ഭാര്യയെയും അമ്മയെയും കൊന്നു; അമേരിക്കയിൽ മുൻ ഇന്ത്യൻ അത്​ലറ്റ്​ പിടിയിൽ

പെൻസിൽവാനിയ: ഭാര്യയെയും അമ്മയെയും കൊലപ്പെടുത്തിയ കേസിൽ മുൻ ഇന്ത്യൻ അത്​ലറ്റ്​ അറസ്​റ്റിൽ. 1983ലെ കുവൈത്ത്​ ഏഷ്യൻ ചാമ്പ്യൻഷിപ്പിൽ ഷോട്പുട്ടിൽ വെങ്കലം ​േനടിയ ഇഖ്​ബാൽ സിങ്​ (62) ആണ്​ പെൻസിൽവാനിയയിലെ ഡെലാവർ കൗണ്ടിയിൽ അറസ്​റ്റിലായത്​.

അമ്മ നാസിബ്​ കൗർ, ഭാര്യ ജസ്​പാൽ കൗർ എന്നിവരുടെ കഴുത്തിന്​ മുറിവേൽപിച്ചാണ്​ കൊലപ്പെടുത്തിയത്​. കൊല നടത്തിയ ശേഷം ഇഖ്​ബാൽ സിങ്​ മകനെയും മകളെയും വിളിച്ച്​ രണ്ടുപേരെയും ഇല്ലാതാക്കിയെന്ന്​ പറയുകയായിരുന്നു.

മക്കൾ അറിയിച്ചതനുസരിച്ച്​ പൊലീസ്​ എത്തിയപ്പോൾ സ്വയം ഏൽപിച്ച മുറിവുകളുമായി ഇഖ്​ബാൽ സിങ്ങിനെയാണ്​ കണ്ടത്​. അമ്മ താ​ഴത്തെ നിലയിലും ഭാര്യ മുകളിലെ നിലയിലും മരിച്ചുകിടക്കുകയായിരുന്നു. പെൻസിൽവാനിയയിൽ ടാക്​സി കാബ്​ ഡ്രൈവറാണ്​ ഇഖ്​ബാൽ സിങ്​.