ഇ​സ്രാ​യേ​ൽ പാർല​മെന്റ് പിരിച്ചുവിട്ടു; വീ​ണ്ടും തെ​ര​ഞ്ഞെ​ടു​പ്പി​ലേ​ക്ക്

തെ​ൽ അ​വീ​വ്: ഇ​സ്രാ​യേ​ലി​ൽ മൂന്നു വർഷത്തിനിടെ അഞ്ചാം തെരഞ്ഞെടുപ്പിന് കളമൊരുക്കി പാ​ർ​ല​മെ​ന്റ് പി​രി​ച്ചു​വി​ട്ടു. പ്രധാനമന്ത്രി ന​ഫ്താ​ലി ബെ​ന​റ്റ് രാജിവെച്ചതോടെ ഇ​ട​ക്കാ​ല പി​ൻ​ഗാ​മി​യാ​യിയാ​യി​ യായിർ ലാ​പി​ഡ് ചുമതലയേറ്റു. ബുധനാഴ്ച രാത്രി ചേർന്ന പാർലമെന്റ് യോഗത്തിൽ പിരിച്ചുവിടാനുള്ള പ്രമേയത്തെ 92 പേർ അനുകൂലിച്ചു. മറ്റുള്ളവർ വിട്ടുനിന്നു.

യ​ഥാ​ർ​ഥ പി​ൻ​ഗാ​മി​യെ ന​വം​ബ​റി​ൽ ന​ട​ക്കു​ന്ന തെ​ര​ഞ്ഞെ​ടു​പ്പ് തീ​രു​മാ​നി​ക്കും. 12 വ​ർ​ഷം ഭ​ര​ണ​ത്തി​ലി​രു​ന്ന ​ബി​ന്യ​മി​ൻ നെ​ത​ന്യാ​ഹു​വി​നെ മ​റി​ച്ചി​ട്ടാ​ണ് എ​ട്ടു ക​ക്ഷി​ക​ളു​ടെ സ​ഖ്യ​ത്തെ ന​യി​ച്ച് ഒ​രു വ​ർ​ഷം മു​മ്പ് ന​ഫ്താ​ലി ബെ​ന​റ്റ് ഇ​സ്രാ​യേ​ൽ പ്ര​ധാ​ന​മ​ന്ത്രി​യാ​യ​ത്. ആ​ദ്യ​മാ​യി, അ​റ​ബ് ക​ക്ഷി​യാ​യ 'റാം' ​സ​ഖ്യ​ത്തി​ന്റെ ഭാ​ഗ​മാ​യി. എ​ന്നാ​ൽ, അ​സ്വാ​ര​സ്യ​ങ്ങ​ൾ ക​ടു​ത്ത​തോ​ടെ പാ​ർ​ല​മെ​ന്റ് പി​രി​ച്ചു​വി​ട്ട് വീ​ണ്ടും തെ​ര​ഞ്ഞെ​ടു​പ്പ് ന​ട​ത്താ​ൻ നി​ർ​ബ​ന്ധി​ത​മാ​കു​ക​യാ​യി​രു​ന്നു.

ബെ​ന​റ്റ് മ​ന്ത്രി​സ​ഭ​യി​ൽ വി​ദേ​ശ​കാ​ര്യം കൈ​കാ​ര്യം ചെ​യ്തി​രു​ന്ന മ​ന്ത്രി​യാ​യി​രു​ന്നു മു​ൻ ടെ​ലി​വി​ഷ​ൻ അ​വ​താ​ര​ക​നും നെ​ത​ന്യാ​ഹു വി​രു​ദ്ധ​നു​മാ​യ യാ​യി​ർ ലാ​പി​ഡ്. ഏ​റ്റ​വു​മൊ​ടു​വി​ൽ വെ​സ്റ്റ് ബാ​ങ്കി​ലെ അ​ഞ്ചു ല​ക്ഷ​ത്തോ​ളം ജൂ​ത കു​ടി​യേ​റ്റ​ക്കാ​ർ​ക്ക് ഇ​സ്രാ​യേ​ൽ നി​യ​മ​പ്ര​കാ​രം ജീ​വി​ത​ത്തി​ന് അ​വ​കാ​ശം ന​ൽ​കു​ന്ന ബി​ല്ലാ​ണ് ബെ​ന​റ്റി​ന്റെ അ​ധി​കാ​ര ന​ഷ്ട​ത്തി​ലേ​ക്ക് ന​യി​ച്ച​ത്. 55 വ​ർ​ഷം മു​മ്പ് ന​ട​ത്തി​യ അ​ധി​നി​വേ​ശ​ത്തി​ന് ഭ​ര​ണാ​നു​മ​തി​യാ​കു​മെ​ന്ന​തി​നാ​ൽ ഭ​ര​ണ​ത്തി​ന്റെ ഭാ​ഗ​മാ​യി അ​റ​ബ് ക​ക്ഷി ഈ ​ബി​ല്ലി​നെ പി​ന്തു​ണ​ക്കി​ല്ലെ​ന്ന് അ​റി​യി​ച്ചു. ഇ​തോ​ടെ, എ​ക്കാ​ല​ത്തും കു​ടി​യേ​റ്റ​ത്തെ അ​നു​കൂ​ലി​ച്ചി​രു​ന്ന ബെ​ന​റ്റി​ന് അ​ധി​കാ​രം വി​ട്ടൊ​ഴി​യു​ക​യെ​ന്ന അ​വ​സാ​ന വ​ഴി മാ​ത്ര​മാ​യി ആ​ശ്ര​യം.

ന​വം​ബ​ർ ഒ​ന്നി​നാ​ണ് തെ​ര​ഞ്ഞെ​ടു​പ്പ്. 120 അം​ഗ സ​ഭ​യി​ലേ​ക്ക് അ​ടു​ത്ത ത​വ​ണ​യും നെ​ത​ന്യാ​ഹു​വി​ന്റെ ലി​ക്കു​ഡ് ക​ക്ഷി മ​ത്സ​ര രം​ഗ​ത്തു​ണ്ടാ​കും. പാ​ർ​ട്ടി​ക്കു ത​ന്നെ​യാ​കും മേ​ൽ​ക്കൈ​യെ​ന്നും അ​ഭി​പ്രാ​യ സ​ർ​വേ​ക​ൾ പ​റ​യു​ന്നു. ഇനി മത്സരിക്കാനില്ലെന്ന് ബെനറ്റ് വ്യക്തമാക്കിയിരുന്നു.