്ത്രി ഇസ്രായേൽ കാർട്സിന് കത്ത് നൽകി. യാരോൺ ഫിൻകെൽമാനും പ്രതിരോധ മന്ത്രിക്ക് കത്ത് നൽകിയെങ്കിലും സ്ഥാനമൊഴിയുന്ന തിയതി പ്രഖ്യാപിച്ചിട്ടില്ല.

ഹമാസ് ആക്രമണത്തിന് പിന്നാലെ ഇസ്രായേൽ ഗസ്സക്കെതിരെ യുദ്ധം പ്രഖ്യാപിച്ച് 15 മാസവും, വെടിനിർത്തൽ പ്രഖ്യാപിച്ച് രണ്ട് ദിവസവും പിന്നിടുമ്പോഴാണ് സൈനിക മേധാവിയുടെ രാജി. വെടിനിർത്തലിന്‍റെ ആദ്യഘട്ടം പൂർത്തിയാകുന്നതിന് പിന്നാലെയാകും ഹലേവിയുടെ രാജി.

ഗസ്സയിൽ വെടിനിർത്തൽ നിലവിൽ വന്നെങ്കിലും അ​ധി​നി​വി​ഷ്ട വെ​സ്റ്റ് ബാ​ങ്കിൽ കടുത്ത ആക്രമണം തുടരുകയാണ് ഇസ്രായേൽ. വെ​സ്റ്റ് ബാ​ങ്കി​ലെ ജെ​നി​ൻ അ​ഭ​യാ​ർ​ഥി ക്യാ​മ്പി​ൽ ഇ​സ്രാ​യേ​ൽ സൈ​ന്യ​ത്തി​ന്റെ ആ​ക്ര​മ​ണ​ത്തി​ൽ ആ​റു ഫ​ല​സ്തീ​നി​ക​ൾ കൊ​ല്ല​പ്പെ​ട്ടു. 35 പേ​ർ​ക്ക് പ​രി​ക്കേ​റ്റു. അ​ധി​നി​വി​ഷ്ട വെ​സ്റ്റ്ബാ​ങ്കി​ലെ ഇ​സ്രാ​യേ​ൽ കു​ടി​യേ​റ്റ​ക്കാ​രും വ്യാ​പ​ക ആ​ക്ര​മ​ണം ന​ട​ത്തു​ന്ന​താ​യി ഫ​ല​സ്തീ​നി​ക​ൾ പ​രാ​തി​പ്പെ​ട്ടു.

അ​തേ​സ​മ​യം, വെ​ടി​നി​ർ​ത്ത​ലി​ന്റെ മൂ​ന്നാം​ദി​വ​സ​വും ഗ​സ്സ​യി​ലേ​ക്ക് സ​ഹാ​യ​ങ്ങ​ൾ എ​ത്തു​ന്നു​െ​ണ്ട​ങ്കി​ലും വ​ള​രെ കു​റ​വാ​ണെ​ന്ന് റി​പ്പോ​ർ​ട്ടു​ണ്ട്. 915 ട്ര​ക്കു​ക​ളി​ൽ അ​വ​ശ്യ​വ​സ്തു​ക്ക​ൾ ഉ​ൾ​പ്പെ​ടെ എ​ത്തി​യി​ട്ടു​ണ്ടെ​ന്ന് ഐ​ക്യ​രാ​ഷ്ട്ര​സ​ഭ ഡെ​പ്യൂ​ട്ടി വ​ക്താ​വ് ഫ​ർ​ഹാ​ൻ അ​ഖ്ത​ർ പ​റ​ഞ്ഞു. ഗ​സ്സ​യി​ലെ 20 ല​ക്ഷം​പേ​ർ​ക്ക് ഇ​തു​മാ​ത്ര​മാ​ണ് ആ​ശ്ര​യ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഗ​സ്സ​യി​ലെ ആ​ശു​പ​ത്രി​ക​ളി​ൽ കി​ട​ക്ക​ക​ൾ വ​ർ​ധി​പ്പി​ക്കാ​നും കൂ​ടു​ത​ൽ ആ​രോ​ഗ്യ​പ്ര​വ​ർ​ത്ത​ക​രെ നി​യോ​ഗി​ക്കാ​നും ലോ​കാ​രോ​ഗ്യ സം​ഘ​ട​ന 60 ദി​വ​സ​ത്തെ പ​ദ്ധ​തി ആ​വി​ഷ്‍ക​രി​ച്ചു. 25 ട്ര​ക്കു​ക​ളി​ൽ എ​ണ്ണ എ​ത്തി​ച്ചു​വെ​ന്ന് ഖ​ത്ത​ർ വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് മാ​ജി​ദ് അ​ൽ അ​ൻ​സാ​രി പ​റ​ഞ്ഞു.

വെ​ടി​നി​ർ​ത്ത​ൽ ക​രാ​റി​ന്റെ ഭാ​ഗ​മാ​യി ശ​നി​യാ​ഴ്ച ഹ​മാ​സ് നാ​ല് വ​നി​ത ബ​ന്ദി​ക​ളെ​യും ഇ​സ്രാ​യേ​ൽ ഫ​ല​സ്തീ​ൻ ത​ട​വു​കാ​രെ​യും മോ​ചി​പ്പി​ക്കും. ആ​റാ​ഴ്ച​ക്കി​ടെ ഘ​ട്ടം​ഘ​ട്ട​മാ​യി 1890 ഫ​ല​സ്തീ​ൻ ത​ട​വു​കാ​ർ​ക്ക് പ​ക​രം ഹ​മാ​സ് 33 ബ​ന്ദി​ക​ളെ വി​ട്ട​യ​ക്കും. അ​തേ​സ​മ​യം, ഇ​സ്രാ​യേ​ൽ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ​യും പ​രി​ക്കേ​റ്റ​വ​രു​ടെ​യും വി​ശ​ദ ക​ണ​ക്കു​ക​ൾ ഗ​സ്സ സ​ർ​ക്കാ​റി​ന്റെ മാ​ധ്യ​മ വി​ഭാ​ഗം പു​റ​ത്തു​വി​ട്ടു. 2092 കു​ടും​ബ​ങ്ങ​ളാ​ണ് കൊ​ല്ല​പ്പെ​ട്ട​ത്. ഇ​വ​രി​ൽ 214 പേ​ർ ന​വ​ജാ​ത ശി​ശു​ക്ക​ളാ​ണ്. പോ​ഷ​കാ​ഹാ​രം ല​ഭി​ക്കാ​തെ 44 കു​ഞ്ഞു​ങ്ങ​ൾ മ​രി​ച്ചു. ഗ​സ്സ​യു​ടെ 88 ശ​ത​മാ​ന​വും ത​ക​ർ​ന്നു. പ്രാ​ഥ​മി​ക ക​ണ​ക്കു​ക​ൾ​പ്ര​കാ​രം 38 ബി​ല്യ​ൺ ഡോ​ള​റാ​ണ് നാ​ശ​ന​ഷ്ടം.